امهات ساعدوني انا عندي عرس اخت ريلي قريب
وعندي بنتين وحده3 سنوات ووحده سنه ونص وانا عادة ما اخذهم على الاعراس
بس هاي عمتهم ولازم اخذهم
منو عندها خبرة كيف تتعامل بالعرس ويا الصغاريه انا ما ابيهم يشاغبوا او يطلعوا عند الكوشه نفس الاطفال اللي اشوفهم بالاعراس يركضون وما ادري شو من تخريبات يسوون
انا ما ادري كيف بيكون الموقف انا اول مره اشلهم وياي عرس
هم هاديات
بس يوم يكونوا مع بنات عماتهم او اي صغاريه ثانيين تبدأ الحركات مالهم والتقليد الاعمى انا اكيد بشل الشغالات وياي بس انا افكر اخذ لهم شي يتسلون فيه بس محتاره شو ممكن اسوي
منو مرت على ها الموقف وشو سويتوا؟؟؟
نقيد حركتهم انتى خلى الشغالات يكونو معهم طول العرس وخلينهن
يلعبون معا بنات عماتهم بس الكوشه لالا يسيرون صوبهم
ولو فيه حجره في الصاله ولالا الفندق زياده ممكن
تحطون لهم تى في ورسوم توم اند جيري
ربي يحفظهم لج
انا شليت ولدي عمره سنه ونص عرس بنت اخوه ريلي ولعوزنيييييييييي بالقوووو مع انه كانت له حدامه بس ماشي فايده يبا يلعب عالكوشه ويربع شرق وغرب وانا خفت عليه ولا تهنيت فالعرس بصراحه وكله كان يباني ويصيح…
والحين قريب عندنا عرس بس ان شاء الله اني مابشله العرس بوديه عند خواتي…
اصلا هو شو دراه عرس عمته والاخالته
فالنهايه انا الي راح اتلعوز وما بتهنا بالعرس
ونصيحه خليهن عند حد من اهلج ولاتشلينهن وتتلعوزين …. هذا مب عرس هذي حضانه
والسموحه….
خليهن في البيت ابرك لهن واريح وهن مايدرن عرس عمتهن ولاخالتهن تراهن صغار وبعدين نا ماحب خذ الاطفال في الاعراس بالذت اما اي مكان ثاني جنهم ذيلي خخخخخخخخخخخخ
بس يدتهم وعماتهم يبون كل الصغار
يعني لو انا حطيتهم بالبيت بيقولون ماتبي اتييب عيال ولدنا
وانا كلمت عمتي بها الشي وقالت لازم اييبهم عرس عمتهم وعمتهم تباهم يحضرون
وانا ما ابي ازعلهم
مافي مفر لازم اخذهم