في اناشيد واايد يدودتنا كانوا يغنونها حقنا خاصتا حق اليهال. يدتي صارلها 3 سنوات متوفيه الله يرحمها وكانت دايما اتقول ها الاناشيد حق اعيال اخواني – بس نحنا ابدا ماكتبناهم – والحين نحاول نتذكر بس مافي فايده – فيالليت لو وحده تعرف تكملت الاناشيد اتخبرنا او تسأل يدتها الله يخليها لها امين – والله اني ماخليت مكان مادورتهن بس مافي فايده
نحن من راك بس عايشين في بوظبي من زمان – وابدا ما اذكرهم وايد بس بكتبهن تحت وشورو علي
الاولى
يا القصه يا النثريه تنثر على الحياه
يالليت ابويه تاجر واميه اتحب الزين؟ ………… كندورتي شرخها
الثانيه
جلع سريره سلطون وقفا يبا هله … خاف من القصيره والدنيا منحله عنده
يييووو سلطان
الثالثه
الولد سموه سند – ركاب الخيل – في ايده سجين – ذابح مسجين
الرابعه
مريحانوه – كل الحريم عرسو الا فطوم كنونوه
انتي قصيره وبيضا .. والخشم مكعبات
يا قصه يا نثريه .. تنثر على الحياة
سعودي ساير مكه .. بيب ثياب بو العكه
بحطه في صندوقي .. صندوقي ماله مفتاح
والمفتاح عند الحداد .. والحداد يبغي فلوس
والفلوس عند العروس . والعروس تبغي عيال
والعيال يبغون حليب .. والحليب عند البقر
والبقر يبغون حشيش . والحشيش فوق اليبل
واليبل يبغي مطر .. والمطر عند الله
[IMG]https://www.*****.com/vb/imgcache/58353.imgcache[/IMG]
خوصه بوصه يا النبوصه كلاج الدود من حندود
ليلى ليلى عطينا سيفج بنلاجي به عبدالله بن سلطان
لادغتنه عقربيه شقربيه دوسة خيل ولا مطيه
يوم يتها الهديه .. دستها في الزويه
تتحسبني طلاّبه .. اطلب على البيبان
ما جن ابويه تاجر .بيصوغ لي الذهبان
طاحت عليه نفه . قوموا اشترولي دفه
طاح المطر برعوده . كسر حوي سعوده
طاح المطر بيد الله .. كسر حوي عبدالله
طاح المطر من فوق . كسر حوي بن طوق
ولد عمي ما بغاني .. تنقى علي واختار
تنقى ام السلاسل .. ام الشغاب الطوال
حلفت انا لزامط .. بالند وبالبياض
يا عليا قومي ركبي … بيقودبج علوه
المطرح والزوالي .. جدامج ربعوه
نهار ما صبحتي .. المدفع ثوروه
الحلوى في القواطي . والنخي نثروه
يا فاطمة بنت راشد . يا شيخة البنات
انتي قصيره وبيضا .. والخشم مكعبات
يا قصة يانثرية … تنثر على الحياة
سبعة ورا البيت .. والثامن عند ابوها
واحد يدق الزعفران … والثاني يقول يا ليتني خادم ابوها.
يا بنية ما دريتي … عن خطار لفوج
قالت لفوني غبشة .. على خيول وبوش
مصلين الجمعه ..صقر ولد الشيوخ
يالس على الدجيجه . يالس ويعد فلوس
يا الطاسه يا المخبوقه .. ما ضمتها الفلوس
يا بنيه موتي غصه .. اذا انا مريت
انا سلبت فوادج … في السكه واتليت
يالغرفة يا الشرجيه .. بناها بو علي
حق عاشه البدويه .. بنت محمد علي
من اليوع لو متّي . ما يوزج شتّي
بيوزج تاير .. لو بالحجي جاير
يا بنيتي يالزينه .. صبي لبوج دهينه
جان ما رضى ولد عمج.. صبي واجلعي عينه
يرقد وليدي رقده هنيه
رقدة الغزلان في البريه
يرقد وليدي طيب الله نومه
وعدو وليدى ما هنا بمنامعيال عمي سبعة .. خلوني باتنقى
نقيت بو طاقية …. بو يوخه ما رضى
زامط عليه بخشمه .. يا خشم اليوحره
خشمي طويل وغاوي .شفته في المنظره .
حيا الله اللي يباني …. يسلم العشره
يامي يامي ياماية ..راعي البحر ما ابااه
يشل مزمات العومة…وتصل على علباه
ابا وليد عمي من خنيره ورداه…ما هد خطام الصفرا ولا ضيع عصاه
يا يراده طيري طيري والحجي عصفور..
ياويل من له عدة والذيب غيل في الغنم
بي من باطن حشاية..
ولا بي عسر من دين..ما تلحجة اليدين
منقووول