اشحالكم ؟ اليوم حبيت احط طريقة الباستا الايطاليه لعيون حبيبتي meme12345678 , لني وعدتها بس تسمحلي لني اتاخرت عليها .
اولا المقادير :
باستا …. انا استعملت هاي هلمره بس دوم استعمل السبقتي العريضه بس ما كانت موجوده عندي
و اهم شي عشان الطعم الزبده
و الكريم
رشت فلفل اسود
ملح ( حسب الرغبه )
بصله وحده صغيره
علبة مشروم مقطع بطول
و طبعا ما سويت الدياي المشواي الي ايحطونه فوقه بس استبدلته بدياي المفروم
و الحين الطريقه :
نطبخ الباستا و انخليها عصوب
و عقب نيب البان و نحط فيها سر الطعم كله ملعقه صغيره و و نحط شوي زيت بعد و نضيف البصل عشان يحمر شوي :
عقب ما يحمر شوي البصل انضيف المشروم و نخليه ينطبخ نص يعني ثلاث ثقايق
و عقب انضيف الدياي المفروم ( ملاحضه الي ماتبا اتحط دياي تقدر تستغني عنه)
و نضيف رشت ملح حسب الرغبه و فلفل اسود و نخلطهم مع بعض
و نتريا لين ينطبخ الدياي و ما يبقى شي من الماي ماله و عقب انضيف الكريم ( اذا مثل الي فصوره اتحطون ثلاث ارباعه يعني تقريبا كامل بس يبقا ربعه )
و عقب انخليه لين ما ايثور و نضوقه و اذا نبا انضيفله ملح انضيفله
و بعد ما ايثور و يخلص انضيفه للباستا الي سوينها و خلصناها قبل
و نحركهم مع بعض و انخليه ايثور عشر دقايق لين ما الباستا تتشرب الصوص و عقب انقدمها مثل ما انحب و هذا صحني :
و هني و عافيه
و لا تحرموني من ردودكم الحلوه
عاد تعرفين شكثرر احبهاا هالباستاا
ماتقصرين والله وجاان استحيي سمحلي عبلت عليج الغاليه
ويعطيج الف عافيه
تسلم الأيادي حبيبتي
تسلميييين و يعطيج العافية