مرحباً بنات ياليت تعطوني نصايحكم وياريت اللي عندها نفس المشكلة تفيدني اذا قدرت تتأقلم مع الوضع
اول شي من قبل لا املج كان عندي بلاك بيري ويوم ملجت ريلي قالي ماباج تستخدمينه اللي يباج يطرشلج مسج بحجة انه هو يشغل ومن هالكلام وقالي انه يكره البلاك بيري لانه مضيعة وقت وكله سوالف وخربطان ومن هاالكلام وقالي لو شفته عندج بشله وبفره وانا احترمت هالشي انه مايحب البلاك بيري وودرته ……
المهم
عقب العرس بفترة قالي أبا اظهر بلاك بيري واذا تبين خذيلج واحد انصدمت بس تبون الصراحة كنت متوقعة،،، *ربعه اللي بالدوام اقنعوه يظهر واحد شراتهم وبعدين حسيت من كلامه انه يبا يضيف بنات ويجوف افلام ويبا يشترك فالفيس بوك مع انه مايعرف شي عن هالسوالف بس الحين يالس يحاول يتعلم ويستألني كيف يفتح حساب فالفيس بوك أنا قتله ماعرف
شورو علي بنات شو اسوي مابغي هالشي يشغلني وايلس افكر ابا اعرف المعرسة اللي ريلها عنده بلاك بيري كيف متقبلة الوضع*
والسموحة اذا طولت
اوكي خليه يستخدم البلاك بيري بس المصيبه اذا كان ماخلاج تشوفين شو عنده فالبلاك بيري .. لو بغيتي تفتشين مثلا
انا عن نفسي اخذ البلاك بيري اللي يستخدمه ريلي وافتش فيه وهو يالس .. واذا ماخلاني اعرف انه في شي ..
بس انتي عطيه الثقه وشوفي شو يصير .. وان شاء الله خير ..
المشاركة الأصلية كتبت بواسطة (دلوع قلبي) 
مشكورة اختي عالرد بس هو خلاص خذاله واحد والحين يالس يتعلم عليه
المشاركة الأصلية كتبت بواسطة بـنـوتـه اوكي خليه يستخدم البلاك بيري بس المصيبه اذا كان ماخلاج تشوفين شو عنده فالبلاك بيري .. لو بغيتي تفتشين مثلا
انا عن نفسي اخذ البلاك بيري اللي يستخدمه ريلي وافتش فيه وهو يالس .. واذا ماخلاني اعرف انه في شي ..
بس انتي عطيه الثقه وشوفي شو يصير .. وان شاء الله خير ..
أنا معطتنه الثقة وأحاول اني احسن الظن فيه ومع الايام بيبين كل شي ويوم اقوله شو اللي غير رأيك يقول عقليتي تغيرت أنا اعرف انه اللي بالدوام غيروه ولا هو ماكان يفكر بالهسوالف سبحان الله مافي شي يتم على حاله
ذكريه بالله أختي وان محد ضامن نفسه
والأجل يمكن ييه اليوم أو يباجر ما يدري
فعلــآ الأقل يسوي الي يرضي الله ويحسن النيـة
وخبريه ان الي ما يرضاه على عرضه لازم ما يرضاه على غيره
التكنولوجيا اساسية لكن مع الإستعمال الصحيح
ودوم ذكريه بالله وحاولي تشغلينه عن البلاك بيري قد ما تقدرين
والله يهديه ويصلح حالكم