البشرة الجافة .شو الحل؟؟ 2024.

السلام عليكم حبوبات

شخباركن ..ان شاء الله مرتاحات

الموهيييييم..عندي مشكلة ألا وهي بشرتي الجافه

عيزت وانا اجرب اشياء وماشئ فايده

في البداية كنت احط يولاي وبعد تظهر على ويهي علامات الجفاف
وعقب نصحوني استخدم فازلين قبل لا أحط اليولاي والبودرة وجربت وطلع اوكيه اختفت البقع لفترة معينة وعقب ردت بشرتي شرات قبل

وبعدها نصحوني بزيت زيتون احطه وعقب احط اليولاي وسويت ظليت فترة ورجع الحال لما هو عليه يعني ردت بشرتي تجف

ورحت لدكتور جلدية فنصحني استخدم صابونه معينه من الصيدلية وما أغسل ويهي بالصابون الا مرة وحده في اليوم ..وانا داومت على هالشئ بس بعدها بشرتيه تجف اذا حطيت اي كريم او اي كريم اساس او اي ميك اب عموماً

وبعد جربت احط منتجات جونسون للاطفال لان بشرتي حساسه ومن جيه تجف بس إتم بشرتي رقيقه وناعمه لمدة ساعتين الى ثلاث بالكثير وعقب ترجع تجف..

وقالولي يمكن السبه من نقص السوائل فحاولت اشرب ماي وايد بس بعد نفس الشئ رغم اني آكل فواكه وايد عسب الفيتامينات وجيه..

شو الحل بلييييييز ساعدوني..

للعلم احياناً احط ماسكات بيتوتيه اخذ وصفاتها من النت عسب ترطب البشره بس بعد ما منها فايده

بصييييييييييييييييييييييييييييييييح

السلاام عليكم ورحمة الله وبركااته

الغالية بشرتج شكلهاا جافة يمكن لانج تستخدمين هالخلطاات الي من النت صح انه الخلطاات الطبيعية مالها ضرر بس اذا هالخلطاات احتوت ع الليموون او ماشابه من الحمضياات ابتعدي عنهاا..لانها تسبب جفااف البشرة واذا استخدامج لل اولاي مب ضروري اتركيه فترة وردي عليه بعدين…استخدمي الشوفاان مع اللبن عسى ينفعج
وماء الورد…..
الله يوفقج دنياا واخرة تقبلي مروووري

هلا فديتج
لا بالعكس الخلطات اللي استخدمها احاول انها ماتحتوي على ليمون او خل او مشتقاتهم
وتعرفين اذا حطيت شئ على ويهي يمكن مرة بالشهر بس لاني بصراحه اضيج بسرعه من اي شئ على ويهي حتى الميك اب ماتحمله اكثر عن ساعة او ساعة ونص
بس المشكلة اذا كنتي تداومين لازم تحطين كريم خفيف بس عسب يعطي ويهج نظارة وجلوس خفيف وفوق ها تجف بشرتيه..والله تعقدت

وان شاء الله بحاول استخدم ماي الورد كل يوم الصبح بغسل به لان وايد يمدحونه
بس بخصوص الشوفان واللبن كيف استخدمه ممكن تشرحين لي بالتفصيل شوي..ويزاج ربي خير ويوفقج دنيا وآخره..

شوفي كريم الترطيب من كلينك الاول عالمياً

ليش ما تستخدمين مجموعه غرينيه .. انا استخدمها وايد حلوة بصراحه .. وبعد فير اند لافلي الجديد .. احطه اللي هو سن بلوك احسه يخلي البشره رطبه لفتره طويله ويحميها

انا بعد مستوي جاااااااااااااااااف بعد ما كان طبيعي…وبعد الصلاه بسير العياده وبشوف….انتي من وين؟؟؟ بنعت لج الدكتور الي بسير له…….

فديتج فواله مشكورة حبيبتي

رفيجتي بعد نصحتني بكلينك

شكلي بجرب وبنشوف النتايج

يسلمو ياقلبي