البلاك بيري في تركيا والفرق بين ابانت ويلوا . 2024.

صباح الخير… ^^

بغيت اسأل كل وحده سارت تركيا.. إذا عندها فكره عن البلاك بيري هناك..

يعني عندهم بطايق واشتراك بلاك بيري من بطايقهم نفسها..؟ ولا كيف..؟ ووين نقدر انحصل هالبطايق اول ما نوصل اسطنبول..؟

وبالنسبه حق منطقة ابانت ومنطقة يلوا..

شو احلى..؟ انا حاجزه في يلوا يومين.. الحين ايقولولي مافيها شي غير المياه التركيه الحاره..
ايقولولي خذي يوم اهني ويوم اهني.. وحد ايقولي ابانت بعد مافيها الا بحيره والحين بروده عليها ويمكن اتكون البحيرة مثلجه..

متردده ماعرف وين اسير يلوا ولا ابانت ولا يوم اهني ويوم اهني.. بس المشكله فرق الساعات بعد يعني من يلوا لين ابانت 3 ساعات.. يعني الظطريج مايستاهل يوم احس.. بس في نفس الوقت في خاطري اسير..

ماعرف >< اللي عنده اي فكره ايقولي.. اترياكم.. اتصدعت هههه..

انا حاجزه في اسطنبول 3 ليالي وبورصه 3 ليالي ويلوا ليلتين..

اللي عندها اي شي ولا اي فكره اترياها…. ^^ المهم مايفوتني شي هناك.. مع العلم بسير انا وريلي بدون يهال..

مرحبا اختي

افضل تروحي يوم يلوا مناسبة لعائلات وخليجية اكثر وعن ابانت
للهدوء والاسترخاء وما تعوض ولاسف لم ازورهم
اقتصرت زيارتي على استطنبول وبورصة وكانت من اجمل الايام
اتمنى لك زيارة موافقة واي استفسار انا حاضرة

والله ما عندي فكرة عن بطايقهم، أنا شغلت البلاك بيري من بطاقتي، وبالنسبة لأبانت ما رحتلها فما أقدر أفيدج، ويلوا أنا ما حبيتها وايد، ارتحت في بورصة أكثر، ويمدحون أنطاليا، ورحلة سعيدة ان شء الله

الله يوفقج