نحن بنسافر تركيا في إجازة العيد والجو بيكون بارد ، شو تنصحوني ألبس وبكون لابسه عباتي لأني ما اعق العباة في سفري .
بلييز فيدوني 
تسلموووووووووووووون يا حلوااااااااات …
ولا تنسين القفازات
انا من خبرتي اقولج
البسي من داخل قمصان اكمام طويلة واذا اتحبين هاي نك
يعني البسي ملابس دافيه من داخل بس مب وايد وايد
وشلي وياج بلوفر وجاكيت تلبسينه من برا
يعني اذا بردتي البسي من فوق واذا حرتي اترومين اتعقينهم
فعشان جي اقولج لا تلبسين من داخل وايد دافي يعني البسي عادي
وانا واهلي كلنا نلبس دلاغات وجواتي سبورت للمشي واتكون مريحه اكثر (محد فينا يلبس كعب او شباشب)
وعن القفازات، نحن الكبار ما نلبس (حلو البرد يلسع ايدينج وويهج شوي) بس الصغاريه يثلجون فيلبسون قفازات لازم
عاد انتي شلي وياج احتياط بس ما اعتقد بتحتاجينهم
امممممم شو بعد بس هذا حالياً
وان شاء الله انا بعد حاجزه على تركيا ثاني يوم عيد
ورحلة موفقه باذن الله تعالى
وسفرة موفقة
