تخطى إلى المحتوى

البنت الحنطيه 2024.

السلام عليكم اخواتي

انا حابه اسأل كم نسبة قبول النحطيات كزوجات ؟؟

يعني بصراحه حصلي موقف او بالاحرى مواقف مازعلني كثير بس مستغربه منه

انا من فترة خطبتني وحده صديقة امي بس لما عرفت اني حنطيه اعتذرت وقالت ماقدر

ابي بنت بيضه .. انا اهلي كلهم يبيض الا انا جايه على جدتي .. بس عاجبني شكلي

واحس لوني لايق علي وكفاية ملامحي مميزة .. بس الي مستغربه منه صار لي نفس الموقف

باختلاف الوقت .. وانخطبت لواحد عن طريق اهله ولما اخواته شافوني قالو مانفع لاخوهم

معنهم حتى هم حنطاوين .. موضوعي الحين هل فرصة الحنطاويات للزواج قليله ؟؟

شفتوو حنطيه متزوجه ابيض ؟؟ بكثره طبعن مب بس مرة ؟؟

انا لا تخافون مب ميته على الزواج لكن الموضوع شغل تفكيري وحبيت استفسر

.
.

خليجية المشاركة الأصلية كتبت بواسطة فيراندلفلي خليجية
بس عاجبني شكلي

واحس لوني لايق علي وكفاية ملامحي مميزة

حــَبيِبتي / أهــَم شــَي إنـــِج رأضيــَه ومقتَنعــَه وعــَآيبنِج هــالسمــَآر

بالـــعكـــَس ، لُونــِج وآيد حلُو مــآ شــآء الله خليجية خليجية خليجية ..

ولآ مـــآ شــفتـــِي الضــَرآبه عَلى الــصــَألونــآت حَق سُوآلف التـــآنّ خليجية .

خليجية المشاركة الأصلية كتبت بواسطة فيراندلفلي خليجية
موضوعي الحين هل فرصة الحنطاويات للزواج قليله ؟؟

شفتوو حنطيه متزوجه ابيض ؟؟ بكثره طبعن مب بس مرة ؟؟

حـــَبيبتِي الزَو’آج قــِسمَه ونِصيب، لا لــِه علآقَـه بلُون وَ لآ بــشَكل / مــَتى مــآلله يريد مــَآفيه شــَي يمنِع

وَآيد حنطــَآويــآت مـآخذآت بــِيض والعــَكس ، أبدـآً مــآ حَسيِت إنـَه فِي مشكِله فــهـالمـَوضُوع ..~

النـَآس أذوآَق ..~

لآ تضــآيجِين بــِعمرج ، ولآ تــَفكرين وَ لآ تـَخلـِين حَد ينزَع ثِقـَتج بنَـفسِِج =) ..

خليجية

.
.

أختي أولا كل شي قسمة و النصيب

و النصيب ما يعرف الحنطية و البيضة ولا الطويلة ولا القصيرة و الملاينة ولا الضعيفة النصيب نصيب

شو مكنتي شو ماكان لونج و شكلج نصيبج بيصيبج
ولكن ما ننكر ان معظم العوايل لما بيختارون عروس لولدهم يفضلون البنت البيضة اكثر شي

ليييييييييييييييييش , الله تعالى أعلم ,؟؟؟؟؟
المعظم يشوف البنت البيضة هي الحلوه طبعا هاذي وجهة نظر

راح أعطيج مثال وحده من صديقات الكلية مرة أتصلت فيني

و قالت لي أنهم يدورون عروس لأخوها من ضمن الشروط الي يبغونها

لازم تكون بيـــــــــــــضة و حلوة ليش لأنه عايلتهم كلهم بيض ما عدا

صديقتي أهي الوحيدة الحنطية ….. المهم …. فالأخير شو طلع نصيب

أخوها و هي الي قالت لي أخذ وحده من اهله حنطية و عادية

مثال ثاني أثبت لج فيه أن النصيب نصيب و ما يخصه فاللون

أخو صديقتي ما شاءالله عليه
ملــــــــــــــك جمـــــــــــــال
وحرمته ســــــــــــــــــمررررره وحبوبة ما شاءالله عليها

الله يحفظهم أثنينهم
ع فكرة تدرين أني أفضل الحنطاويين و سمر و البرونزيين

على البيض

أقول لأختي الصغيرة إذا البيض يطيحون طير من السما

الحنطاويين و سمر و البرونزيين يطيحون طيارة و صاروخ سما

تدرين ليش لأن جمالهم دمـــــــــــــــــاااااار

عسى الله يرزقج بشيخ الريايل ويفرحون أهلج فيجخليجية

شو هالتفكير التافه اقصد تفكيرهم؟ والله المفروض تحمدين ربج انج تخلصتي منهم هاذيلا ترا ناس تافهين والزواج ما يخصه بحنطيه ولا بيضه ولا سوده …….. انا بيضه بس ما عرست لين الحين ههههههههه هذا مب مدح ترا بس اقولج يعني علشان تستوعبين وغيري حنطيات مكثرهن عرسن وعندهن عيال …….. زين انج افتكيتي من هالناس ناس سطحيين وتافهين

كله نصيب

اعرف وحدة بيضه تزوجت واحد حنطي

والعيال كلهم حنطاويين ع ابوهم

يعني الناس التافهه يظنون ان ولدهم الحنطي لو خذ بيضه احفادهم بيطلعون بيض مثلا

لازم بياخذون من جينات العايلة الكريمة

احمدي ربج ما ناسبتي ناس جنقل جيه !!

انا ربيعتي حليلها مرت بنفس الموقف لانها سمره

لا حول ولا قوة إلا بالله

غاليتي خليجية

ما في فرق بين الناس إلا بإيمانهم

والإنسان الي يترفع عن غيره تعذرا بالمال أو البشرة أو النسب الله يعينه يوم الحساب

أول شي اعلمي ان رب العالمين يحبج عشان جي أظهر لج هالناس على حقيقتهم ^_^!

ولا كانت مشكلـة لو خذتي ولدهم وتمو سايرين رادين يعقون رمسة مالها معنى

فالحمدلله الله نجاك

وأنا شخصيا أحس السمر أحلى يعني مجرد ذوق شخصي مع احترامي لخواتي البيضات تراني منكن ^^

لكن أشوف السمر أحلى

وخواتي وأنا بيض ورياييلنا كلهم سمر خليجية ..

الإنسان ينقاس بقلبه ودينه ومشاعره وشخصه

والي ياي يفصل فيج ويدقق على الصغيرة والكبيرة انتي في غنى عنه

الوسوم:

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.