ياخواتي شو يعني البيبي صغير ويوم ينزل دم او افرازات بنية اللون قبل وبعدين دم لازم يطيح البيبي ولا شو..انزين ويوم يوقف الدم هل هذا معناته انه مافيه اسقاط..راسي يعورني ومخي بينفجر والمصيبة انا مااذكر موعد دورتي..بس الدكتوره قالت لي البيبي صغير وقالت لي ارتاحي لين يوقف الدم والدم الحمدالله وقف بس والله خايفه انا ماحسيت بوحام ولا شي بس ظهري قطعني من الالم مااقدر اقوم من السرير ولا امشي ولا اعرف من شو..انا خايفه على البيبي لعوزوني قالولي البيبي موجود بس صغير ولا نعرف كم عمره..لاني ماعطيتهم موعد الدوره بالضبط..لاني مااذكر ولا انتبهت متى يتني..ادعولي انا اللي اعرفه اللي بتجهض بينزل بروحه بس كيف البيبي صغير ياربي تعبانه ومحتاره..مب قادره افكر…الله يرزقها الجنه اللي بتريحني ادعولي الله يجزيكم خير..
الله يحفظ لج ضناج ان شاءالله وماعليج شر
الله يعينننج ويهوون علييج ..
اختي كاانت شرااتج لما دخلت الشهر ال4 اجهضت <<< ان شالله تكوونين احسن عن اختي ويسر عليج ياارب ..
الي اعرفه اذا قالولج البيبي صغير الاغلبيه بيطيح.. لان اختي بالظبط شرات حالتج..
الله يحفظ لج ضناج ان شاءالله وماعليج شر
حبيبتي الله يسهل عليج و يحفظلج ضناج
و ان شاء الله خيير .. انتي استغفري و ادعي ربج
حبيبتي ما عليج من كلام الدكاتره و الناس اهم شي كلي و غذي عمرج .. ولا تعبين عمرج
خليج على الفراش ولا تتحركين .. و التساهيل بييد الله سبحانه ..
.. و الله يسهل علييييييج حبيبتي و ثبت لج حملج و يرزقج الذرية الصالحه ..
الله يثبت حملج انشالله ياقادر ياكريم