للي يدور حولهم ولكن في ابحاث تثبت النا العكس وبالتالي يجب ان نكون حذرين في التعامل مع
ازواجنا امامهم وكل شي يشوفونه ويسمعونه من الام والاب من احاديث وحركات حميميه يرسخ ببالهم
وانا عن نفسي مجربه ومن غير ما اقصد وحاولت افهمه العكس بس ما في فايده مصر على اللي فهمه
بروحه ومنها استنتجت ان هالشي يربى وياهم كل ما كبرو وبذلك حبيت اوضح واشرح شوية سلوكيات
مسموح انا نظهرها جدام عيالنا وهذي عباره عن سلوكيات تعبر عن مشاعر الحب والحنان بسم الله نبدأ
1- يقول الزوج لزوجته يا حبيبتي وانتي بعد لا تنادينه الا حبيبي.
[]
[/]
2- يقبلها على خدها ورأسها وايدها وبسسسسس <<<<<< شو قلنا وبس يعني اموح اموح مني مناك ممنوع
3- يضمها بيدٍ واحدة او يحط ايده على كتفها والعكس <<<<<<< يعني لا تتهورون وتسون شي ثاني جدامهم.
[]
[/]
4- يدلكها أمام الأبناء <<<<<< يهمزها وتهمزه عالخفيف مب توطينه بريلج و مب لازم تكون فيه عصبه عشان تهمزيه .
[IMG]
[/IMG]6-
5-التزين للزوج <<<<< تذكرت وحده موووول ما تكشخ الا اذا ريلها موجود ولاحظت بنتها هالشي عمرها 3 سنوات واشتكت عند ابوها وقالت له ماما دوم شعرها كشه وعيونها مافيها جحال بس يوم انت اتي تعدلت واستوت حلوه 6-
يمسك يدها ويلاطفها في الكلام.
[IMG]
[/IMG]
7-يقدم لها هدية. بمناسبه ومن غير مناسبه
[
[]
8-يدغدغها لكي تضحك وانتي بعد لا اتقصرين فيه بس عالخفيف يعني مب تجتلين الريال من الضحك واتقولين له كنت اسولف <<<<< وهم بعد بصراحه دفشين شوي بس خلج انتي الرقيقه.
[]
[/]
9-يحمل الزوج زوجته أمام أبنائه.
[
[/]
10-الحديث عن ذكرياتهم الطفولية أو أيام بداية الزواج .
11-يسمعها كلمات الشوق وتسمعه احاسيسها واشواقها
12- يمدح والديها وتمدح والديه
13- تصغير الزوجة اسم زوجها وتصغير اسم الزوج اسم زوجته <<<<< يعني مب اسمه علي وتنادينه علوي ولا محمد وتقولين له حمود لا قولي علاوي وحمودي اذا سيف قوليله السيافي وهكذا
14-يمسح على راسها وهي بعد تمسح على راسه <<<<< بس لا اتمطين شعره اذا استفزج تراني مسويتها
هذي بعض الأفكار البسيطه والرائعه في معانيها من أجل
تربية الأبناء على الحب والحنان، وتدريبهم على التعبير عن حبهم تجاه والديهم واخوتهم وممن يكنون
لهم الاحترام ويسود البيت جو من الحب والمرح والسعادة،ومن لم يمارس مثل هذه السلوكيات امام
ابنائه ولم يعبر يوما عما يجول بخاطره فسيخرجهم من مدرسة منزلهم جافين ، ناشفين، جامدين
وبصراحه مجربه مثل هالسلوكيات الحلوه وعيالي يشاركوني فيها ويا ابوهم حتى اوقات يكون راجع
من دوامه وحاط راسه بينام ونسير انا وعيالي انسولف وياه ونسويله حركات ونطفربه وكلنا نكون
مستانسين علنه يكون تعبان يبا يرقد بس الجو يعيبه ويشاركنا ما يعصب علينا.
اتمنى تشاركوني بتجاربكم وارائكم وتدعولي دعوه حلوه بظهر الغيب واااايد تعبني الموضوع وانا انفذه بس تستاهلون يا خواتي كل خير
حلو انه التعامل من بينهم يكون وسط مثل ما ذكرتي …
لا انه "مغمور بالحب" لدرجة ان الياهل ممكن اتيي فـ باله أفكار غريبة أو غلط .. أو مب حلوة!!
ولا انه تعامل يخلي الياهل يتخيل علاقة كل زوجين تكون رسمية وجافة …
وتسلميــــــن على الطـــرح
وتسلميــــــن على الطـــرح
يزاج الله خير
وتسلميــــــن على الطـــرح
تسلمين الغلا على الموضوع الحلو ^_^