مرحــــــــــــــــــــبا الغوالـــــــــــــــي .gif "12 (19)")
حبيت افتح هالتجمع الخااص فقط للبنات اللي يعانن من حب الشبااب
اللي يعالجن بالروكتان فقط
…
انا بديت استخدامه من
21 7 2024
يعني حاليا انا مكمله شهرين واعالج في الحكوومه
وطبعااا كل 15 يوم مراجعه >>>>>>>> هلكت من المراجعه
اول 15 يوم كنت اخذ جرعه 40 وعقبهااا زودتهااا الدكتوره وخلتهاااا 60 وكان في رمضاان
وهذا كان رابط معااناتي .gif "12 (46)")
وعقبهااا نزلت الجرعه للــ 40
https://forum.uaewomen.net/showthread.php?t=774752
وطبعااا عطوني كريمات للبشره وما فادت ماشي احسن عن الفازلين للشفايف وحوالينهااا بس لاتطلعون في الشمس وطبعااا قطرات العين ….
وحالياا من يوم الاربعااء اخذ جرعه 60 ….
ليش لان وزني 72
وترى انا لليوم دخلت على 3 دكاترة وكلهن يقولن 60 احسن لج
وطبعاااا احاول اكثر سوايل
عندي الالم في جسمي وخاصه ريولي
للعلم انا عالجت بكريمات لمدة 3 اشهر بس ماشي فايده
وطبعااا ماقالوا لي كم شهر عسب اخلص ….
مشكلة ويهي دهني بشكل فظيع ويبين مترهل …. ومن خذت الروكتين الكل قالي متغيره >>>> فخاطري اقول شو الفايده ترى من اخلص الكورس الدهون ترد ما تختفي 
طبعااا شعري معااناه صار متقصف واايد وجاف بشكل فظيع اذا بتسبح لازم ادهنه وحط لهااا كريمات
و كل وحده لهااا تجربه في الروكتاان ولا حالياااا تاخذه
تسدح لنااا التجربه
وعسى يكون لنااا فايده هالتجمع
دمتم بود.gif "12 (7)")
^^
تجربتي
استخدمته من سنتين تقريبا
كان لمدة 6شهور
من خلصت ارتحت وانصح الي تعاني من الحبوب لاتخاف تروحي وتعالج
لان كل فتره بيسون لج فحوصات
الكل يقولي متغيره وماتعرفون شكثر هالشي غير من نفسيتي
وارتحت وااااااااااايد
طبعا الي ماتعاني من حبوب الشباب ماتعرف كيف نفسيتنا داون من هالحبوب
وتقول للبنات لاتاخذين هالسوالف وغيره بتضرج
^^
وان شاء الله مايصيبنا غير المقدر والمكتوب من الله
وطبعا عانيت من الجفاف وااااااااااااااااااااايد
يعني مستحيل حد يشوفني ويقول بلاه ويهج ؟
وترجيت الدكتور بس عشان يعطيني مرطب خخخخ
ومره هزبني لاني حاطه فازلين حول شفايفي
ومن عقبها كتب لي مرهم بنثيين قال تستخدمين لوقت الحاجه خخ
وممم
وعلاجي كان في حكومي بعد..
والحمدالله ماعانيت من الي قلتي تساقط شعر او غيره
او يمكن ماحطيت فبالي ومالاحظت!
لاني ماكنت اعرف هالاثار تصير.!
بس بصراحه وزني زاد
كنت عصقووووووله واتمنى امتن ههههه
وايد زيد وزني
الدوره عندي تلخبطت قال الدكتور لا ماله خص!
والكرستروال زاد وكنت امشي عشان يقل
وقال الدكتور من قبل كان عندج
بعد ماخلصت عطاني جل ديفرنت للحبوب
هذا مايشيل الحبوب نفس مايعرفون البنات
هذا يتحكم بالحبوب عشان ماتطلع لج
وخاصه وقت النوم اذا البشره متلوثه وتصيبها البكتريا وبالتي تطلع حبوب
واستخدمته لسنه تقريبا
انا بروحي عيبني ورحت طلبته مره ثانيه لي
وبس^^
عانيت بعدها من المسامات
وانحلت هالمشكله بجل كونتربكس لمدة3شهور تقريبا لانه ياخذ وقت
حاليا باقي البقع
وادور لها حل..
الله يعين
الي تعانين من الحبوب تصبر
لان الحين شوفوا علاجي بديت فيه بالتدرج ومن سنتين
وطبعا كنت اعاني من اكثر10سنوات
وبس
لانه الدكتور قالي اذا مافادتني الكريمات .. بيعطيني هالحبوب .. لا وشو مسمنها حبوب الجمال لووول
بس احس النتيجة اوكيييه من ناحية الحبوب … بس الدهنيييينه ماتخف
ف مادري اذا بيعطني عشان انه بشرتي دهنيه ؟ لانه راحت عني الحبوب وصفى ويهي
صدق صدق صفا ويهها والدكتور ما عطاها جرعه كبيره لأنها مريضه (عندها مشكله فـ الكلى)
وهذا معناته ماتقدر تاخذ جرعه كبيره .. بس الحمدلله النتيجه كانت ممتازه ولله الحمد .. ولازم تكثرين من شرب السوائل
اتمنى الكل يستفيد .. و نصيحه لكن خواتي لا تاخذنه بدون شور دكتور او دكتوره
صلوا على محمد
انا اليوم بيكون 3 يوم انشالله
بس الصراحه بعدني ما حسيت بشي يمكن لما اكمل شهر
مشكورات خواتي