السلام عليكم و رحمة الله و بركاته
والله ماعرف من وين ابدا .. الموضوع طويل عريييض .. و مب عارفه هل هذا يسمونه وسواس ولا شو بالضبط .. والله خايفه من المستقبل ..
الله يسلمكم انا متزوجه و عندي ولد عمره 5 شهور و ساكنه مع اهل ريلي ..
مشكلتي هي ان ريلي ما يروم يبني بيت بسبة الديون الي عليه و يريدني اداوم .. لاني لو ماداومت و خليت البنا عليه ماراح يصفالنا شي من الراتب
.. وانا ما اريد اداوم .. لان ولدي بعده صغير و مااريد اتركه .. اخاف يتعلق بغيري و ينساني ..
والمشكله الاكبر ان عمتي احسها تبا تبعد ولدي عني .. لما كنت في الاربعين اتخيلو كانت اتقول حق ريلي قول حق حرمتك خلها تشفطله حليب واتخلي الولد عندي !! .. وانا بصراحه ماحبيت هالشي.. و ماوافقت عليه .. وماحب لما تتصرف ع كيفها بولدي وتاخذه مني بدون لا ادري.. والله مره انقهرت ريلي كان في الدوام وانا (تكرمون) كنت في الحمام و هي دشت حجرتي و شلت ولدي و ماكان يصيح.. و راحت اتسبحه وهو مسكين يصيح صياح وانا مااتحمل اسمعه يصيح بهالطريقه .. طبعاً ما بينت لها لاني وايد احترمها واعتبرها مثل امي وماحب اسوي مشاكل ابد.. بس قلت لازم اطلع الي فخاطري و خبرت ريلي .. و طبعا هو عصب علي وقالي شو تبيني اسوي مثلا؟؟ اسير اقولها ردي الولد الحجره طبعاً ما يصير .. بس قلت له انا بس حبيت اطلع الي فخاطري لا اكثر ولا اقل و ماباك اتسوي شي و لا اتقولها.. و ساعات اتدق علي الباب وانا اصلي والولد يلعب في المنز واذا ماسمعتني ارد عليها تدخل الحجره و اتشله .. وانا ماحب جي لاني ابا اعود ولدي عالمنز ومابا اعوده عالشل والحضن اربع و عشرين ساعه .. واللي يقهرني زياده انها يوم اتسوي شي اترد علي انا .. كانت تاخذه واتسويله مساج وتدهن ويهه ويصيح صياااااح والله يكسر الخاطر.. لين ماطلعت له حبوب على ويهه من الزيت الي اتحطه .. و عقب ماطلعت له حبوب على ويهه ردت علي وقالت لاتحطين على ويهه زيت !! مع انها هي الي اتحط على ويهه .. والله من يومها وانا الحين كله اقفل باب الحجره ومااطلع الا حزة الغدا والعشا بس لانها من اتشوفه اتشله واتخليه في حضنها .. وانا من اطلع من الحجره احطه عالكرسي الهزاز و هي اتشله .. حتى ريلي حسيته لاحظ واحسه ساعات ينغز و يقولها نحن يوم انشوف الولد يصيح اشوي مانشله على طول نيلس نلعب وياه ويسكت ما شاء الله .. و هي الله يهداها مادري لين متى بتم جي .. والي قهرني زياده يوم صاح ولدي وانا كنت برا الحجره و من سمعت صياحه ركضت سيده صوب الحجره لانه صياحه كان عالي وهي كانت وراي تلحقني لين شليته وحضنته عسب اهديه و هي اتخيلو تسحبه من ايدي عسب اتشله !! جنها هي امه .. و خذته مني و طلعت من الحجره وانا متغصصه منها على هالحركه .. وراحت عطته حق بنتها !! والله مادري ليش جي سوت !!
فعسب جي انا مااريد اداوم واخليه عندها .. اخاف اتخليه يتعلق بها و ينساني لاني اشوف احفادها الي من بنتها وايد متعلقين فيها و ماعندهم خبر عن امهم لانها اداوم ..
والله مب عارفه شو اسوي .. شورو عليه ؟؟
والله ماعرف من وين ابدا .. الموضوع طويل عريييض .. و مب عارفه هل هذا يسمونه وسواس ولا شو بالضبط .. والله خايفه من المستقبل ..
الله يسلمكم انا متزوجه و عندي ولد عمره 5 شهور و ساكنه مع اهل ريلي ..
مشكلتي هي ان ريلي ما يروم يبني بيت بسبة الديون الي عليه و يريدني اداوم .. لاني لو ماداومت و خليت البنا عليه ماراح يصفالنا شي من الراتب
.. وانا ما اريد اداوم .. لان ولدي بعده صغير و مااريد اتركه .. اخاف يتعلق بغيري و ينساني .. والمشكله الاكبر ان عمتي احسها تبا تبعد ولدي عني .. لما كنت في الاربعين اتخيلو كانت اتقول حق ريلي قول حق حرمتك خلها تشفطله حليب واتخلي الولد عندي !! .. وانا بصراحه ماحبيت هالشي.. و ماوافقت عليه .. وماحب لما تتصرف ع كيفها بولدي وتاخذه مني بدون لا ادري.. والله مره انقهرت ريلي كان في الدوام وانا (تكرمون) كنت في الحمام و هي دشت حجرتي و شلت ولدي و ماكان يصيح.. و راحت اتسبحه وهو مسكين يصيح صياح وانا مااتحمل اسمعه يصيح بهالطريقه .. طبعاً ما بينت لها لاني وايد احترمها واعتبرها مثل امي وماحب اسوي مشاكل ابد.. بس قلت لازم اطلع الي فخاطري و خبرت ريلي .. و طبعا هو عصب علي وقالي شو تبيني اسوي مثلا؟؟ اسير اقولها ردي الولد الحجره طبعاً ما يصير .. بس قلت له انا بس حبيت اطلع الي فخاطري لا اكثر ولا اقل و ماباك اتسوي شي و لا اتقولها.. و ساعات اتدق علي الباب وانا اصلي والولد يلعب في المنز واذا ماسمعتني ارد عليها تدخل الحجره و اتشله .. وانا ماحب جي لاني ابا اعود ولدي عالمنز ومابا اعوده عالشل والحضن اربع و عشرين ساعه .. واللي يقهرني زياده انها يوم اتسوي شي اترد علي انا .. كانت تاخذه واتسويله مساج وتدهن ويهه ويصيح صياااااح والله يكسر الخاطر.. لين ماطلعت له حبوب على ويهه من الزيت الي اتحطه .. و عقب ماطلعت له حبوب على ويهه ردت علي وقالت لاتحطين على ويهه زيت !! مع انها هي الي اتحط على ويهه .. والله من يومها وانا الحين كله اقفل باب الحجره ومااطلع الا حزة الغدا والعشا بس لانها من اتشوفه اتشله واتخليه في حضنها .. وانا من اطلع من الحجره احطه عالكرسي الهزاز و هي اتشله .. حتى ريلي حسيته لاحظ واحسه ساعات ينغز و يقولها نحن يوم انشوف الولد يصيح اشوي مانشله على طول نيلس نلعب وياه ويسكت ما شاء الله .. و هي الله يهداها مادري لين متى بتم جي .. والي قهرني زياده يوم صاح ولدي وانا كنت برا الحجره و من سمعت صياحه ركضت سيده صوب الحجره لانه صياحه كان عالي وهي كانت وراي تلحقني لين شليته وحضنته عسب اهديه و هي اتخيلو تسحبه من ايدي عسب اتشله !! جنها هي امه .. و خذته مني و طلعت من الحجره وانا متغصصه منها على هالحركه .. وراحت عطته حق بنتها !! والله مادري ليش جي سوت !!
فعسب جي انا مااريد اداوم واخليه عندها .. اخاف اتخليه يتعلق بها و ينساني لاني اشوف احفادها الي من بنتها وايد متعلقين فيها و ماعندهم خبر عن امهم لانها اداوم ..
والله مب عارفه شو اسوي .. شورو عليه ؟؟
uppppppppppp
!!!!!!!!!!!!!!
الله ييسر امورج ان شاء الله ذوات الخبره يفيدونج
هي ما تقصد يمكن من باب انه ولد ولدها وكل الامهات جي يسون واذا تعلق فيها الولد ترى ما بيتعلق بحد غريب يدته او ابوه … الله يوفقج اختي ,,
احمدي الله واشكريه على ام ريلج تحب ولدج شرات حبها لابنها واكثر وكل اليدات جي يسوون لاتستغربين انا عندي الوالدة لامة كل احفادها وفي من الكنات تتمنى تكون مكانج افضل من ماتحطيه عند الشغالة لاصلة دم ولارحم والله العالم من وراج شبسوي…..هدئي نفسج وكوني ريلاكس وخلي ام ريلج تاخذ راحتها مع ولدج لاتكرهيها فيه .
اختي قولي الحمدلله أنه يدته اتحبه وليش تحرمين يدته منه ..واليده حسبة الأم فيه يدات ما يحبون أحفادهم..انتي بس متعلقة فيه لأنه أول ياهل والولد أبدا ما ينسى أمه في النهاية مرده لج.انشالله بتيبين الثاني والثالث وبيكون الموضوع عادي ..أنا عن نفسي أستانس يوم أشوف عمتي اتحب وتحضن عيالي وافتخر جدام الناس أنه عندي عمة اتحب عيالي..وأنا عايشه ويا أهل ريلي وما أفكر انتقل بيتي إلا إذا طلعت من الشغل ..يكونون عيالي تحت نظر عمتي والشغالة أحسن إما أخليهم مع الشغالة بروحهم.