صرآآحه ماكنت بكتب مشكلتي ولا صارحت حد.. بس قلت يمكن احصل كمن رد يبرد قلبي هني من خوآتي..
اولآآ انا انسانه خجولة وايد احب اقعد مع نفسي.. مرات احس نفسي افكر احسن عن غيري واسوي اشياء احسن عن غييري وابتكر اشياء.. يعني الكل يمدحني ويقول فلانه تعرف وفلانه عندهآآ..
بس والله بيني وبين نفسي احس اني تعبت .. اقول هالناس يقصون ع عمارهم… مرات احس نفسي ماعرف شي مول او بالعربي ماستاهل شي…
بقولكم شي .. قبل فالماضي يعني كنت اسوي اشياء مب زينه .. مب لازم اقول .. يعني شي غيري يسويها .. والحمدالله لجأت لربي وتبت وادعي ربي يوميا اضافه اني استويت اتبرع وايد وكفلت يتيم ولله الحمد .. ما اقول جي عشان يكون رياء او اني اقولكم سويت سويت… بس اخبركم هالشي عشان اعرف وافتك من هالوسواس اللي فمخي واتاكد اني يالسة اسوي عمل لوجه الله تعالى .. وللعلم محد يعرف اني كافلة الا وحده لانها كانت تعاني من تعب نفسي وقلتلها سوي مثل ماسويت…
المشكله ومافيها… عقب ماسويت كل شي وحياتي تعدلت وتزوجت
وسواس الماضي يلاحقني… وايد افكر باللي كنت اسويه واحيانا اصيح … واصيح واقول ماستاهل شي والله .. وحتى يوم اكون قاعده مع حد اقول فخاطري انا ماستاهل شي .. مع اني موقنه اني ربي بيغفرلي واني تبت له .. لكن سبحان الله الضمير يوم يعذب يعذب صدقققق مايخلي الانسان المسلم فحاله
فياليت عقب هالموضوع احصل رد يبرد قلبي وارتاح …
لا حول ولا قوة إلا بالله
غاليتي 
هذي ما هي الا وساويس شيطان
كل ما تبتي وتبعتي الطريق الصحيح
يطلع لج أعوذ بالله منه بأفكار تخرب عليج ايجابيتج وثقتج في رحمة وعفو رب العالمين
لا تعطينها أهمية ^_^
فقط ركزي على الاشياء الثانية
وان ياتج أفكار غريبـة..
قولي انا تبت ولله الحمد ,, ورب العالمين وعدنا الغفران عند التوبة وما في شي أخاف منه ..
وكرري هذي العبارة ومع التكرار بتستوي معتقد ان شاء الله
وبيختفي الوسواس لإنج بتستوين أقوى وقناعاتج اثبت
ولا تنسين ترطبين لسانج بالذكر وخاصة الاستغفار لإنها تشغل العقل بالشي الإيجابي فما تعطي وقت للسلبي ^^
و ربي يوفقج أختي
:.
تـبتي ولله الحـمد وتسـعين انـج تكونين افضل .,،
وتتقربيـن من الله بالاعمال الصـالحة .,،
أخـتي الغالية نحسـبج ان شاء الله على خـير .,
الحـديث اللي بنـفسج ان كان لوم عن اللي فات وندم عن الـماضي .,،
فـمن نفسـج اللوامة اللي تحـاسبج على التقـصير او المعاصي .,
واللي تـبي تحميج من الرجـوع للفتنة اياها .,،
:.
الغـالية لو انتي ما تسـتاهلين .,
لو ربي ما يحـبج ما كان سـهل لج توبتـه .,
مـا كان نفسج تلومـج وقلبج يبغض ذيك المعصـية اللي كنتي عـليها .,،
كـم يا بيـننا ناس يتوفـاهم ربي يســوء خـاتمة .,
:.
لــكن انتي ربي اكرمـج وأنعم عليــج بنعـم كثيرة .,
من ضمنـها ستره علـيج وتسـهيل لج اسباب التوبة .,
ومـنها قلبـج المـؤمن اللي يخاف الله ويسـعى لمرضـاته .,
الغـالية لو كثرت عـليج هـ الوسـاوس وحسيتي انها تأثر عليج بالسلب .’
فاسـتعيذي بالله من الشـطان الرجيم .,،
قـد تكون من وسوساته .,، هـو الحين مقهور لنج غلبتيه .,،
وويبي يردج لدربه بدعوى انـج مقصـرة وربي ما بينظر لأعمـالج .,،
بس انتي اقــوى وادرى برحـمة ربي ومغـفرته وعـفوه .,،
قال تعالـى :
" انه من يتق ويصبر فإن الله لا يضيع أجر المحسنين "
:.
الله يثبتنا واياج على الحق .,،
ويرينا الحق حقا ويرزقنا اتباعه والباطل باطلا ويعيننا على اجتنابه ..
الرسول صلى الله عليه وسلم يقول ( أنا و كافل اليتيم بالجنة )
وشتبين أكثر من كذا
هذي وساوس شيطان لاتلتفتين لها و ربي يثبتك ويوفقك
ساعات أمر بهذي الحاله ، الله المستعان
اللهم نستغفرك ونتوب إليك
تعوذي من ابليس الغلااا واذا يتج هالافكار في راسج حاولي انج تشغلين نفسج باي شي او فكري بشي انتي تحبينه
ربي يحفظج
ويارب يهدينا جميعــًا .