ماعرفت وين احط الموضوع قلت بحطه هنيه يمكن احصل عندكم حل بما ان وايدت يعانون من التكيس الله يرزق كل محرومه ان شاءالله …
انا مب متزوجه واعاني من شعر زايد ف مناطق فوق الشفاه والذقن والرقبه شوي والصدر وحلماته والبطن 
المهم سويت فحص هرمونات طلع عندي ارتفاع بهرمون البرولاكتين الي هو الحليب وقالتلي الدكتوره كان الخوف من الهرمون التستوسترون الذكوري بس طلع تمام عندج الحليب خل نشوف اذا عندج تكيس
الزبده سويت سونار وطلع عندي تكيس ووصفت لي حبوب الجلوكوفاج وقالت لي نزلي وزنج عسب العلاج مع ان وزني اوكيه والدوره اوكيه قبل ماكانت منتظمه بس نزلت شوي من وزني واعتدلت الحمدلله ..
عندي لكم كم سؤال اباكم تساعدوني والله جد نفسيتي وايد تعبانه من هالموضوع تخيلو يوم احف هالمناطق والحساسه بعد يرد يطلع لي الشعر ب 3 ايام !!!!!! وباجي الجسم باسبوع ماتعرفون كيف هالشي مسوي لي ازمه كل 3 ايام ايلس احف
وصفت لي الحبوب لمده شهر وشوي تقريبا والي قريته ان يباله 6 شهور ع الاقل ! يعني معقوله خلال هالشهر بتخف عندي الشعرانيه؟! قريت ان وايد مافاد وياهم والبعض رجع يطلع لهم الشعر نفس قبل !!
والي قريته ان وايدين عقب العلاج استخدمو الليزر بس مافاد وياهم ورجعت الشعرانية ؟!
وقريت عن البردقوش والقسط الهندي ؟ حد جربه وتعدلت هرموناتها وخفت عندها الشعرانيه ؟؟
انا عندي كرشه شويه وماخفت من التمارين والرياضه هل يمكن يكون سببها التكيس ؟؟!
الي عانت مثلي شو سوت ؟؟!
انا اهم شي تخف عندي هالشعرانيه .. جاوبوني وريحوني بلييز شو اسوي لا تقرون وماتردون
الله يصبرج
وان شاءالله البنات يفيدونج
وتحصلين اللي تفيدج
ان شاء الله البنات ما بيقصرن وياج
بما أنه التستورن طلع طبيعي عندك
ان شاء الله اذا وحده من البنات تعرف تفيدك
أتريا الردود !