((المطـــــــــــــــــــــــــــلــــــــــــــــ ــــــــــوب))
الله يسلمكن وين اقدر اسجل في راك بس اريد دراسه صباحي ناس نصحوني بجمعية المرأة ياريت اللي عندها فكره عنها تخبرني وبعد إذا حد من الحرمات سايره ثانويه السنه تدخل تعطينا معنوياتها واستعدادتها وين بتدرس ونحط يومياتنا
ونسميها يوميات حريم الثانويه يالله راوونا الهمه واليوميات والمشاركات وانتظر ردودكم
المهم بخبرج عن تجربتي
انا وحده عدت الثانويه العامه سنه 2024 2024
في مؤسسه التنميه الاسريه<<اللي هي الجمعيه فرع العين القسم الادبي
لاني ايام المدرسه داومت كذا شهر وعقب وقفت
والصدق الجمعيه ووووووايد حلوووووه
المعلمات يهتمون لج
مب شرات المدرسه يهتمون في الشاطرات بس
يراعون ظروفج
وغير الندوات والمحاضرات المفيده للامهات
عن نفسي كانت من احسن سنواتي الدراسيه
كنت اغلب امتحانات التقويم سواء تحريري او شفوي
اييب علامه كامله او علامتين ناقصات بس الا الفيزياء شوي ازفت
والرياضيات علامات كامله والله تخبلت
في المدرسه من الاعداديه لين اول ثانوي كله دور ثاني وزين اذا نجحت
ايام المدرسه مستحيل اييب هالعلامات كله ع الحاافه بالدز
وحتى معلماتي اللي درسني في الجمعيه كانن متفائلات حتى اللي يدرسن وياي
يقولن انتي وربيعتج (وحده تعرفت عليها )
وحده منكن بتكون الاولى والثانيه بيكون ترتيبها الثاني في الصف
لكن في امتحانات نص السنه تعالي شوفيني ابـــد مادرست اللهم
كنت اقرا الكتب في ليله الامتحان هههههههههههههههه
حطمتهن وايد زعلن مني
اذكر مدرسه الجغرافيا (مادتي المفضله) عصبت عليه
وماقمت تهتم فيني وماتعطيني ويه في الفصل الثاني ههههههههههههههه
وربيعتي ماشاءالله عليها ظهرت الاولى
شسوي ماكنت اهتم غير في النجاح وبس مايهمني النسبه
وغيرر الحماس اللي كان عندي بدايه العام قل لوول
لولا الله وعلامتي الزينه في التقويم اللي ساعدتني جان رسبت
لكن الحمد الله شديت حيلي في الفصل الثاني
ونجحت وهذا انا اكمل تعليمي العالي
انصحج لاتترديين بالتسجيل في الجمعيه
يمكن بتسمعين رمسات بعد انها كذا وكذا بس انتي ماعليج اهم شي نفسج
واذا عندج الوالده ولا عمتج اي حد مب دارس من الحريم خليها تدرس وياج
كل وحده تكون في مرحله وناسه
وباقي البنات خيبتو املي كنت متوقعه ردود اكثر من 100 مرور وماشي ردود على العموم مشكورين
وان شا الله اييب نسبه عسب ادخل جامعة عجمان خاطري ادخل شريعه وقانون