السلام عليكم ورحمة الله وبركاته…كيف حالكم بنات ..الله يسلمكم موضوعي اليوم انني مخلصه الثانويه سنة 99 ودرسة في جامعة عجمان سنتين وتخصصت لغه انجليزيه وبعدها ولدت ولدي الاول فتركت الدراسه والحين ردت على بالى بس ابغي اروح جامعه ثانيه لانني ابا اغير التخصص بس … ينا للمشكله انه هذا التخصص مطلوب فيه نسبه شوي عاليه ففكرت والله وايد وراجعت نفسي وووووايد اني اعيد الثانويه قلت شو ورايه انا مابا اشتغل بس ابا الشهاده .. وابا خواتي منكم تقولولي كيف نظام الثانويه اليديد طبعا الادبي لانه في تعليم الكبار ماشي علمي ..قولولي المواد لالنه سمعت انه فيه فيزياء في الادبي.. ومشكوووووووووورين .
ختيه ….
بالنسبه للثنوية العامه ونظامها اليديد
انا اتخرجت من الثنوية العام..يعني اول سنة يحطون فيها نظام التقويم المستمر…بس انا درس تصباحي وكانوا يطلبون منا تقارير وبحوث ومشاريع ويحسبون السلوك والمشاركه …ما اعرف اذا المسائي شراتنا ؟؟؟
بالنسبه للمواد فالفيزيا موجود في الادبي لكن ابشرج ما فيه مسائل
اغلبه معلومات عامه …يمكن مسألتين ثلااث وبسيطااااااااااات واااااااااايد ..اما كيميا فموجوده فثاني ادبي لكن ثالث لا ..والاحياء عندنا والحمدلله سهل بس يباله متابعه …وجيولوجيا ما شي ..والرياضيات بسيط…..علم النفس والاقتصاد والتاريخ والجغرافيا موجودين طبعاً….
الله يوفقج ان شاااااااااااااااااااااااالله يارب
الله يوفقج الغلا الصراحه ما عندي فكره بس ما حبيت اطلع من غير رد … ^_^
اختي قصايد واخني حصه مشكورين على الرد
جان اتصلتيلي و كنت بخبرج
يعني لازم موضوع يديد و شاده حيلج
ف ذمتج
انتي ويه دراسه و نشه من الفير و مذاكره
عز الله بشوفج عند دكتور نفسي
و لا بحصلج متصله ف فوزيه الدريع
الله يعينج
يعني لازم موضوع يديد و شاده حيلج
ف ذمتج
انتي ويه دراسه و نشه من الفير و مذاكره
عز الله بشوفج عند دكتور نفسي
و لا بحصلج متصله ف فوزيه الدريع
الله يعينج
أسولف وياج
و لو تبين الكتب من الحين خبريني خذي فكره عن الدراسه و عقب قرري تبين ولا لا
اسميج منى ارحمي اختنا ام العيال بتستانس بالدراسة و شغل الدريولية خليها تدرس
بصراحه انا ما انصحج تعيدين الثانويه العامه بس خذي اي تخصص ما دام تبين الشهاده وبس