اطرح طريقة عمل الجبنه الاريش بشكل مبسط وسهل …..
الشرح مع الصور باذن الله ……
نغلي لبن نفس طريقة الجامي بس انضيف عليه شوية ملح لين يستوي وينفصل اللبن عن الماي ..
نتركه لين يفتر ثم نصفيه ……ونضغط عليه بصحن يعني نعصره عشان انزل الماي الي فيه …..
وانكون امجهزين صينيه وحاطين عليها قماش ابيض ( والاحسن الغتره انا احب استعملهم )
بعدها نقلب المشخاله على الغتره …..
وانقطع الجبنه بشكل طولي
وانلف القماش ونعصر عشان نخرج منه الماء ….
ونربط الاطراف وانحاول ما انخلي فراغ انرصها عدل …..
جاهزه للتعليق …….
تم الشنق 
قصدي التعليق …..
ونتركها يوم كامل تقريبا ……..وبعدها بتكون نشفت …
نرفع عنها القماش ……
بسم الله ما شاء الله …..
انقطعها وتصبح جاهزه للتقديم …
وممكن تعبئتها في اكياس ونسكب في كل كيس نصف فنجان ماء فيه ملح ……
ملفوفه وجاهزه …..
انحطها في علبه ونحفظها في الثلاجه …..
وبالعافيه
اخت المنتدى
اصيله
شن هو الجامي ؟!!
وهل جبنة الاريش هي نفسها جبنة الريكوتا ؟!!
واخر سؤال اللبن الي نغلوه ، هل هو نفسه اللبن الخاثر زي لبن نادك ولبن المراعي ؟ و اكتيفيا ؟!!
يعني اللبن هو الخليب المضافة له خمائر ؟!! او قصدتي حليب تاني ؟!!
وسلم ايديك وشكرا ^_^
بسويها ان شاءالله
تسلم ايدج يعيبني شغل الاجبان في البيت