نظرا لكثرة التساؤولات الي ياتني فراح نسوي مواضيع نجاوب على هالتساؤلات
اليوم بنتكلم عن أفضل منتجات برايمر الفاونديشن او برايمر الوجهه face primer foundation primer
طبعا كل المنتجات الي بنتكلم عنها توضح رايي وشو الي ناسبني وشو الي طاح علي وبليز بنات انتبهوا لشي انه الي ناسبني ممكن ما يناسب والي ناسبج يمكن ما يناسبني
وهني صورة جماعية للمنتجات الي راح نتكلم عنها واعطيكم رايي بها من خلال الاستخدام
اول منتج بنتكلم عنه هو برايمر ريد ايرث red earth primer
نوعة : كريمي مخملي يعني مثل الكريم لما تحطينه على ويهج يصير مثل البودره ويخوز لج لمعه الويهه ويخليه ماات
يثبت لج المكياج بشكل متوسط
ينعم البشره
ماله اي كافيريج ايفكت يعني ماله لون ما يغطي شي
يباسب البشره العادية والدهنية ما نفعني وايد كبشره جافه لانه ماله فعاليه بالترطيب وايد
الي ما عيبني به انه اول كمن استخدام مكوناته تنفصل عن بعض يعني ينعصر لج ماي اول شي لازم تخضينه وعقب تعصرين شوي توزعينه على ويهج
بشكل عام برايمر زين وسعره حلو اقل عن 100 درهم وكواليتي حلو بس مب واي
ما يغطي المسامات او يصغرها ولا يصحح لج التصبغات على عكس بعض المنتجات الي راح نتكلم عنها
ثاني برايمر بنتكلم عنه هو ان واي اكس NYX HD primer
نوعه كريمي مرطب مثل كريم لما تدهنينه تحسين رطوبة ينشف من غير ما يخلي اي بقع دهنية
حلو للبشرة الناشفه لانه يرطب
ماله اي ايفكت بالمسامات او التصبغات
يمسك لج المكياج بشكل متوسط ينعم البشره بشكل
منتج لا باس به ينفع حق كل يوم وسعره زين بحدود ال100 درهم
ثالث منتج هو برايمر سماش بوكس
Smashbox Photo Finish Primer with Dermaxyl Complex SPF 15
سماش بوكس مشهور بالبرايمر ماله من جودته العاليه والايفكت الممتاز ومنه واايد انواع وكل نوع له لون
انا الي ماخذتنه من كوليكشن الفوتوفينش photo finish ومن هالكوليكشن خذت النوع الي يشتغل على المسامات ويخفف من الخطوط الرفيعه (التجاعيد ) وخذته لانه منتج يونيك نادر ما تحصلين برايمر متخصص للخطوط الرفيعه للويهه لانه وايد حريم كبار ايون اسوي لهم مكياج وهالمنتج يساعد بشرتهم وايد
نوعه : يحتوي على السيليكون
ينعم البشره وايد وبشكل حلو يخليها جنها قطعه بلاستيك لاحتوائه على السيليكون
يخفف المسامات بشكل خفيف ويشد نوعا ما يعني مب معجزة يسوي ايفكت يادوب ملحوظ
بس يمسك الاساس بصورة حلوة
شي نوع ثاني للبشره الدهنية اسمه Oil free ويمنع الويهه انه يزيت ويلمع بعد كمن ساعه وشي للبشره الجافه اسمه dehydrating لونه ازرق ماكان موجود في سيفورا لما سرت هاك الفتره على حظي
سعره اقل عن 200 درهم بشوي على 180 مدري 170
كواليتي عالي
برايمر سيفورا
يحتوي على السيليكون ينعم البشرة بشكل كبير لانه به سيلكون
يقلل المسامات بشكل خفيف يخلي البشره ملسا وناعمه
فيه نسبه من الترطيب
يمسك الاساس ويمنع لمعان الويهه وتزيته
سعره زيين من سعر ان واي اكس اقل عن 100 درهم بس حجمه صغير وايد
ماله اي ايفكت عالتصبغات
برايمر بينيفت
the pore profissional
هالبرايمر متخصص في اخفاء المسامات وتمليس البشره
وفعلا فعلا يخفي المسامات بشكل ملحوووظ ورااااااائع صدقوني يا بنات فعلا يقلل المسامات
نوعه كريمي مخملي شوي ثجيل مثل الموس فاونديشن مال يبيلين لما تدهنينه يصير بودري وينعم البشره ويسد المسامات وشوي يفتح البشره ويقلل التصبغات ويمكن تدهين ولمعان البشره
سعره من سعر سماش بوكس على 200 درهم شوي اقل
برايمؤ تو فيسد
Too Faced primed and poreless
هذا يشبه بينيفت في التكسجر وفي فعاليته ضد المسامات وتمليس البشره وتنعيمها
يمنع لمعانها
ويمسك المكياج بشكل حلو
سعره نفس سعر بينفت تقريبا على 170 او 180
اخر برايمر هو من جيفينشي
كريمي لما تدهنينه يصير مخملي وبودري
يمسك الاساس بشكل حلو
يمنع لمعان الويهه
ماحسيت له فعاليه ضد المسامات او الخطوط الرفيعه او التصبغات
برايمر غيرلاين
بصفايح الذهب
ينعم البشره
ويمسك المكياج
مالاحظت فرق على المسامات بس لاحظت انه يشد اليلد ويحسن البشرة
فيه نوع من الترطيب
اغلى البرايمرات على الاطلاق فوق ال 500 درهم
بشكل عام شو احس هالبرايمرات برايي هو تو فيسد وبينيفت لو بقولج خذي واحد اختاري واحد من هالثنين ممتااازين يشتغلون على تقريبا كل شي منها المسام ويثبت الاساس ويمنع لمعان الويهه ولكن الترطيب مب لهناك معظم البرايمرات تنفع للبشرات الدهنية لانه تمنع تزيت الويهه واللمعان بس هذا ما يمنع انه البشره الجافه تحط برايمر مرطب وبنفس الوقت بيخفي المسام او التصبغات ويثبت المكياج
شاركونا رايكم في المنتجات الي حبيتوها خلونا نعرف رايكم
والي تستفاد دعوة حلوة منكم وبنكون شاكرين جدا ^_^
ترقبوا الاجزاء الياية
وبليز الي عندها استفسار تحطه هنا تخبلت من كثر الايميلات والرسايل ^_^
انا استخدم من انقلوت واااااااااااااايد حلوووو و خفيف
نزلت قبل موضوع عن احسن برايمرات استخدمتها .. ميكب فور ايفر هو التووب عندي..
اما صدق انا عكسج ما حبيت مال سماش بوكس,, موول مب شي><.. عكس باجي منتجاتهم الحلووة,,
لكــن شكلـــج بتخلينــي اخــذ اشيــا ثـانيــة بعــد
هالمــواضيـع تشجــع مدمنــات الميــك انهــم يدمنــونــه اكثـــر
مشكــورة حبيبتــي علـــوه
شو تنصحيني اخذ ومن اي مكان احصلة في دبي
وشكرا كثير على طرحج لهذا الموضوع كلج ذوق
المشاركة الأصلية كتبت بواسطة لوعة الحب 
شو تنصحيني اخذ ومن اي مكان احصلة في دبي
وشكرا كثير على طرحج لهذا الموضوع كلج ذوق
جربي توي فيسد او بينيفت لانهم ثجال ويغطون لج المسام بشكل حلو وشوي بيسكرون لج حفر حب الشباب مع كريم اساس مضاد للمسام او حفر حب الشباب هيول صدق غير عن كل البرايمرات الي بهم سيليكون الي احسهم نفس الشي
المشاركة الأصلية كتبت بواسطة نادية ال علي لكــن شكلـــج بتخلينــي اخــذ اشيــا ثـانيــة بعــد
هالمــواضيـع تشجــع مدمنــات الميــك انهــم يدمنــونــه اكثـــر
مشكــورة حبيبتــي علـــوه
العفو الغاليه ^_^ حتى انا اتخبل يوم اشوف شي حد يمدحه على طول اسير اجربه و اخذه لو عيبني
المشاركة الأصلية كتبت بواسطة ماما سوافي99 نزلت قبل موضوع عن احسن برايمرات استخدمتها .. ميكب فور ايفر هو التووب عندي..
اما صدق انا عكسج ما حبيت مال سماش بوكس,, موول مب شي><.. عكس باجي منتجاتهم الحلووة,,
الله يسلمج حبيبتي ماما سوافي
^_^ فورايفر جربته بالمحل حسيته مثل سيفورا وسماش بوكس بس على اخف لانه فيه سيلكون كل البرايمرات الي بها سيلكون تغطيج نفس الايفكت
المشاركة الأصلية كتبت بواسطة ام سند انا استخدم من انقلوت واااااااااااااايد حلوووو و خفيف
العفر الغاليه