اليوم يايبة لكم شي يديد ان شاءالله بيعيبكم
بنتكلم اليوم عن ماركة للفراشي اسمها لورين لوك Lauren Luke
ماركة بريطانية مثل ريل تكنيك بالضبط لوورين وحده عندها قناه باليوتيوب وتسوي دروس ومكياج باليوتيوب وطلعت لعمرها هالماركة وتمتاز بجوده عاليه وتصلح للاستخدام الاحترافي او الشخصي والاهم السعر الرااائع ^_^ ارررررررخص عن سيجما
صور الفراشي
نبدا بالريفيو
الفراشي متوفرة بالموقع مالها سووا سيرج في قوقل وبيطلع لكم يشحن لكل مناطق العالم وبرخص التراب الشحن يوصلج عالبريد بحدود اسبوعين او اقل بعد
المتوفر فقط الفراشي المعروضة بالصور ماشي اكثر عن هيولي انا خذت المجموعه كامله
نبدا بالريفيو نمسك فرشاه فرشاه ما بسوي ريفيو للكل
او شي فرشاه البودره العملاقة
حبييييييييييييتها لعده اسباب اول شي حجمها
انا وايد احب الفراشي الكبيره وما تحصلين وايد فرشاه بودره بهالحجم العوده
حجمهما من حجم فرشاه ماك او سيجما E30
نوع الشعر : احم سوري نسيت مب متاكده طبيعي او صناعي
النعومه : ناااعم جدا
الجوده : عاااليه
ثبات الشعر: لما غسلتها طاحت كمن شعره بس بعدها للحين ما شفت شي يطيح
فرشاه الكنتور
بالضبط مثل فرشاه الكنتور من سيجما
نفس الحجم والنعومة والكوالتي
النعومة : نااعم
ثبات الشعر: ثابت ما طاح شي وانا اغسلها
الجوده : عاالية
نوع الشعر: نسيت بس اتوقع انه طبيعي
فراشي العين
راائعه ماله داعي اشرح شي فيهم مثل فراشي ماك 217 و 219 والفلات نسيت رقمها متعايزة انش اتطالعه ^_^ 239 طلع رقمها الفرشاه ^_^
نوع الشعر: اظن طبيعي
النعومه : نناعم جدا
الثبات : ثابت ماطاح شي وانا اغسلهم
فرشاه الفاونديشن
نوع الشعر : اعتقد هذي مع فرشاه الايلاينر الوحيدات شعر صناعي
النعومة : ناااعمه جدا جدا
الثبات : ثاابت ماشي طاح
مثل فرشاه السينثيتيك ست من سيجما بس سيجما امتن شوي
واخيرا فرشاه الايلاينر
هاي الفرشاه فريده من نوعها والسبب رفعها واااااااااااايد رفيييييييييييييييعه وتمسح لج ترسمين خط ضعيييييييييييييييييييف
شوفوا هني الفرشاه الي عاليسار من سيجما بتلاحظون فرق المتن
نوع الشعر: صناعي
النعومة ناعمه
الثبات : ثابت
تحافظ على شكلها بعد الغسيل: نعم
عن نفسي ما استخدم هالنوع من الفراشي في رسم الايلاينر لاني يوم ارسم بخط واحد ارمس الجفن هالفراشي صعب ترسمين خط مايل بها لازم خط سيده صغار ورا بعض لين توصلين للرسمه الي تبينها وايد اوك للي مب متمكنين من الفرشاه التقليدية للايلاينر
بشكل عام شو رايي
وااايد حبيت الفراشي وحبيت الكواليتي مالهم والشحن والسعر ياي ياي ياااااااي
وايد وايد انصح تاخذون الست كامل لانه ما بيكلف اكثر عن 40 دولار شامل الشحن يعني باقل عن 200 درهم فقط يابلاش… ترا الماركة توها طالعه عشان جيه اسعارها رووعه بس اتوقع لو تشتهر بترفع الاسعار مثل سيجما اول ما خذت الست الي فيه 10 قطع مدري 12 قطعه كلفني بحدود ال59 دولار فقط الحين اقل شي ب 80 دولار واخر مرة طلبت منهم كلفني بحدود 1200 درهم يمكن فوق ال400 دولار وكل ما ياهم يزيدون ووحده من فراشي البلينديق كان شعرها ملصق من فوق اضطريت اقصه بالمقص عشان تضبط الفرشاه بس بعد كوالتي سيجما حلو واسعارهم نص اسعار ماك ^_^
هل باخذ الفراشي مرة ثانية : ان شاءالله ^_^
دعواتكم بالتوفيق وحفظ الرحمن
لو عندها سيت كامل من 18 ولا 24 فرشاة كنت خميته على طول
مشكورة
تسلميييين على الموضوع