كيفكم ياحوامل ان شا الله بالف صحه وعافيه
بما اني من حملت تقريبا من الشهر الثاني لييييييين الشهر السابع وانا اعاني من الكحه والبلغم وخاصه بالليل تعبت من مراجعة المستشفيات والعيادات بدون فايده اخذ الدوا تخف عني الكحه ساعه بالكثير ونرجع على طير ياللي وهاذي سالفتي حتى زوجب يقول لي انتي هالكحه متى بتروح ونفتك منها شهوور تقعد ماتملين منها قلت شسوي مو مني الادويه وهاذي انا اخذها لييييين ضرب براسي اني اطلع محل الادويه الشعبيه
وفعلا طلعت وقلت له ابي دوا للبلغم لو عالجت البلغم بتروح مني الكحه في البدايه عطاني دوا قالي هذا اعشاب وهو باكستاني بس قلت ماياثر على الحامل قالي اعشاب و قريت نشرته فعلا طلع اعشاب بس قالي هو اعشاب صح بس لاتاخذينه وانا ماقتنعت بالدوا خفت ولو انه اعشاب قلت مابيه ابي شي ثاني
عطاني ماي النعناع و سكر نبات وقمت اسوي لي شاي اخضر و احط لي من ماي النعناع و سكر نبات بدل السكر العادي والحمدلله كلها اسبوع واختفى مني البلغم والكحه ارتحت منها
قلت مثل ما انا استفدت خلني افيدكم ومابي منكم الا انكم تدعون لي الله يسهل علي 
وايد مريح 0000
انا استخدمت ماي النعناع مركز ماهو مغلي بالنسبه للراحه صدقتي ياختي والله عانيت شهور لييين ارتحت الحمدلله
بس من باجر انشاالله بسير العطاره وبسأله عن ماي النعناع إذا عنده
وإذا ماعنده الله كريم بسويلي ابروحي جاي نعناع ونشاالله استفيد
مشكوره الغاليه