بدخل بالموضوع على طول ،،
أنا حامل الحمدالله و توني داخله الشهر الثاني
بس واااااااااايد خايفه ما احس بشي يعني لا لوعه
لا وحام و لا اي شي كل اللي احس فيه ويع الظهر
و الم صوب المبايض يزيد وقت انام بالليل
انا اول حمل لي خسرته وتاخرت بالحمل واااااااااايد
و اخاف اخسر هالحمل بعد ،، عسى الله يثبت لي حملي صدق خايفه
حوامل او اللي مروا بتجربة حمل قبل في احد منكم ماحس باي اعراض حمل ؟؟
على فكره انا سويت تحليل دم و طلع الهرمون مرتفع الحمدالله بس ماعرف الوسواس ذابحني ..
موعدي بعد بعد 10 ايام و انا مافيني صبر احاتي ليل نهار و هذا صوب و الاحلام صوب
يوم احلم بعنكبوت و يوم بدباببير و يوم بصراصير و اعوذ بالله اوقات احس اني في شي يمشي
علي و انا نايمه و اقوم اسوي افلام هنديه و الله حق ريلي بالليل ،،
الله يخليكم طمنوني هل هالشي طبيعي
المشاركة الأصلية كتبت بواسطة دلوعة البابا_20 
مشكوره فديتج ربي يطمن قبلج و يفرحج بشوفتج ضناج بين ايديج …
و ان شاء الله اكون نفسها الحين خذت اجازه من دوامي برتاح و بروح أطمن على البيبي و ربي خير حافظ ,,,
المشاركة الأصلية كتبت بواسطة موزة الغفلي مشكووره الغاليه ربي يجزيج الف خير
انا من اسبوع رحت و سويت بس تحليل دم و الحمدالله نسبة الهرمون طبيعيه
و موعدي الثاني علشان اسمع النبض بعد 10 ايام تقريبا بس شكلي بجدمه و بروح
بهاليومين ،،
اللهم ثبت لي حملي و يسر ولادتي (اللهم آمين)
وفي وايد حريم مايحسون بالوحام.. من وحدة لوحدة يفرق
ثاني شي حصني نفسج بأذكار الصباح والمساء والرقية الشرعية وقراءة سورة البقرة والادعية الاستغفار والصدقة
ثالث شي لا تتريين موعدج ..سيري أي عيادة حق تطمنين
المشاركة الأصلية كتبت بواسطة دلوعة قلبها وفي وايد حريم مايحسون بالوحام.. من وحدة لوحدة يفرق
ثاني شي حصني نفسج بأذكار الصباح والمساء والرقية الشرعية وقراءة سورة البقرة والادعية الاستغفار والصدقة
ثالث شي لا تتريين موعدج ..سيري أي عيادة حق تطمنين
ربي يبارك في حياتج مشكوره فدييتج
مادري وايد اخاف حتى الموعد اترياه على اعصابي
ماعرف عند منو اروح خاصه اني مابا اسوي فحص داخلي
لان الحمل ما بيبن من الفحص الخارجي ،،، بس اذا يصير افحص
و اشيك على نسبة الهرمون بروح اليوم ،، تتوقعين هالشي يصير
يعني اذا كان الهرمون مرتفع بقدر اطمن