متزوجة من 3 سنوات
دايما تزعل من ريلها و تصيح وايد
والريال كان يراضي قبل بس الحين هو مطنشنها
وهي مسكينة تصيح و دموع لكل موقف فيه ضرابة ونزاعة بينها و بينه
وتتحسس وايد من أي كلمة
بس أريد أسأل شو علاج الحساسية الزايدة ؟
شلون الوحدة تسوي علشان ماتزعل من ريلها يوم يطلع فليل عشان يسير القهوة أو يسولف مع ربعه
وهي تبى الريل يجلس معها فالبيت؟
الريال بيي يوم وبيمل من حساسيتهااا ودام ان مب مقصر معاها ما فيها شي يطلع ويا ربعه
مافي ريال يحب يجابل حرمته 24 ساعه لازم يطلع وهي بعد تطلع تروح تزور اربيعاتها
الحل انها تغير من نفسها وتكون مقتنعه ان اللي تسويه غلط
الحل ببساطه ألا تسرفي في دمعتك .. وان تكسبيها عزآ .. لا تجعلي اي شئ مهما كان تافها يستدر دمعتك ويجلبها…
عبـــــــــــــري عــــــــــــن ضــــــــــيقكـ وحزنكـ بوضوح وهدوء وصراحــــــه .. ولا تخرجي سلاح الدموع لمجرد انه نسي احضا مجله " زهره الخليج "
[COLOR="rgb(255, 140, 0)"]انتبهي جيــــــــدا للحد الفاصل بين ان يـــــــــرى دمعتك [/COLOR]( وسيله أنثويه لإضعافه ) وان يـــــراها ( ضعفا أنثوي)
ستستفزه الاولي ،،، وتأسره الثانيه…..
ويبــــــــــــــقي سر روعه الأشياء قلتها وندرتها ،،، فقللي من دمعتك تعــــــــــــز ويغلو ثمنهــــــــــــــــا…
علاجها بأيدها ومرضها بأيدها !!!
كل شي له مقداره .. الدلع الحساسيه التفهم والتقبل
الريال يريد إلي توازن كل شي بعقل وتتدلع بعقل وتكون قليلة الحساسيه وتتفهم أوضاعهم النفسيه وروتين حياته اليومي ..
يريد إلي تجذبه بأسلوب الترغيب لا الترهيب .. يريد إلي تستخدم عامل الجذب هب عامل الطرد ؟؟
الريال بالنسبه للحرمه العاقل هو تحدي ..نعم عزيزتي تحدي ؟
كيف أتحدى نفسى بأني أرغب وأجذب وأحبب وأريح .. من دون ما أطلب ولا أضغط ولا أفرض .
الحرمه الشاطره بتقعد ريلها من دون ما أتقوله أقعد وبترغبه من دون ما أتقوله تريد .
فهميها قبل ما تفقده .. الريال يريد العقل والرزانه والحب والعاطفه والحساسيه والدلع وكل شي بس بميزان
وهي إلي توازن بين كل هاللأشياء .
وأن زادت في شي ونقصت من شي .. الباب قوليلها ولا عنه بيدور على الخلطه السحريه برا ..
قوليلها حافظي على طيرج لا يطير من أيدج .. عقبها دموعها ما بتنفعها لو حل في عش غيرها .
الله يهديها لنفسها وريلها ..
ويزاج الله الغاليه .