الحريروة 2024.

السلام عليكم خواتي………..
بغيت اعرف اذا حد فيكم يعرف طريقة الحريروة(حبة الحمرا)……………

مشكووورة يا الغالية على الرد…..بس انا كنت ابغيها على طريقة الاوليين…..يسوونها بالطحين

العفو الغاليه …..ان شاء الله البنات يساعدونج

الغاليه شوفي هذا الرابط يمكن ينفعج…..

https://forum.uaewomen.net/showthread.php?t=344208

بخبرج عن طريقتي اسويها بالكستر اتجنن
المقادير :
الحليب حسب مقاس الدله مثلا لتر ونص (اذا بتسوينها حق مربي وبتسيرين صوبها)
سكر حسب الرغبه (فنجان قهوه يكفي )
2 ملعقه كستر مذوب في حليب
ملعقه كركم
ملعقه فلفل اسود ناعم (يفضل يكون طازج )
ملعقه هيل منخول (عشان القطع الخشنه اتضايق وقت الشرب)
ملعقه قرفه طازجه
ملعقه صغيره زنجبيل للي يحبه
شويه زعفران
الحبه الحمرا (قياس كوب الشاهي العادي اغسليها في مشخله وعلى طول حطيها على الحليب في الجدر واخلطيها .
طبعا الطريقه بسيطه :
تحطين كل شي في الجدر حتى الكستر وتخلطين زين… واول مايفور حطي الحبه الحمرا وخليها تفور فوره وحده بس.وعقب صبيها في الدله ولف عافيه
ملاحظه (اذا تحبين الحلبه حطي مقدار ملعقه صغيره بس )وفوريها اول مع الحليب وعقب كملي عادي
افضل اني ما اودن الحبه الحمرا لانها وايد اتفرفخ واتم هب حلوه

انتي تقصدين الحريوه لي بدون حليب شوفي اختي حطي الماي على النار وغسلي الحلبه وحطيها وكذلك الحبه الحمرا وخليهن يغلن وبعدين حطي السكر حسب الرغبه واظيفي الكركم والفلفل الاسود والقرفه المطحونه وشويه سمن وبعدين هاتي ملعقه طحين وخلطيها في الماء واظيفيها على الخليط واخر شي بعض الناس اتحط بياض بيضه واحده اتخليها تغلي مع الخليط اشوي وبس …. هذي الطريقه كانوا ايسوونها للحرمه لي والده على اساس انها اتنضف وتسوي حليب