الحقوني الكحة ذبحتني وش الحل ؟ 2024.

خواتي الله يخليكن اذا احد مرت بكحة مثل حالتي تخبري كيف ارتاحت منها ؟ والله ما انام ولاقدرت اداوم منها وانا حامل في اول السادس … ذبحتني الكحة واحس عروق راسي بتنفجر من قوة الكحة .. وضغط شديد على بطني من شده اندفاع الكحة .. جربت كل شي ( عسل وليمون / حليب وزنجبيل / حتى مضاد الربو Diskhaler جربته / زعتر ينسون اي شي عشبي مافاد ) ولا اكل شي بس اشرب سوائل حاره مثل الشوربة او اي منقوع ساخن من الاعشاب .. احس اني مخنوقة انقذوني شو اسوي ؟

حبيبتي ما تشوفين شر ان شاء الله وسيري اتعالجيً عنها لان الكحهً الزايدهً اتضر بالياهل عسى الله يحفظه ويبعد عنه الشر

انا ياني كحة ف شهر ثالث اسميه كانت كحة قوية امي عطتني دواء اعشاب اسمه صدري بس حبوبة تاكدي من دكتورة زين ولا لا لاني شربت بس شوي وصراحة ما سالت اذا زين ولا لاو لا تاكلين برتقال وفراولة

للرفع

حبيبتي حاسة فيج لاني كنت اكح لدرجة اذيت الي عندي في الدوام و كانو ينغزوني على مزح يقولونلي ام فلان انتي مسموح لج تكحين ثلاث مرات في اليوم بس تخيلي؟ من كثر ما كنت اكح و تاذوا مني مساكين..و ياني واحد يزاه الله خير قالي شي مع اني ما استوعببته بس قلت بسويه من كثر ما تعبت من تجربة الادوية و ما في فايده و سبحان لله سويته و فادني و لين يومج ادعيله و استخدم الوصفة
سويها بالحرف …

نص حبه ليمون الاخضر مو الاصفر بقشورها و فص ثوم و رشة ملح افرميهم في الفرامه هاذي مالت براون الي نفس العصا.. و اشخلي الخليط و اشربي منه ملعقه صغيره مرتين في اليوم لمده ثلاث ايام .. و راح تدعينلي ان شالله
هي غريبة و طعمها يلوع بس من كثر ما كنت تعبانه اجبرت نفسي و سبحان لله فادتني
ربي يعطيج العافيه

عسل وكركم بس قبل اتخبري الدكتوره عادي ولا

هلا الغاليه
موضوعج شدني وصدق حسيت فيج
المهم خذي لج م كبيرة زيت زيتون
م كبيرة عسل مش لازم طبيعي ( عسل الشفاء ) بيكون اوك
وليمون اصفر حبة وحدة
اخلطيهم مع كاس ماء دافى
وجوفي النتيجة
وسلامات ما اتجوفين شر

اختي الف سلامة عليكي اذا تقدري تحصلين ورق الجوافة تنقعية بميه مغلية وتشربيه وبأذن الله رح ترتاحي وتدعيلي