بنات انا مشكلتي اني احب ريلي بجنون .. ماشوف غيره على كل اللي يستوي فيه بعدني ماقدر اشوف غيره..
ريلي بيتووووتي …انا عكسه…انا لازم اظهر فالاسبوع على الاقل مرتين..
امرض لو تميت طول الاسبوع فالبيت خاصه اني لاشغله ولامشغله وعندي بيبي
صياح 24 ساعه ..وريلي يحط شروطة من صوب وياريت لو بهدووء..
انا نفسيتي وايد تعبت من ريلي ومن زماااااان بعد..بس بعدني احبه رغم تقصيره
ممنوع اني اظهر ويا اختي مكان وعقب اتصل فيه اقوله بعد بنسير نقضي شغله!!!!
مسموح لي اطلع وين ما ابا ومتى ما ابا واي مكان ابا بس ويا امه وخواته!!!!
اهلي بعيد…لو مثلا يووو هنيه ممنوع التقي وياهم في مكان..اتمشى وياهم
ممنوع اسوق ممنوع اسولف وياه ممنوع ابوسه ممنوع اطيح على جتفه والا ايده
يقولي انا عمري ماغازلت لاني ماحب هاي السوالف
يوم انسدح عداله صد عني(قلبي يعورني يعورني)
ريلي يوم يرد المغرب او العصر من الدوام..انسدح على الكمبيوتر لين حزة الرقاد
ممنوع انا ارمس وياه…للعلم ريلي ماعمره غازل..وهالشي بنفسي متاكده منه
ثقتي فنفسي قلت واااايد
انا كنت دلوووعه ويحب دلعي…بس مادري ليش جيه
هو يفكر ان انا بما اني ساكنه ويا اهله….ما احتاج له ومابا ايلس اسولف وياه
من كثر صدوده عني وعتابي له يقولي انتي وايد حنانه وزنانه…
بنات تصدقووون ان ولا ليلة عدت على خيرررر خصوصا الفترة الاخير هذي
ريلي من يحط راسه احسب له 7 ثواني ويرقد…هنيه انا وايد اتعب ان مايعبرني
كاني حيطه كاني جماد…
يعورني قلبي على نفسي..على نظافتي على كشختي على لبسي اللي اشتريه ولا يمدح شي عليه
مع ان جسمي وايد يعبيه..على اي تغيير اسويه له
ويطنشني اذا شافني زعلت منه فالليل…يوم ينش الصبح يتم يوعيني ويتلزق فيه وانا كنت اسامحه
وياخذ حقه وطاف … بس وقت الجماع يكون حنون عليه
بنات ريلي مايبوسني (يقول مره فالشهر بس)واذا طلبت منه مره فالشهر مايطيع بعد يعني لازم ازعل عشان يبوسني
ريلي يرفع الظغط وخاصه الام لو عرفت ان في شي صاير من بينا والا قلت كلمة حق مايرضالها في ولدها..ولو وحده من بناتها يت تشكيلها من ريلها واهله تحرضهن عليهم..
يقولي لج يوم واحد فالاسبوع نطلع ويا بعض…الله لايراويكم الطلعه اللي يطلعني اياها ساعتين مانكمل؟؟؟؟؟؟
اقوله انا مابا اسير اسواق وبس..انا ابا اتمشى وياك على البحر او اي مكان ثاني مايطييييييييييييييع
انا فدبي من سنه ونص تصدقون اني ماعرف شي فيها غير المولات الكبيرة؟؟؟
وياريت يابنات في هالساعه ونص اللي يطلعني فيها استانس( اذا ماصارخ على فالسوق بيهزبني فالسياره واذا مب فالسيارة يوم نرد البيت) لازم لازم لازم وهالشي لاحظته كل مانطلع ويا بعض
تدرون ليش…لانه هو بيتوتي ومايحب الحواطه…لازم بيتذكر اني مسوية مايعيبه فالبيت وبيناقشني فالسوق
تعبت ومليت من البيت… يوم اقوله ابا اظهر مليت يقولي باجر وكل يوم باجر ويوم يظهرني يذلني مايخليني استانس..
بنات انا امس فالليل زعلانه منه واول امس واللي قبله واللي قبله احسني دوم فترة الليل ازعل منه
وقلبي صدق يعورني وايد اتعب يوم ازعل منه
ان هو مايحس فيني اني احتاجه…….اليوم قالي بخليج ترقدين عدالي بس اجلي الطلعه لين باجر…قلت له اوكي وانا فرحانه
والحين يوم ييت برقد عداله ماخلاني شوي وبياكلني….
دوم اقوله انت يوم فيك رقاد جنك تشوف شياطين جدامك
تمييييت اصفع عمري واسبه واصيييييييييييح ومن الحرقة اللي فيني ظربته على ايده مرتين بقووووووو حسيت ان قلبي ارتاح
بس انا مابا حياتي تكتمل على هالمسار مابا اسبه والا امد ايدي يوم اعصب ..
للعلم انا بس اظرب بيدي ظربه او ثنتين على ايده او ريله من القهر اللي فيني
شو تنصحوني الله يخليكم…انا من فتره حاولت اطنشه وابعد عنه بس ماشي فايده انا اللي اتعبت فالنهايه والا هو عادي…
وفي شي ثاني…من يتصلون له ربعه يركض لهم بنشاااااااط ويسير ويرد على كيف كيفه.ويوم انا اطلبه يبتدي فيه الكسل والتعب ويتم يتملل ..
شوووو الحل برااايكن ارحموووني منه انا واااايد تعباااانه منه
الله يكون بعونج يا الغالية ان شاء الله المتزوجات ما بيقصرن وحبوبه حاولي ترضين شوي شوي بالوضع اللي انتي فيه دامج تحبين ريلجويأجرج ع صبرج
انا اقهرت منه ههههههههههه
هذا بسبب انج عايشه مع اهله تنعدم الخصوصية وتنعدم المسئولية ..
الله يفرج عنج
حاولي تطنشيه هالفترة
و لا تمدي ايدج عليه مش حلوة في حقه و لا حقج
انتبهي لولدج و حياتج
وحاولي تلاقي شغل لج في البيت يبعدج عنه شوي
ربي يعينج
الله يعينج عليه
بس ادعي ربج يهديه
ويغيره للأحسن
أتوقع يتغير يوم يكبر البيبي
حااولي تغيرينه انتي باادري بالكلااام الحلو والمعاامله الزينه لو شفتي صد منه
اصبري صدقيني مع الوقت بيتغير ويتعلم منج 00ولا تحنين واايد عليه يعني بين فترة وثاانيه
اقنعيه يطلعج ويمشيج عزيزتي اعرف حريم ماا يطلعون يتمشون خير شر الا للضرورة
ومشترياات البيت 00اصبري فديتج والله يأجرج على صبرج ان شااء الله 0
الله ايسر امورج ويسخرة لج عنووني