.. وحكايتي هي كالاتي ..
:
:
.. كنت قبل وايد كيوت وصغيرونه والكل يعطيني عمر اصغر عن عمري ، لين الحينه اوكيه وتمام وحلو ، اشتغلت في مكتب كل اللي فيه ضعاف وعصقولات ويوم يمتنن ما يزيد وزنهن غير 2 او 3 كيلو وبالضرابه 5 ، لين الحينه اوكيه وتمام وحلو
ولكن تعالوا عند اختكم ( مــزون ) يوم متنت ( استوت ضرابه في وزني ) اهئ اهئ ما بقول كم لكني ابا اضعف وانقص ويكون وزني 60 كيلو جرام وخصوصا اليوم لما شفت مشاركة في المنتدى عن الوزن المثالي https://www.uaewomen.net/showthread.p…86#post3863586
والطامة الكبرى استوت يوم الخميس البارحة على طول ، كان عدنا اجتماع ويوم خلص الاجتماع ما ادري شو السالفة ما اشوف عمري غير ويا واحد في غرفة الاجتماعات وما ادري ش السالفة قالي على فكرة انتي وزنج زاد ؟!؟!؟!؟ خيبة خيبة لهاي الدرجة انا متنت وهالريال اتجرا وقالي هالكلام ( اعتقد انه كان مقرر انه يبيع عمره ) هههههههه
المهم من البارحة انا مهمومة او بالاحرى من شهر نوفمبر لاني كنت مسافرة وكل الصور فضيعة لانه وزني زايد فيهن وما بقولكم عن الغزوز خخخخخ والمصيبة الكبرى اني على طول سرت العيادة ووزنت وشفت فعلا اني من شهر نوفمبر لين الحينه ( بس ) زدت 3 كيلو
والحين انا قررت قرار بديته بشرب ( الحلوووووووووول ) اللي لين الحينه ما ياب مفعوله ( الله يستر ) والقرار هو اني ابتعد عن شي اسمه اكل وطعام وفود
بسوي ريجيم المووووووووووووووووووووووووووووووووووووووووووت هههههههههههههههههههههههه
واللي بسويه الاتي اعتبارا من باجر ولغاية اسبوع
السبت 6 ولغاية السبت 13 ينايــر 2024
الممنوعات ( العيش – الخبز – المعكرونة – الحلويات – العصاير المعلبة ) (الحلويات اللي في سدة الحجرة بوزعهن او بعقهن )
الرياضة ( المشي السريع لمدة نص ساعة + المشي الدلوع لمدة نص ساعة + نص ساعة رياضة حرة ) = ساعة ونص رياضة
الفواكة ( تفاح، موز، برتقال، فراولة، كمثرى )
الخضروات ( كل الخضروات الخضراء )
الماء ( ماي مسافي 3 ليتر يوميا ) يعني 3 دبات من الكبار
وشفت بعد شي عن شراب الليمون والكمون على الريج بعد بسويه ان شاء الله
وبشرب كوفي اسود بدون حليب او شكر علشان اصحصح في المكتب عدل
والله يعيني على نفسي وان شاء الله بكثر من الاستغفار علشان اقدر على الالتزام واستعادة رشاقتي وحيويتي ونشاطي السابق اللهم امين
الى جيه
لكن بعد ما يتحقق حلمي ان شاء الله
الجمعة 4 يناير 2024
03:15 عصرا
::
خيتو اتا شراااتج بس دامج الحين عزمتي تنزلين وزنج لازم تخلين ارادتج قووويه ولاتخربين وربي يوفقج
وان شاء الله انا بدش كل يوم وبشجعج وياااويلج مني لو خربتي
وإن شااء الله تتوفقين في الرجيم وتنزلين وتوصلين للوزن اللي تبينه…
دبيتين مساافي أكباار كاافي ليووم حتى لا يصير انتفااخ في البطن " ودبتين مسافي كبار = 3 لتر
وربي يوفقج إنشااء الله…
ونح ــن ويااج بنشج ــعج ^^
ويعيني انا بعد
المشاركة الأصلية كتبت بواسطة تركواز 
خيتو اتا شراااتج بس دامج الحين عزمتي تنزلين وزنج لازم تخلين ارادتج قووويه ولاتخربين وربي يوفقج
وان شاء الله انا بدش كل يوم وبشجعج وياااويلج مني لو خربتي
وين اللي بيشجعني كل يوم اهئ اهئ
هههههههههههههه
تسلمين على المرور اختي
ويا الله خلنا نترابع ونسوي الريجيم مع بعض
انتي تشجعيني وانا اشجعج
والله يعينا على نفسنا
المشاركة الأصلية كتبت بواسطة KHULO0O0OD وإن شااء الله تتوفقين في الرجيم وتنزلين وتوصلين للوزن اللي تبينه…
دبيتين مساافي أكباار كاافي ليووم حتى لا يصير انتفااخ في البطن " ودبتين مسافي كبار = 3 لتر
وربي يوفقج إنشااء الله…
ونح ــن ويااج بنشج ــعج ^^
الله يسلمج اختي
انا هالمرة ناوية نية والله يعيني على نفسي ان شاء الله
والادارة موجودة ان شاء الله
وصدق دبتين كبار يعني 3 ليتر لانه كل وحدة ليتر ونص
السموحة الحماس ماكلني ههههههههههههههههههه
وبليز بليز شجعوني كل يوم والله محتاجة دعاءكم وتشجيعكم
تسلمين الشيخة ما قصرتي