لكن كانت في عجاله من أمرها وأفادتني ببعض الملاحظات
واتمنى انها ترجع بالسلامة
أنا متزوجة تقريبا من 19 سنة وعندي أربع اعيال
مشكلتي أن زوجي كان على علاقة مع وحده قبل زواجنا وحلف لي بعد الزواج أن قطعت علاقته معاها من زمان
لكن أنا بعد زواجنا ب12 سنه اكتشفت إنه متزوج منها بالسر من 4 سنوات
كان هو خلال 12 سنه وحتى هو متزوج منها كان متحمل المسؤلية كامله وما يسمح أن نروح أي مكان من غيره وبدونه وهو يودينا كل مكان وموفر كل شيء نتمناه حتى ملابسي أنا واعيالي متوفرة لنا ومن أغلى الماركات وأبدا غي يوم من الايام ما قصر معانا في أي شيء
لكن من يوم عرفت إنه متزوج بدأ اشوي أشوي يتخلى عن مسؤلياته
انتي وديهم انتي روحي انتي اشتري حتى لو كان في البيت روحي وديهم المستشفى الدكان بيت عمهم
لكن اللي أعرفه إنه هناك في البيت الثاني العكس هو بعده هو المسؤل عن كل شيء حتى يطلع مع أعياله ومعاها بشكل بشكل خاص لا تقولون كيف عرفتي عرفت والسلام
مع انه هي تشتغل وعندها سيارة وانا اشتغل وعندي سيارة
اتصوري من 4 سنوات اعتمد إني اودي أعيالي أبوظبي الشارجة من غيره وممكن ايي وراءنا في اليوم اللي لنا
لكم أنا وايد متضايقة من هالحالة اللي أنا فيها
مب بس جيه حتى في اليوم اللي يكون عندنا يكون مشغول بكتبه ومذاكرته ( يحضر للدكتوراه ) ولا بعد في القانون وعنده روتين فظيع معانا وما يحب يغيره يرجع من الدوام على الغداء وعادي يتغدى من غير ما ينتظر حد أو يسأل عن أعياله لين ايي أنا وأناديهم
بعدين ينام ويصحى الساعة5 ويروح الرياضة لين الساعة 7 ونصف
وبعدين يسبح وعلى المكتب على طول لين الساعه 11 ونصف ويطلع لمدة ساعه ويرجع
لو دخلنا عليه المكتب يقول خليني أركز وأكتب لو قلنا ودنا مكان يقول أنا مب فاضي روحوا بروحكم
ساعدني الله يخليج كيف احاول أرجعه لطبيعته الاوليه في تعامله معنا
أنا ما أقول يترك زوجته أنا ما أرضى هالشيء
لكن يعدل معانا في تعامله في حبه لعياله لبيته
محتاجين لوجوده معانا في البيت وفي أي مكان ليس بالجسد فقط ولكن بالروح والجسد
اسمحوا لي على الاطاله إن شاء الله أكون قدرت أوضح لكم اللي أريده
الله يرجع زوجج لج ولعيالج يارب،،،
لا تتحسسينه انج معتمده عليه وايد،،
يعني غيري في طريقه اسلوبج وكوني شوي رومانسيه +جديه،،
ألبسي اتكشخي اطلعي ويا عيالج استأذني منه بأدب وقوليله انا بظهر عشان ما اصدعك،،
وخليه خلي هو اللي يشتاق لكم هو اللي يبغيكم،،،
حسسيه انج مشغوله عنه شوي مش هو الوحيد اللي مشغول وعنده شغل،،،
تناسي زواجه نهائيا ،،،بما انه في بيتج يعني هو ملكج وبس،،
‘ذا كنتي من النوع اللي يدق وايد على تيلفونه خففي اتصالاتج،،،
خليه يحس بتغيييييييييير بس إلى الأجمل وشوفي عقب كيف بيستوي،،
والسموحه إذا رمستي غلط لأني توني 22 ويمكن ما عندي خبره في الموضوع اكثر،،،
صدقيني عزيزتي أبد ما أقصر معاه في أي شيء لكن كل اللى أسويه أغلب الاحيان يعاملني بجفاء
حتى في أغلب الاحيان
ما أعرف شو أسوي عيزت
عزيزتي ..
يكفي انج عرفتي انه متزوج وتصرفتي بـ عقلانيه والله انج مفخره …
شوفي حبيبتي..
يمكن ريلج ياخذ راحته عندج وفـ بيتج اكثـر عسب جه يتفرغ لشغله اكثـر
عطيه فرصه وعطيه مهله وانتي قومي بواجبك على اكمل وجه بدون تذمر ولا تملل
بس اقترحي عليه انج واعيالج في حاجه للجو الاسري وهذا اقل شي يوفره لكم حتى لو كان مره في السبوع ومب شرط انكم دوم تظهرون في هاليوم المخصص لكم حتى لو قضيتوا في البيت لعب ومرح ووناسه مع اليهال مسابقات وجو مرح وهدايا
بقولج شي غلاي…
انا ريلي جه… حياته كله شغله وعمله ومحاضراته هو بمكتبه تحت مدفون بالكتب وانا فوق اجابل اعيالي ودروسهم بس يلست معاه مره وقلت له نحن محتاجين لك واعيالك اكثر واذا بتتريي شغلك يخلص عسب اجابلنا تراه العمر يخلص والشغل مايخلص واتفقنا انا وياه على جدول معين مب مفروض منا نتقيد به لكن انحاول
والحمدلله الحمدلله عـ الجدول اليديد صار ريلي يستانس باليلسه مع اعياله لاننا كنا انوع في برامجنا
مره يلسه عائليه مره ظهره خارجيه ومره مسابقات يعني خلقنا جو ثاني خاص فينا
حتى انه شال عني مذاكرة بعض المواد لاعياله مثل الانجلش والرياضيات عليه والباقي علي
مع انه كانت حالته مثل حالة ريلج همه شغله ونفسسه فقط
وياغاليه… عسب اتعيشين حياتج انسي بالمرررررره انه متزوج ..احذفي هالجزئيه من حياتج نهائي
ومهما كان مقصر خليج انتي دوم اللي قايمه بواجبج حتى لو كانت كلمة طيبه تراها تزرع شجره في نفوس اللي نحبهم..
واذا يلس مع نفسه بيقارن بين الاولى والثانيه حتى لو كان يحب الثانيه بس امنو اللي قايمه بواجبه اكثر هي الاولى…فهمتي علي؟!
وعليــــــــج بالدعاء..
اللهم اجعل زوجي قرة عين لي واجعلني قرة عين لزوجي
والله يوفقكم
المشاركة الأصلية كتبت بواسطة وردة الشوامس 
الله يعينج غلاي…
ارد واقولج ماعليج منه اذا كان غير عادل ..كيف بيقابل رب العالمين؟؟!! بيقابله وهو شقه مااااااااااااائـل ..يعني له رب يحاسبه…
المهم انتي
كيف تعاملج معاه..خليج قايمه بواجبج على اكمل وجه لاتقصرين في اي حق من حقوقه
يمكن يكون صعب وبتحسين انج مبتذله ومهانه لكن حطي في بالج ان قيامج بواجبج على هذا النحو (حصالة الدنيا للاخره) يمكن تنحرمين في الدنيا لكن ميمع لج في الاخره
عندج اعيالج حطي كل همج فيهم واعتني فيهم وجابليهم وان شاء الله الله بيعوضج خير فيهم
واهــــــــم شي… ريلج لاتحرمينه من حقوقه ولا من المعامله الطيبه حتى لو كان يبادلج بالقسوة واللامبالاه في الاخر بيقارن بين الاولى والثانيه وبترجح كفة الاولى بإذن الله
وبالتوفيج ياغاليه