ماعندي فكرة اذا كان موضوعي مكرر او لا بس والله ابي لكم الخيييييييير حاسه ان عندي علم ومابي احتفظ فيه لنفسي واذا كان مكرر ماعليه بس للاحتياط كتبته..
بصراحة انا عانيت مع الريجيمات والطرق والأمل بزوال الكرشة مع اني ماعندي اطفال بس وزني اصلا كان زايد وبطني هو اول شي كنت ابيه ينحف فيني لأني ماكنت احب شكله احسه مو انثوي
كنت احلم اني البس جينز مثل خواتي وبطني يكوون املس ومشدود ولي خصر وبعد اسبوعين ثلاثه اشوف المقاس ينزل بوصة ورا بوصة واللي تجرب هالبرنامج راح تشوف بنفسها
مكتبة جرير وجورج كروز حققوا احلامي والله يجازيهم كل خير
اكتشفت هالكتاب وهالمعلومات خذيتها من الخبير الامريكي المشهور جورج كروز من كتابه اللي عندي خذيته من مكتبة جرير الكتاب مترجم وسعره عادي وفيه معلومات قمممممة اسمه 8 دقائق في الصباح لبطن رشيق (يعني انا العب 8 دقائق بس اول ما اجلس من النوم و ما اذبح نفسي بالرياضة تخييييلو ثمااااااان دقايق بس ومفعول هالتمارين راح يشتغل معاك طول اليوم يعني التمارين هي تمارين مقاومة تشغل لك العضلات والعضلات بعدين تحرق بنفسها!!!!!)
هالكتاب احسن احسن احسن شي سويته في حياتي من هالناحية واحس اني صرت واعية لنفسي وجسمي وعندي معلومات هائلة يعني قدرت اعرف شنو الصح وشنو الغلط ونتائج واااضحة اشوفها على بطني الرشيق المشدود حاليا وجسمي وزنودي بصراحة ودي اشكر هالكاتب بنفسي ولو قدرت كنت ووزعته على كل الناس
الكتاب يعطيك معلومات ونوعية اطعمة تنحف منطقة البطن خصوصا وتمارين تلعبينها 8 دقائق هم اربعة تمارين مختلفة لكل يوم وكل واحد فيهم تلعبينه دقيقتين وقبلها تمشين دقيقة عشان تسخين وبعد التمارين دقيقتين ثلاثة للاسترخاء يعني العملية كلها على بعضها ما تاخذ منك الا ربع ساعة تخيلي!!!!
اول ما خذيت الكتاب كنت اقول مستحيل بس بثمان دقائق كل يوم انحف انا اشوف الناس تذبح نفسها كل يوم ساعة وساعتين ونتائجهم ما تطلع شلون ثمان دقايق؟؟؟ بس التجربة خير برهااااان
انا وزني كان 92 ومرات يوصل 95 وطولي163 بس لا تسألوني عن وزني حاليا لأني حابه اخليه مفاجأه للحين ما وزنت ابي افرح مرة وحدة مع اني فرحاااانة من مقاساتي الحين
وصار لي حاليا شهر وشوية مع هالبرنامج
المهم للي ما تقدر تشتريه او مو حابة تجرب لكم هالكم معلومة
1_ما اشرب ماي بعد الاكل مباشرة وخففت المعجنات والحلويات والشيبس واكثر من السلطات وصرت اضيف زيت زيتون للسلطة واكتشفت معلومة ان الزيوت مهمة لكن بشرط تكون طبيعية ومفيدة مثل زيت الزيتون والكتان وانها ما تكون مقلية لأن الزيت بمجرد قليه يكون مشبع وعلى طووووول يتخزن في البطن مو بمكان ثاني
2- ما انام على بطني نهائيا لأنه يضعف عضلات البطن ويرهلها اكثر
3- امشي وانا شادة بطني للداخل اذا صارت عندي فرصة واذا ما قدرت حتى لو داخل البيت ذهابا وإيابا واذا مرة ما صار عندي وقت بس اشفط بطني للداخل وانا جالسة بشكل مستقيم واتنفس عادي وامارس حياتي يعني صارت هذي عادة بالنسبة لي وماتتصوروا اول ما جربتها النتائج مبهررررة وسريعة انتي نفسك بتتعودي تسويها على طول كلما تذكرتي
4- آكل زبادي كل يوم او لبن
5- كل كم يوم اجرب خلطة مثلا الليمون او الزعتر واحسن الوصفاااااات على الإطلاق هي ملعقة الخل
مع كوب ماء (قبل كل وجبة) جنااااااااااان هالوصفة
6- اكل فطوري مبكر صباحا لأن الفطور المبكر خلال ساعة من الاستيقاظ يسرع الأيض(عملية حرق الطعام)
عندي كذا معلومة راح اضيفها بعد كم يوم بس اعذروني الموضوع ملخبط وانا مستعجلة وادعوا لي وللمؤمنين والمؤمنات بالتوفيق والمغفرة اذا استفدتوا
منقول للفائده
وهذا هو الكتاب