شحالكم عساكم بخير يا حلوااات ؟؟
فديتكن عندي سؤال صغنووون ,,
الحين الحمام المغربي له فوايد وايد .. يفتح البشره ويوحد لونهاا ..
المشكله انا من ذوات البشره الجااافه ><
تلعوزت والله ماعرفت شسوي ’’
بس سؤالي هو ’’ عقب الحمام المغربي شو المفروض اسوي؟
في بنات قالو لي جربي كريمات تفتيح ,, << انا اخاف من هالاشياء …
قلت بجرب ارطب بشرتي .. بكريمات ترطيب وجي قالو لي لا مب زين اونه يسمر ,,
لاني اداوم في الجامعه اطلع وارد قالو بتسمرين ,,,
ماعرفت شسوي ,, حطيت سؤالي هنيه ..
للي جربو اشياء عقب الحمام المغربي ك كريمات مرطبه وجي ,,
هل هي زينه ولالا ؟؟ وبشو تنصحوني؟
السموحه طولت عليكم خواتي ,,
استعملي كريمات تفتيح تراها اوكيه
اهم شي انك تسوينه بالخلطات الخاصة فيه يعني شي طبيعي
فالافضل انج عقب ما تختمين اي حمام بخار سواء مغربي تركي ايراني اي حمام اتصبين عليج ماي عادي وتقللين درجة حرارته يعني تفتحين الماي العادي من اللولب ابرد شيء وتصبين مره مرتين ثلاث
وعقب اتكونين مجهزة اشوية ماي بارد هب ثلج لا بارد عادي البروده اللي تشربينها وصبي اشوي اشوي بترتاحين وبتسكرين المسام
عقب يوم بتظهرين من الحمام وانتي بكرامه رشي على جسمج ماي ورد افضل تونر على الاطلاااااااااق
وعقب اصبري دقايق وادهني جسمج باي زيت عندج او خلطة زيوت خفيفة وفي الغالب يستعملون زيت اللوز المر بس انا افضل خلطه خفيفة وبارده يعني طبيعة الزيوت بارده
موفقه ان شاء الله