الحمام المغربي 2024.

السلام عليكم

عندي سؤال بخصوص الحمام المغربي ف البيت
لاني جربته ومااستفدت شي

طريقتي كانت اول شي خلطت الصابون المغربي مع الحنا مع شوية ماي حار
اللي لاحظته ان الصابون صار خفيف شوي يعني نفس الشامبو
و سويته بالحمام العادي لان ماعندي جهاز البخار اول شي استخدمت الماي الدافي
بعدين الصابون خليته كم دقيقة بس يعني ما طولت وايد والمفروض اخليه ع الاقل 10 دقايق

في شي ما حبيته ف الليفة ريحتها نفس الكبريت احس ما حبيتها ابد
يصير استخدم بدالها ليفة القفاز اللي ف بودي شوب ؟ و بتعطيني نفس نتيجة الليفة المغربية ؟
الاغراض اللي عندي خذتها من القرية المغربية وتقريبا نفس اللي ف المنتدى

سؤالي الحين شو الشي الغلط في طريقتي ؟
طريقة الصابون ولا اني ما خليته لفترة اطول
و هل اللي نسويه ف البيت يكون نفس نتيجة اللي يسوونه الصالونات
لاني مش متقبلة سالفة الصالون ابد
واللي تعرف طريقة سهلة تفيدنا
ومشكورين

انا أسوي فالصالون

ان شاءالله البنات يفيدنج الغلا

أختي , أنا أسويه في البيت والنتيجة عندي الحمدلله مثل الصالون أو يمكن أفضل لأنه في الصالون البعض يشتكي من أنه الدعك عنيف ويصير في جسمهن مثل الجروح أو الخدوش( مثل ما قالن لي والله أعلم). عموماً أشغل الماي الحار لين ما يتعبى الحمام ( ممكن تستخدمي جهاز البخار أو لو عندج ساونا في البيت ) وأغسل جسمي أول بالماي الحار اللي ممكن أستحمل حرارته بعدها أستخدم الصابون المغربي ( الدلكة) بدون ما أخلطها بماي .وخليها عشر دقايق أو ربع ساعة على جسمي , أغسله وبعدين أستخدم الليفة المغربية , والليفة اللي عندي ما لها ريحة عادية . بعد عادي مرات أستخدم ليفة بودي شوب نفس النتيجة .وبعدها أحطي خلطة أعشاب من عندي , عبارة عن زعتر ناشف وورق ورد بلدي مطحون ومخلوط مع ماي حار .وبعد أخليها على جسمي عشر دقايق . وممكن تستخدمي بدالها الحنة البيضاء أو خلطة الحنة المغربية .وبعد ما أخلص أغسل جسمي بصابون خفيف (لأنه لو ما سويت كذا يطلع لي حبوب ) وبعدها أدهن جسمي وهو رطب بزيت أو لوشن جسم . والنتيجة نضارة وتورد ونعومة واشراقة للجسم وإسترخاء وراحة .

ريحة الكبريت تخوز مع كثرة الاستعمال ومايضر
لاتخلطين الحنا مع الصابون
سوي الحنا بعدسن صابون بعدسن اغسلي جسمج
وافركي بالليفة

حبيبتي مثل قالو اخواتي لا تخلطين الحنة مع الصابون مو كل الناس تنفع معاهم ها الطريقة وانا بالجو البارد ادخل دفاية واخليها شي 20 دقيقة واسكر الشفاط لين يستوي الحمام سخن وبعدها اطلع الدفاية واغسل شعري واحط حمام كريم واحط كاب عشان ما ينزل على الجسم وبعدها اعمل الصابون واغسل جسمي بالماي الحار وابدا افرك بالليفة والوسخ يطلع بعدها تشطفين جسمك وتكوني محضرة الاعشاب بماي الورد وشوية ليمون تحطيه ماسك وتخليه شي ربع ساعة وبعدها تغسلينه وانتي تفركين كانه سكراب وبعدين غسلي شعرك سوي جل صابون ريحته حلوة وخلاص نعيما

لا تسوون حمام مغربي في الصالون مدام كل شي متوفر واترومين اتسوينه في البيت… خواتي حرام والله تظهرين عوراتج للغريبات وما يجوز تخلعين ملابسج في غير بيت ريلج الا للحاجة الضرورية مثل المستشفى أو في بيت محارمج بعيد عن أعين الناس… الله يستر علينا دنيا وآخرة…

ماعندي فكرة صراحة