اشحالكم عساكم ابخير
تبعت من حالي وماعرف حق منو اقول وخاصة هالفتره مااحس حد وياي فقلت اكتب واقول اللي ف قلبي
حطيت موضوعي قبل وبرد اكتبه بس باختصار
اغتصبني ولد عمي يوم كان عمري ست سنوات واهلي ماصدقوني ف البدايه لين مااعترف . مرت عمي ودتني عند دكتوره تفحصني وهاي الدكتوره اربيعتي وقالت حق مرت عمي الثاني وعمي اللي هو ريلها اني انا بنت وااااااااااااايد استانست وبالمقابل حصلت اطراق من عمي
مرت الايام خلصت دراستي الثانويه والحين انا ف الكليه ومن سنه بالضبط عرفت اني انا هب بنت بتقولون كيف كنت احلم انه ابوي عرف اني انا هب بنت ومره اتعلثت انه بطني يعورني وسرت العياده قلت حق الدكتوره اني طحت من فوق لحصان قالتلي انتي مارقدتي ويا حد @@ من قالتلي جيه عرفت شو تقصد حاولت تسحب عني الرمسه بس ماقتلها شي رديت البيت تميت ف غرفتي اصيح ونفسيتي تعبت ولين يومكم هذا خايفه من المستقبل ماعرف منو اللي اقدر اقوله سري وخاصة اللي من اهلي لانه ف البدايه ماصدقوني وهالمره بيقولولي اكيد ظهرتي ويا حد بس والله مايخصه ( الولد تزوج من كم سنه وعنده عيال ) بتقولون ليش ماتخبرين عليه فكرت فيها الفين مره بس اهلنا معروفين وماابغي انزل راس ابوي حتى لو اشل همي طول العمر ولا ف يوم يقولولي انتي السبب انتوا ماتعرفون اهلي وماتعرفون يوم ودوني العياده فلو سمحتوا ماله داعي للتجريح
بتقولون وين امج ؟؟؟امي عايشه والله يخليها بس اللي يضايقني اكثر علاقة امي هب اوكي وياي يوم درت انه ولد عمي اغتصبني مافكرت تحضني او تخفف علي همي تميت شهرين او شهر برع البيت بدون ماتسال عني ويوم رجعت البيت كاني وحده غريبه ولا سالتني شخبارج وخواتي كلهم يالسين ف الصاله اللي تقول ماابغي هاي ترقد وياي ف الغرفه والثانيه اتقول لاتكلمنوها والعوده كانت غير تحاول تكون احسن عنهم علاقتي ويا امي لين اليوم هب اوكي اليوم شتمتني لين ماقالت بس وامس قالتلي انا اكرهج اعتبري امج ميته ان قلتي اني امج يا ويلج انا اكرهج ووجودج شرات عدمج في حياتي وبعد علاتي ويا ابوي هب لهاكي الزود اخر مره قال حق اختي ياليتني مايبتها ولو اتموت جدامي مابصيح عليها لانها ماتهمني دومه يهزبني جدام خالاتي وغيرهم البس شرات مايلبسون خواتي بس بعد مايعيبه كله يبغي يلبسني جلابيه
انخطبت شهر 3 وصارحت الولد عن مشكلتي بس بيني وبينه واهله مايعرفون طبعا قالي مايهمني اللي يهمني انتي شي صار وانتي مظلومه حزتها ارتحت قمت ارقد وانا مرتاحه وانه الدنيا بعدها ابخير عيشني احلا ايام عمري لدرجه متنت وكل لاحظ كيف كنت ضعيفه وكيف متنت كنت اقوللهم من الراحه بس للاسف فرحه لم تكتمل من 4 شهور الولد اتغير علي صار يشتمني وكارهني وانتهت الخطبه بس يوم اشوفه قلبي يحن على ايامنا لاني صدق ارتحت فيها ووثقت فيه والحين مااثق ف احد سواء اهلي او حد غريب لانه اللي هم اهلي شفت هالشي منهم شو عبالكم اللي مااعرفهم هل بيكونون احسن عنهم
فكرت قبل لايخطبني هذا اني بسوي الخياطه بعدين قلت ليش اجذب على اللي بيخطبني وبيتم ضميري يانبني بس حسيت حتى الصراحه ماتنفع ولو سويت الخياطه كيف اسويها ومحد من اهلي واقف وياي وانا لين الحين ماقتلهم انه مرت عمي جذبت عليهم لانه مابيصدقوني
ابغيكم تدعولي انه الله يوفقني ف حياتي واسفه لاني طولت عليكم بس صدق نفسيتي تعبت احاول مااضعف واخاف ان ضعفت اسوي شي غلط
واخر شي ودي اقول ابغي اعرس ابغي احس بحنان ريلي ابغي تكون امه امي خواته خواتي ابغي حد يحسسني انه الدنيا بخير بس بعد ماابغي اظلمه
واسفه لاني طولت عليكم
انا لو منج بييه هو ابووه وبحطهم جدام اهلي وبخبرهم السالفه
ليش مرت عمتج تجذب ووهقتج
كيف يعني ما يصدقون مب ع كيفهم
يبي المصحف واحلفي قد ما تقدرين
وسير عند الدكتوره هي بتعرف من متى صارت السالفه اذا ع قولتج من عمرج 6 سنين
خليهم يعاقبوننه ويزوجوج ياه
شو الدنيا لعبه
ليش بعد تخافين واهلج يكرهونج
خبريهم وخله يتزوجج غلطته ويتحمل
والله يوفقج يا اختي
حبيبتي ادعي ربج واستغفري وصدقيني لي رب العالمين يبيه هو الي بيصير
لاتضايقين وربج كريم استغفري ربج وادعيه في جوف الليل
وانتي ماتعرفين اهلي كثري عشان تقولين هالرمسه ماله داعي للتجريح وكلهم خايفين ع مكانتهم
يزاج الله الف خير اختي شواقي وان شاء الله ربي يفتحها علي
الله يعينج ويوفقج ان شاء الله
ادعيه واتحسبي على كل من ظلمج …………..اتقربي لله
الله يرزقج بولد الحلال الي ينسيج همج يااااااااااااااارب
وانشاء الله تتحسن علاقتج باهلج
وولد عمج بيحصل جزاه (الله يمهل ولا يهمل )