أماكن السكن ,,, أماكن التسوق ,,, أماكن لتسلية الأبناء ,,, بغيت جدول
للسفر للإستقاده من السفر ل زلامسي ……
ومشكووورين ,,,,,
زيلامسي فيها وايد انشطة و وايد اماكن قريبة منها بس بتكلم عن الاماكن اللي زرتها انا شخصياً :
1- جولة بالقوارب في البحيرة و المشي في السنتر .
2- الزحلاقيه الصيفية في سالفدين ( تجنن وااايد حلوه حق الصغار و الكبار .. لا تفوتينها )
3- شلالات كريمل قريبه من زيلامسي ( اطول شلالات في اوروبا .. يوم توقفين حذالها تنتعشين من الرذااذ البااارد يا سلاام )
4- قمة جبل (Kitzsteinhorn) في قرية كابرون ( Kaprun ) .. هالقمه روووعه تجنن بتشوفون الثلج في عز الصيف و هي عبارة عن 3 مراحل بالتلفريك ، الثلج في المرحلة الثالثه و قبلها مناظر طبيعية .. بس خذي احتياطاتج لانها بررد موووت و خصوصا حق اليهال .
5- بحيرات التجمع المعلقة ( مكانها بعد قمة Kitzsteinhorn بدقايق ) عبارة عن بحيرات فوق الجبال و الطبيعة رهيبه .. الرحلة كلها تكون عن طريق باصات بين الجبال تشوفين المناظر الحلوه و قبل ما تركبين الباص تركبين في اكبر مصعد مفتوح في الهواء الطلق في اوروبا ( ماعرف كيف اشرحه بس كشخة تجربه حلوه ) و يوم توصلين فوق تشوفين البحيرات و السدود و الجبال و شي مطعم و كافتيريا و متحف و معرض عن المكان .
6- شلالات نسيت اسمها بس خذتها من البروشور و حطينا الاسم في النفقيشن و سرنا ( بتحصلينها في البروشورات في الانفرميشن سنتر ) و هي شلالات تخترق الجبال امممم مافيها طبيعة وايد بس تمشين على جسور و تشوفين الشلالات القويه تخترق الجبل و تمرين في اماكن مظلمه و توصلين آخر شي عند مصب الشلال .. يعني المكان حلو بس اذا ما عندكم وقت لا تروحونه .
هذي الاماكن السياحية اللي رحتها ^_^
اما التسوق زيلامسي مافيها شي يستاهل و اكثرها محلات تحف و تذكارات و هالسوالف بس انا خواتي خذنا اللبس التقليدي مالهم ( مال الريف ) يعني ذكرى و شكله حلو و راقي .
و بالنسبة للسكن انصحج اسكني في شقة واايد اريح و اوفر و فيها مطبخ عسب تطبخين حق اليهال و ياخذون راحتهم في اللعب مب شرات الفنادق ضيقه .. بتحصلين الشقق على 700 درهم في اليوم و كل ما ابتعدتي عن السنتر بتحصلين شقق ارخص .. تقدرين تحجزين من البلاد او تروحين هناك عند الانفرميشن سنتر ( مكتب خدمة السيّاح ) و تعطينهم بياناتكم و كم العدد و المده و شو المواصفات و هم بيخبرونج شو المتوفر نفس الوقت و بيحجزون لج و تروحون دايركت و ما ياخذون عنكم شي .
و السمووحة على القصور ..