خواتي المشكله اللي عندي انا ماأعتبرها مشكله .. بس شي غرييب ..
بنتي عمرها 3 سنوات ونص ودخلتها الروضة ..kg1 هاي السنه وماشاء الله عليها من اول يوم وهي فرحانه واتحب المدرسه ومستحيل اتغيب .. ويمكن اللي كان يشجعها اكثر ان اخوها معاها في الروضه وهو kg2 .. وكنت انا اللي اوصلهم الصبح وارد الظهر اخذهم من الروضة ..
من فترة تقريبا قبل اجازة نص السنه استوت لي ضروف اني مااقدر الظهر اشلهم من الروضة فطلبت من الادارة انهم يركبون الباص والحمد لله كانوا يرجعون البيت بالباص .. بس فترة الصبح اوصلهم
بس بنتي كارهه الروضة وماتحب اتسير ودوم اتصيح .. هي اتنش الصبح عادي ومافيها شي بس قبل لا نوصل المدرسه اتم اتقول بطني يعورني .. وفي الروضة اتقول المعلمة انها اتقول بسير الحمام واتم اتصيح في الحمام … والله انها كانت اتحب المدرسه وحتى في الاجازة كانت اتصيح واتقول بسير المدرسة..
شو الحل كيف اخليها اتحب المدرسة .. مع العلم ان معلمتها ممتازة وفنانه وحتى الاطفال اللي وياها كلهم اوك ..
يمكن حد يضربها ؟؟؟!!!
او اتخاف من سواق الباص
اختي يفضل انج اتردين على جدولج القبلي واتيبينهم رووحج
لنه عياالج امانه عندج بصراااحه وفوق كل الظرووف
وماتشوف شر
يمكن صج في مكان يعورها ,,
لو مافيها شي ان شاءالله (سبب عضوي مثلا). اكيد السبب نفسي..
اتوقع هالحاله مؤقته .. وايد من اليهال يتعرضون لفترات يكرهون فيها
المدرسه… انتي كلمي المشرفه وخبريها بحالة بنتج
اطرحي عليهم فكرة زياده عدد الرحلات المدرسيه بالنسبه
للروضه .. او الانشطه اللاصفيه
اهم شي انج انتي ما تيئسين منها … حاولي وياها ولا تنجرين لرغباتها
وتأكدي ان محد يأذيها في الصف…
ربي يحفظ لج بنتج يارب.. ويحفظ عيالنا وعيال المسلمين
عادي شي طبيعي أنا جي كنت يوم كنت اصغيره.. 
حاولي انتي اتودينها واتييبينها لا تركبينها الباص..
ربي يحفظهم لج..