الخبيرة اتجاوبني يا أخواتي كيف اتصرف؟؟اول مرة اكتب موضوع 2024.

السلام عليكم ورحمه الله وبركاته

اخواتي الحبيبات ابغي حل من خبرتكم فالحياه

انا احب زوجي وهو يحبني لكن ما يعترف في هالشي الا إذا سألته..اولا:: مشكلته ان ما يفتحلي قلبه ما يقولي اللي في خاطره وانا اتكلم معاه واايد على اللي يخصه واللي ما يخصه والله متعذبة من هالشي مثلا بيطلع ما يقولي وين رايح ولما بيرجع مابيقولي شو سوا او شو استواله من مواقف او أي شي وانا لما اطلع وارجع اقوله كل شي من طأطأ لين السلام عليكم هذا الشي وايد امعدبني ولما تميت اساله يقولي ما يحب هالتحقيقات..بنات طالع من عندي وما قالي ان بيسافر(سافر دولة من دول مجلس التعاون ولما سألته قالي صنفت ورحت بس ما كنت امخطط من قبل قلتله انزين قولي او وديني معاك لان ساير يتمشى مب شغل ضروري او مهمة رسمية مثلا, انا ما عندي عيال يدرسون يعني فاضية, والله محتاجة أغير جو كنت حامل وطيحت من فترة صدق ابا أهاجر) والحين لما بيرجع ولا كأن سوى شي بيشوفني زعلانه عادي بيطنش كيف احسسه ان غلطان طبعا البارحه لما كلمني وخبرني هاوشت وقلتله مع السلامة وبندت التيلفون ما عطيته مجال يقولي مع السلامه لان بكل برود يقول ان مسافر..كسر خاطري ومب قصدي لكن قهرني شو اسويبه عقب طرشلي مسج انا اسف وهالخرابيط المهم تمينا نتبادل مسجات كلاميه..

احس ان من بينا حفرة/فجوة/جبل حاجز بيني وبينه بسبة ان هو مايتكلم ويقول اللي في قلبه بنات مقهوره..بشكل عام احس ان مايجلس معايه كجلسه ان هو فاضي وانا فاضية(انا دوم فاضية بس هو)ونيلس نسولف ونلعب ونمرح مع بعض ونتحاور ونتناقش نفس باقي الازواج..مرة قلتله خلاص بس من الحواطه يقولي كيفي انا حر قلتله لما كنت اعزوبي كنت حر الحين متزوج لازم تحدد وقت للخروج والدخول..مشكلتي اني عصبية وبسرعه أصيح ومن كثر ما أحبه حب جنوني ومب عاطني ويه صايرة حزينة واحس ان الوقت اللي اكون فيه متضايقة أكثر من الوقت اللي أكون فيه فرحانه..دائما ايي في بالي ان بيطلقني او ان بيتزوج على لان الرياييل ما يحبون الزوجه الحزينة.. وان بيتزوج البنت اللي كان خاطبنها قبل لا يتزوجني لان من فترة بسيطه طرشتله مسج والله كان كلام المسج قوي الله راد ان اكشفه ومن هاك المسج والشيطان يلعب في راسي واحاول اصده اتعوذ من الشيطان..يا بنات في حرمة تتصل فيه الظاهر تبا تتعرف وهو طبعا قالي ان ما عطاها ويه ويقولها لا تتصلين لكن في مرة شفت مسج كاتبتله ان انا كنت نايمة لما انت دقيتلي شو يبا منها ليش يتصل فيها انا صارحته على الرقم اللي قبل هذا لكن هالمسج من رقم ثاني اتصلت عليه وبعد ردت عليه حرمه انجليزية بغيت اتاكد ان حرمة ولا رجال بنات عندي وايد كلام وما بيخلص بس ابغي اعرف كيف اتعامل مع هالمواقف وابغي اغير زوجي احسه استوى ناشف غير عن اول سنة من زواجنا..

يا أهل الخبرة جاوبوني الله يعطيكم العافية ويوفقكم

نفس كلامها

نصيحتي لج أختي Qo0t:

1 – غيري أسلوبج في معاملتج له… يعني اثقلي عليه شوي

2- اشغلي وقتج بأشياء مفيدة… مثلاً: كملي دراستج

قوي علاقتج مع رب الناس هذا اهم شي و الله يا اختيه وخلاف تريي و كثري الاستغفار و شو في يعيونج حياااتج شقا بتختلف .. و اشغلي عمرج مب كل شي بالدنيا متعلق بالريل يعني سعادتي وتعاستي متعلقه فيه ..و ربيي يهديه

الله يهديه ان شاءالله

الله يهديه لج يااااااااااااااااااااااااارب

يا حليلج والله صدق انه الحب عذااااااااااب حلاوته في عذابه ومرات الانسان يبا بريك من العذاب يبا يرتاح شوي

اختي انتي قوليه له انا ابا استوي صديقتك قولي كل شي ممكن الواحد يقوله لصديقه تبا تتشكى من حرمتك؟ من تصرفاتها ؟ الشيطان يلعب براسك؟ خبرني وانا كصديقه برمسك وكزوجه بعتبر نفسي ما سمعت شي وانتي خبريه قولي تعرف الشيطان يزورني مرات يقولي هذا ما يبيج يدور غيرج بيمل منج وبجذي اول ما تشوفني اكشر في ويهك لانه الشيطان يسيطر عليه وانته الشيطان ما يقص عليك مرات؟ما يقولك شو تباها هالنكديه؟ يعني فهميه انج تتقبلين اي انتقاد ولا تعصبين سمعي منه ولو كان كلامه غلط ومب عاجبج

اتمنى تصيرون ربع قبل ما تكونون ازواج عشان الحياه تكون احلى واسهل

الله يهديه ادعي في صلاتج انه يحنن قلبه عليج

ويوم بيرد من السفر قولي له وبكل هدوء بعد ما تستقبلينه عادي وتمزحين معاه وتتخبرينه عن علومه مب كاسلوب تحقيق مجرد سوالف ها شو العلوم شحال اهل البحرين مثلا لو رايح البحرين يبت لنا حلوى ولا كلتها فالطريق و نسيتني وعقب ما يحس بالامان قولي له ممكن اسالك سؤال تحس سيرتك بدون ما تقولي حلوه؟ انا احاتيك يريت المره اليايه لو ياتك تصنيفه من هالنوع تخبرني عشان مااحاتي