الخوف مب ف الحماة ف خوات الريل 2024.

السلام عليكم ورحمة الله وبركاته

اشحالكن خواتي ؟؟
فديتكن انا يايبتلكن اليوم مشكلة ربيعتي وقالتلي اطرحه عليكن عسى تنصحونا بشي او تكتفي بالدعاء منكن … ويزاكن الله كل خير

خواتي ربيعتي معرسه ولله الحمد ريلها وايد يعزها بس تعرفن خواتي لابد من المشاكل بين الزوجين ولو كانت بسيطه ..
الله يسلمكن حماة ربيعتي زينه وياها الحمدلله تعاملها مثل وحده من بناتها وربيعتي انسانه ملتزمه ماتقصر مع حماتها ولا ريلها … المشكلة خواتي ف خوات ريلها … خوات ريلها يعاملونها معاملة اخت يعني يحترمونها ولكن اذا ربيعتي صار بينها وبين ريلها مشكله وطلع ريلها من البيت زعلان ينقلبن خواته عليها مايرمسنها عدل ولا ايلسن وياها عدل بمعنى ليش مزعله اخونها وربيعتي تنقهر ليش يربطون علاقتي فيهن بعلاقتي ف اخوهن ..
ربيعتي اتقول هذا ريلي يعني لابد يصير بيني وبينه شي من يزعل او يحسن انه زعلان ينقلبن ع ربيعتي 180 درجه اللي ماترد عليها واللي ترمسها من طرف خشمها اتقول ربيعتي وياريت لو يعرفن منو الغلطان لو يسألن يمكن بس لا يسألن ولا شي … وربيعتي ماتحب تقول شو اللي يصير بينها وبين ريلها حتى اهلها مايدرون .. ع قولتها اسراري مااحب تطلع من حجرتي ..

ماتعرف شو تسوي مع خواته اذا كان ريلها راضي عليها رضن خواته عليها واذا العكس قلبو عليها ومحد يرمسها عدل ..

شو تنصحونها خواتي كيف تتصرف معهن

والله يستر عليها وعلينا أجمعين

كيف اسرارها ما تطلع من حجرتها و خوات ريلها يعرفون بالزعل بينهم؟؟؟

اتوقع المفروض محد يعرف باللي بينج و بين ريلج

خلها تحافظ على خصوصياتها و تتفق مع ريلها على هالشي و بالتالي هي بترتاح

و الله يسعدها

اختي الغالية ,لازم تتفاهم مع زوجها وخصوصا يوم يصير بينهم نقاش او سوء تفاهم,وعليهم ان يوم يصير مشكل ولا واحد يطلعه لاحد لا لااهل الزوجة ولا اهل الزوج لان في الاخر الزوج راح يتراضى مع زوجته وينسو لكن الاهل ما ينسو.وهي تحاول تتفاهم مع اخوات الزوج بالتي هي احسن والله يهدى الجميع

الصراحه احس ان زوجها هو سبب المشاكل المفروض مايخبر خواته ولا يبين لهم انه زعلان مع زوجته والمفروض زوجته اتقوله ها الكلام هاذي خصوصيات والمفروض محد يعرفها …. واذا كان من النوع اللي مايعرف يخش زعله ويبين عليه بسرعه … وسألوه خواته شو فيك؟ يقوللهم انه متضايق مثلا من صديقه او عنده مشاكل في العمل … لكم بالمرررررررررررررره لا يجيب طاري زوجته جدامهم . لازم يتعود على ها الشي .

شقايل يعرفن بالزعل اللي يصير

هلا أختيه

أنا رائي من رأئ الأخت فطيم؟

اختي صحيح الواحد تستوي عنده مشاكل بس لوكانت بسيطه مثل ما اتقولين ما خبر اهله الالو كانت شي يضايق بلقو وحب يفضفض بالي فيه0 و اختي كل واحد يبا راحت اهله واخوانه 0وحاولي لاتكثرين من المشاكل بينج ا0و بين ريلج لان يضرج اكثر ماينفعج0 والله يهدي الجميع0