الدرس الثاني هوس المناكير 2024.

مقص بشكل منحني وااايد مهم لقص القطع وخاصة لزوايا الظفر

مقص ثاني صغير
اني الحين لأدوات تزيين الظفر والمجال فيه مفتووووح لخيالكم

الجلتر الناعم والخشن بتحصلونه كل مكان بالمكتبات محلات الأطفال وأدوات الخياطة والخرداوات

حبات نصف لولو بحجمين وباقي الألوان يايه بالطريج إن شاء الله شارتنه بسفرتي للكويت ناسيه جم سعره بس كان غااااالي بس كل شيء يرخص للغالي ههههه

هيه نسيت أراويكم الشرايح لآلة الطباعه حوالي 30 شريحه ماخذتنه من برا أتعايز أحيانا أستخدمها مع إنها فيها أشكال رووووعه وتطلع الظفر جنج متعبه عمرج وراسمه رسم مع إنه بثواني تخلصين وحلو فيها إنج تقدرين تحطين الرسمه على كل الظفر على عكس ألة الطباعه

هذه الآله صورتها من النت هي بروحها تكشط المناكير وتطبعه عالصبع أريح بس مشكلتها وحده ما تقدرين تحطين الشكل على كل الظفر فقط السطح هذا بس عيبها عشان جي ما أحبها

أظافر صناعية لا غني عنها وأحبها وردية فااتح لتعطي لوك ناتشورال لو حطيت أي لون مناكير خفيف فوقها وحلوه في الزنقات ظفر صغير ، ظفر انكسر …الخ لا قدر الله وأقصه وأبرده للطول الي أبيه وعندي آلة تسهل على عملية القص والبرد بسهووووله

هاي أظافر صناعية ماخذتنها من المعرض بعد ما طلع موضتها وودرتها ماشيء أحلى من الطبيعي وترسمين وتتفنين فيها أحيانا أستخدمها وقت العروس والأعياد

كريستالات شرات الدمعه وشارتنه من برا

كرستالات حجم 10 – 16 مناسبين لتركيب فوق الظفر وكان بخاطري أقل من رقم 10 وااااااااو يخبلون بس مخلص عند المحل يالله اليايات أكثر إن شاء الله

هذا ترتر منوع صغار الحجم خذيته من محل الخرداوات حلووو واايد عايبني لما يتركب عالظفر يعطي لوك حلوووو وسعره رخييص حسب الجيس في 3 و 4 دراهم

زوووووم على أنواع الجلو لتركيب الظفر وتركيب بعض الأشياء الصعبة على الظفر مجرد تحطون نقطه صغيروووونه منه تطفي مهماكان النوع الي عندكم كلهم شرات المكونات ونفس الريحه بس الديزاين والشركه تفرق بس لا غير
تاااااااااااااااااااااابع لا ترودن خواتي

هذي الأداة وااااااااااااااااايد مهمة بدونها ما تقدرين تشتغلين
الطريقة :
1- ضعي السائل على الظفر واستخدمي أسفل الحديدة وابدي بالشحذ فوق الظفر لتشلي طبقة خفيفة وتشلي الجلد الميت بعد وتحاولي بشويش تبعدي الجلد عن الظفر عشان الظفر يطول أكثر وما بتقدرون من أول مره تبعدون الجلد وااايد بس كل ما تنظفون سوو جي وراح تلاحظون خاصة للبنات الي أظافرهم قصيرة راح تطول بطريقة طبيعية مادري إذا شرحي واضح تراني
أهذر واايد ههههه
2- استخدمي الفرشاة لتشلي الأوساخ
3- هذه الأداة جدااااااااااااااااا مهمه لقص الجلد الميت بين جوانب الظفر ( ونصف دائري للجلد الي بعدناه عن الظفر وهو لونه شوي أغمق دايما يكون قصوا كامل جوانب الظفر بطريقة مرتبة ) وهذي هي صورتها

تاااااااااااااااااابع لاتردون خواتي

1- طريقة أكلج واااااايد مهمه الإهتمام لازم يكون من جهتين من الداخل والخارج الفواكه والخضار
2- لا تسألوني عن الحبوب لأني عمري ما جربتها وماشيء أحلى من الطبيعي أنا كنت قبل ما أقتنع بالطبيعي وأقول ما اييب نتيجه وين لوين بحصل نتيجه لكن على الأظافر خذوها مني على طول بتلاحظون النتائج

خلطة لتنظيف الظفر :

أييب نصف ليمونه وأقعد أفرك فيها ظفوري من تحت وفوق عدل عدل ينظف وأي لون وخاصه الي ياكلون بإإيدهم يغير شوي لون الظفر لو غسلن بالصابون

أييب كمية بسيطة من الملح والزيت زيتون وأقعد أفرك الظفر كامل وهذا شرات السكراب لها لحد 2-3 دقايق وبعدها أخلى يدي ربع ساعه وبعدين أغسلها عدل بالصابون ما أحب ديقة الزيت بالمره
والبنات واايد يحطون خلطات فيها ثوم وغيره جربتها بس هذي خلطتي والي أبد ما أستغني عنها وااايد أحبها

أحط كريم بتر يفضل وأقعد ثواني أدعكه على الظفر وانعمي بعدها بأحلى وأنعم أظافر
ماخذتنه من h&m من فتره بسيطة بــ 15 درهم بعدها خبرتني العامله إنه صار بــ 5 دراهم وريحته الخوخ والفانيلا خياال تخبلت عليه وايحه أدور على شراته بعلب كبيرة يرطب وبسرعه يجف ويخليج ناعمه ليومين

وللدلع أحب أدلع ظفوري أستخدم لها سكراب من لاش محل بدبي مول كله طبيعي

ملح بحري بالفواكه الحامضه صحيح هو للوية بس بعد رووووعه للأظافر
ولا تنسون أهم شيء ترطبون ايديكم
وانتظروني بالدروس القادمة لنبدأ التطبيق