* الدروس الي أطرحها للتعلم والإفاده وتكشخون فيها أماكن تجمعات حريمية ونا أبريء ذمتي من كل بنت تطبق هالشيء ورايحه السوق لتبدي زينتها
وشكرا لج اختي لقرائتج هالمعلومه
السلام عليكم ورحمة الله وبركاته
اشحالكن خواتي ؟؟
اليوم يبتلكم ثلاث تطبيقات سهلين وكييوت
يلا نبتدي بذكر الله
بسم الله
مناكير الكب كيك
الأدوات :
1- مناكير بألوان مختلفة وهذه هي الألوان
(( من اليمين اللون الزهري ماركة كورية وعندي كذا لون فيها وااايد أموت عليه ما حصلت شرات هالدرجه بأي ماركه بيبي تحسون لونه وطبيعي يخبل يخبل ))
والبقية دققوا بالصور عشان تعرفون من أي ماركه عن يقولون أروج البعد عن الشبهات ههههه
2- فرشاة
3- أداة النقط
4- ظفر صناعي (( بما إني مسويه جرد عليهم قصدي مقصقصتنهم عشان شارية منتج من صالون دبي مول يقوي ويساعد على تطويل الظفر بشكل أسرع ويقوية أكثر && التجربة خير برهان &&))
الطريقة :
1- ركبت الظفر بإستخدام اللصق الخاص شوفوا شقايل لون الظفر روووعه زهر ومناسب للكل
2- حطيت المناكير الزهري
4- حطيت مناكير اللمعه
5- قاعدة الكب كيك باللون البني
6- رسمت الكب كيك
6- هني كملت التفاصيل برسم النقط على الكب كيك والخطوط البيضاء وخط أسود الفاصيل بين قاعدة الكب والكب كيك نفسها
وهذا هو الشكل النهائي
لوك بسيط وفخم بنفس الوقت وسهل
الأدوات :
1- أي مناكير تحبينه ( اخترت اللون الأحمر )
2- لمعه والي متابعين دروسي محطية صورتها (اخترت بعد أحمر)
الطريقة :
1- حطي اللون الأحمر وعلى طول انثري بفرشاة المروحه اللمعه عشان يثبت على الظفر
2- انتظري لين يجف حطي طبقة من المناكير الشفاف
وشوفي النتيجه
اللوك الثالث : النحلة
الأدوات :
1- مناكير أصفر + أسود + شفاف
2- فرشاة
الطريقة :
ما صورتها وأعتقد سهله ما تحتاج تصوير خطوه بخطوه
1- تحطين مناكير بلون الأصفر وانتظري لين يجف
2- ترسمين قوس باللون الأسود
3- ترسمين العيون بالفرشاة وتحطين اللون الأسود وبعدين الأبيض وبعدين الأسود
وهذا شكله
وانتظروني في الدروس القادمة
المشاركة الأصلية كتبت بواسطة الماركه شما 
تسلمين اختي وإن شاء الله بنتج بعد تستانس بهاللوكات اليديدة
المشاركة الأصلية كتبت بواسطة برق لمع كلج ذوق اختي وتسلمين لمتابعتج الدائمه لمواضيعي
موضوع متعوب عليه
مشكوووووووووووره ^_^
الله يعطيكي العافية ياقمر