أشحالكم خواتي.. ((بخير إن شاء الله))..
الكل يتريا وينتظر الدرووووس..والسموحه والله أنــــــــــي اتأخرت عليكم..
اليوم الدرس السادس >>بيكون عن اللوشن …والسابع >> بيكون عن عطر الفراش…
أول شي الدرس السادس (( اللوشن))..
أخواتي أنا بصراحه ماجد سويت لوشن لأن اتحسس من أي شي..
وعلى طلب الكثير من الاخوات حبيت أني اسوي لكم درس بس مب أي درس..
(( بس خل أخبركم أول شي))
(( اشتريت كتب ؟؟؟ وقريت وقريت ؟؟؟ وسألت وسألت؟؟؟ وخذت معلومات من الاخت << بنت عذاري>> من منتدى ثاني بس ما أقدر اذكر المنتدى عسب لا يحذفون الموضوع..))
المهم .. حبيت اجمع لكم عصارة مخي..خخخخخخ
أول شي المكونات..
غرشة زجاج طبعا نظيفة ومغسوله في ماي حار
كريم من أي نوع أنت اتحبينه (( دوف – نيفيا -جونسون …))
10 حبات من كبسولات فيتامين E
4 قطرات من زيت الشاي الاخضر.. من بودي شوب
وأي زيت عطري أنت اتحبين ريحته من بودي شوب
4 تولات عطر أنت اتحبينه..
هاي الكبسولات بتحصلونها في الصيدليه .. قصيها بالسكين .. واعصريها..
نقاط منه بعد.. والعطر.. وتخلطينه إما بأيدج ولا في الخلاط..
وأفضل في الخلاط.. وصبيها في القمع الخاص..عسب اتصبينه
أما في الغرش الخاصه أو العلب العاديه..
ملااااااااااااحظه:…. خواتي ألي فيها حساسيه انصحها ما اتجرب ..أي شي إلا إذا كان طبي.. وخواتي هذا لوشن للجسم .. مب للويه..
الدرس السابع :: (( عطر الفراش))..
المكونات (( مواد خام من محل أنوار مكه هذا المحل كل شي فيه .. توله مذيب عطر .. تولتين من أي عطر أنت اتحبينه))
اخلطيهم في دبة مسافي اصغيره+العطر + مذيب والباجي كله من المواد الخام..(( وتتكون من مواد لعطر الفراش))
والســـــــــــموحه على القصور.. (( شكر خاص لأختيه الغالية والظبيانية وفلامنجو)).. لوقفتهم ويايه..
(( وللاخت بنت عذاري)) وإن شاء الله اكون كفيت ووفيت
والله يعطيج العااافيه
أم اليازيه
بنوته اسعدني مروركم
دوووووووومج تتحفينا بدروسج
الله يوفقج ياااااارب ويرزقج الي في خاطرج
درس متعوب عليه ومجهود رائع
تسلمين الغالية
والله يعطيج العااافيه تستاهلين كل خير
