الدنيا دواره الجزء الثالث بنات . لا تفوتكم 2024.

((طبعا انتوا تعرفون كيف الويكند يمر بسرعه.. و خصوصا اذا كان حلو.. و ردت ايام الاسبوع .. و ايام الكراف و الدراسه.. وكلن رد حق بيته … و طبعا حق الروتين اليومي.. مرت الايام وكملوا البنات شهر كل وحده في عالمها و في هوى دارها.. و الرباعي المرح ((و مهره و فطوم و شما و ميره)) كل وحده في صوب ولا وحده تدري عن الثانيه.. ))

في يوم من الايام كانت مهره يالسه بروحها تتصفح المنتدى و تشارك و فجاه قرت اسم ميره في لعبه من الالعاب .. فقررت انها تتصل ببنت عمها … و اتسلم عليها.. تمت اتفكر في نفسها و دور الافكار في راسها.. وين هاي من زمان مختفيه ما بينت؟؟ الله يسامحها!!! حتى ما قالت عندي بنت عم اسلم عليها والله اشتقتلها من زمان ما شفتها !!
شو بقول الغايب عذره معه… و طبعا .. دقايق و ان ميره داشه اون لاين.. و اتصارخ مهره .. اوف يار بي لو طريت مليون موب احسلي ..

على المسنجر …
مهره: هلا والله وينج!! انتي
ميره : اهلين والله موجوده..
مهره: موجوده!! جذابه موب بل عاده ما تسأللين عنا..!!
ميره: والله شويه مشغوله!!
مهره: مشغوله !! في شو يا حسره لو الدراسه … ترانا كنا ندرس موب بس انتي!!
ميره : مهروه اسكتي عني ما اباج اترمسني..
مهره : الله شو فيج انتي داشه بشراع و ميداف ؟؟ شي بلاج
ميره : اقو ل انا بظهر شي تامرن؟؟
مهره : انتي وايد اتغيرتي علينا !!! بس الله يحفظج باي
ميره: انا تغيرت !!! والله ما تغيرت انتوا الي تغيرتوا عليه حتى ما تسألون!! اذا انا ميته ولا حيه..
مهره: والله كيف نتصلج او تيلفون بيتكم دوم محد يرد او انتي تعرفين امج ما تحبج ترمسين في الفون!!
ميروه: امي اووووف منهاي الام شو اسوي انا انتحر
مهروه : لا والله انتي شكلج مول مول موب طبيعيه شي بلاج….
ميره : سالفه جايده جايده وااايد …..
مهره : خبريني … الحينه
ميره : ما اروم لان ما ينفع ….
مهره: انتي عمرج ما دسيتي علينا شي .. بس من دشيتي المدرسه اليديده اتغيرتي وايد !!!
ميره: مهاااااري … حياتي لا تقوولين جيه ..
مهره: على قولت المثل من لقى احباابه نسي اصحاابه ولا؟؟
ميره: اقوول اكييه امي يت ؟؟ ما اروم اتم يله باي ..
مهره: باي ..
………..

(( تمت اتفكر مهره شو السالفه الجايده الي مسوتنها ميره ؟؟ واخر شي قررت انها تتصل حق شموه وتخبرها بالسالفه ))

مهره: الوو وين شموه ؟؟
….. : منو ؟؟ انتي
مهره: انا مهره قوليليلها تعالي بسرعه !!!!!
….. : اووكييك

(( وتشل شما السماعه من فوق )) ….
شما : هلا مهره … شو السالفه ..

مهره : مادري مادري بس سالفه جايده!!
شما : اوو انتي دومج اتفرين الغااز يله قولي عاد ؟؟
مهره: اقولج .. ميروه ..
شما : بلاها بعد هاي من اطيح في مصايب تذكرنا؟؟
مهره: حرام عليج … اليوم دشت المسنجر و يوم ساليتها شو بلاج قالت شي جايد .. و يت امها و ظهرت بسرعه..
شما: اقوولج .. اكيد مضاربه معا امها …. برمسها عقب شوي ..

(( طبعا شما او مهره … بندن التيلفون .. شما راحت اتكمل الي اتسويه و مهره تمت اتفكر في حال ميروه لان تعرف امها كيف ؟؟ مول موب عدله مع بنتها يعني كل شي ممنوع.. و ما شي ظهرات وسيرات كله يلسه في البيت ..يعني ميروه وايد وايد متعقده من هذا الشي .. و ميروه منتقله مدرسه يديده يعني اكيد مضايجه من هذا الشي انها تبا اترد المدرسه الجديمه . تبا ربيعاتها .. و تمت مهروه اتوسوس روحها … او اتقول في خاطرها اللله يعينج يا ميروه .. .. ))

((بعد كمن يوم من هاي السالفه … و تعب مهره من كثر التفكير .. في ميروه..و قالت في بالها بما انه الحينه الويكند ليش ما اقنع الشواب انروحلهم . والله انها فكره حلوه.. فدييتني والله ظهرت ذكيه ما دري على منو ظاهره؟؟. . وراحت عند امها وحاولت تقنعها انهم يسيرون الشارجه عند قوم ميروه … ))

مهره: امايه .. طلبتج لا ترديني ؟؟ بليز..
أم مهره: شووو ؟؟ سيرات و هياتات مع اربيعاتج ما شي !!
مهره لا لا .. والله امي .. شي انحصل في اجر . .. ما تبين تمزرين خريطتج!!
ام مهره : استغفر الله العظيم .. حد جيه يقووول !!!
مهره: امي شو رايج انسير عنكم ميروه الشارجه ؟؟ من زمان ما سرنالهم ..

(( ام مهره .. اطاالعها بكل استغراب .))
.. انتي ما تبين اتسيرين مكان الا اذا شي عندج .. قووليلي شو عندج ؟ وياها !!
مهره: والله العظيم ان ما بلايه شي … بس متولهه عليها ..
ام مهره : لا لا شي عندكن !!!

مهره: يار بي. هيه مذله يعني .. قتلج ما عندي شي … اووه انا بقول حق ابويه احسن .. يوودييني
ام مهره: كييفج قوولييله !!!!
مهره بصوت واطي : اذا ما كان كيفي بيكون كيف منو ؟؟
ام مهره : سمعت ترااني لا تتحرطمين .. بروحج عندج شي تعالي قوليه بصوت عالي ..
مهره في خاطرها : حسبي الله على ابليسها ..عنبووه تسمع النمله جانها بتمشي ..

(( وطبعا اليوم الخميس .. يعني ابو مهره .. يحوط من عماره لين عماره .. يشوف الصبغ ودازاينات .. عشان يخطط حق عماراته .. استوت الساعه 10 الصبح .. وتقول مهره في خاطرها .. هاذا شيبه اكيد يحوط في العمارات .. الي يسمع من كثر الملااين الي عنده .. يالله الحمد الله على كل حال .. ورفعت مهره سماعت التيلفون ))

مهره: الووووو
ابو مهره: هلا بنتي ..
مهره (( تقردن )): هلا بطش او الرش ومالي الورد الي في الغرش هلا بالغالي ولد الغالي .. مرحبا مليوون … هلا هلا ..
ابو مهره (( منصدم )): لا لا منو مهره !!! غريبه شو هذا الترحيب الحار .. شو تبين فلوس !!
مهره: لا يابويه .. حليلي كله تظلموني بهل بيزات !! ما اريد بس حبيت استفسر اذا بتتغذي اليوم في البيت ؟؟ ولا في بيت قوم عمي !!
ابو مهره: هيه بتغدى في بيت… قولي حق امج يسوون شعري ولا تبان على الغذا!!
مهره: ان شالله عمي .. اي طلب ثاني !!
ابو مهره : لا بنتي ..
مهره: اوكيك ابوويه باي ..

او سكرت مهره …. ياربي يتحسبني داقه حق البيزات … ردت شلت السماعه مره ثانيه تتصلل بأيوها

ابو مهره: يوم اقولج شي في خاطرج!! بنتي اعرفج زين !!
مهره: تبا صدق هيه .. شي ..
ابو مهره : امري حيااتي !!
مهره : ابويه شو رايك انسير عند قوم ميروة في الشارجه !!
ابو مهره: متى؟؟؟
مهره: اليوم باباتي !!
اب مهره : تم يل الغاليه .. ما طلبتي بس شوفي اختج !!
مهره: يعيش ابويه .. يعيش ابوويه .. فدييتك والله يوم اقولك غالي ولد غالي ما صدقتنيه ..
ابو مهره: يله .. سيري قولي حق امج عن الغدا ولا تراني بكنسل .
مهره: لا لا لا .. الحيينه .. بروح …

(( سكرت مهره التيلفون و هي طايره من الفرحه .. وخبرت امها.. ان ابوها يبا سمج شعري ولا تبان.. على الغداء .. وراحت عند ظبيوي اختها.. اتقوللها جان بتسير معاها الشارجه بس .. قالت ما تبا .. تبا تيلس على النت… وتعرفون البنات قبل لا يظهرن .. يظهرن ثياب و يكون العباه او كل شي يكون مرتب لازم .. ويتسبحن . ويتنظفن …))

طبعا وصلت مهره عند ميروه على اذان المغرب… لين ما رد ابو مهره .. وتغدى و عقب ما مزر الكرشه قال انا برقد.. ونش عقب الرقاد وتسبح و دخن .. وظهروا و عاد انتوا تعرفون زحمه دبي.. ما يحتاي الي يظهر العصر زين انه يوصل بسرعه .. لا زم اذا نبا انسير مكان .. نظهر قبل بساعه ولا على الاقل ساعه ونص … عشان نوصل بسرعه ..

في الشارجه

مهر: تتحرطم .. عنبوه يا بويه؟؟ ما هقينا نوصل .. والله ريوولي عورتني !!
ابو مهره: ما تدرين ان الشهوات توئدي الي العثرات!!
مهره: والله يا بويه او ميروه موب غاليه جان ما تعنيت بس غاليه او بنت الغالي !!
ابو مهره: هيه والله يا بنتي ابوها ونعم الريااييل !!!

(( ونزلت مهره من السياره وراحت بسرعه صوب اللفت بتركب عشان اتروح شقتهم و طبعا ابو مهره .. يلس في مكتب ابو ميروه ..لان هاي عمارتهم .. وصلت مهره اللفت وهي بتموت حصلانه… اول ما وصلت دقت الجرس ستين الف مره ….. ورا بعض.. محد فتح الباااب .. قالت اكيد محد في البيت .. ويوم ردت بتسير صوب اللفت .. فجتلها الخدامه الباب. وتركض صوب الحماام … او عقب ما ظهرت من الحماام ان الخداامه في ويها.))

مهره: بسم الله الرحمن الرحيم!! بلاج واقفه عند الباب !! حشى محد يروح عندك الحماام!!
سومينار: لا لا ماماه انا في خوف منو هذا سوي يركض اتجاه مال حمام..
مهره: منو يعني يدي!! انا
سومينار : والله انتي سوي خوف مشان انا!!
مهره: اقولج وين ميروه!!!
سومينار: في نوم..
مهره: سيري وعيها !!
سومينار: والله عشان هيه سوي قرقر مشان انا!! انتي سيري

مهره: خصلات هذا اللسان ؟؟ والله انتي لو كنتي خدامه عندي من زمان طرشتج السيلان

سومينار: انتي ليش مافي حبي انا .. انتي كله سوي قرقر.. مشان انا .. يوم انتي في صغر انتي كون موجود عند انا…
مهره: جب جب انزييين ….

عاد على صريخ مهره او الخدامه.. وعت ميرووه تركض … يوم سمعت صووتي .. موب مصدقه ..
ميروه : لا لا مهره عندي والله موب مصدقه …
مهره : هيه انا عندج بشحمي او لحمي …
مهروه: ميروه ميروووووه شو هذا شو هذا الي في ………

حقوق الطبع محفوظه…..