طبعا اول ما دشت مهاري.. الحريم كانوا يالسين صوب اليمين دشت سلمت على الحريم وكانت شي هناكي ام نهيان وعيوز معاها 3 بنات.. تمت اتقول في خاطرها ليش ياين هل كثر.. سلمت وصبت القهوه على عمتها . وطبعا عرفتها لان نهيان قاللها انه هوه يشبه امه وايد وطبعا البنات.. كل وحده احلى من الثانيه.. وحده منهن معرسه.. وعندها بيبي عمره 3 سنوات.. وباقيات ما تدري عنهن.. بس كل وحده لبسها طر احلى من الثانيه.. خذت الجو عادي.. لا موب عادي..كانت تتنافض وكانت اتحاول انها توزن رمستها وما تفر اتقول اي شي … بس ما بجذب عليكم انها تمت اقل من 3 دقايق وردت على طبيعتها اتسولف وتضحك.. وهي واقفه عدال عمتها .. تترسلها الفنيال الثاني طبعا..امها سارتاتحط الفواله.. ويدتها يالسه بس ما تسمع عدل.. قالتلها .. ام نهيان: انا لو ادري انج جيه حلوه جان من زمان خطبتج حق نهيان!! وسالتها عن يدتها اذا هاي ام امها ولا ام ابوها…؟؟
وتقفط مهاري وما عرفت شو اتقول.. وهي ساكته .. ومحمره.. وكله عاد ولا البنات..كيف كانن يدققن فيها من فوق لين تحت… واتقول مهاري في خاطرها.. اوف ياربي كيف يشوفن بس خلاص بموت..ههه الله يعين والله… رمست ام نهيان ام مهره.. عن الخطبه والموعد الي بيون فيه الريايل يرمسون بو مهره.. وطبعا ام نهيان وايد حبت ام مهره… وام مهره خبرت ام نهيان عن محل يبيع الدلال واايد فنان ايبهن من سويسرا… وتواعدن على الاسبوع الياي انهن يطلعن… ويحوطن.. طبعا.. قرروا بعد انه يوم الاحد ايون الريايل ايرمسون ابو مهره… ويلسوا اهل نهيان .. في بيت قوم مهاري ..لين الساعه 9… وساروا…
عقب ما ساروا الحريم.. مهاري وتوها يايه اطيح على القنفه…
مهره: اااااه يا ظهري.. حشى عيزت وانا فارده ظهري.. حسيتبه بينقص..
ام مهره وهي سايره صوب الباب: احسن تستاهلين… محد قالج تلبسين هذا النعال.. روحه يزيد.. انا بسيرعند ابوج برمسه….
مهره: وانا بسير اتسبح….
طبعا راحت مهاري الغرفه.. واتصلت حق نهيان بس بند عنها لان بيرد الاهل البيت.. عقب ساعه رد انهيان اتصل.. ومهاري قابضه التيلفون اتقول في خاطرها الحينه بغير اسمه في تيلفوني بحطه ريلي هههه… وردت عليه..
نهيان: هلا.. هلا .. بأم سعيـــد
مهره: … قافطه.. ما تعرف شو اتقول..
نهيان: امي كانت تمدحج ساعه كامله لين ما وصلنا بوظبي… وخواتي يمدحن لبسج..والعيوز تمد وقفج وصبج القهوه.. لا واتقول هاي رمت بيت اتمد القهوه بايدها اليمين.. تعرف المذهب هههههه
مهره: خل عنك لا تيلس اتجامل,,,, اكيد كانن يسبني.. ويطنزن عليه ..
نهيان : لا والله حرام عليج…
مهره: على فكره امك وايد تشبهك…
نهيان: ههههههه شفتي العيوز الي معاها..
مهره: هيه.
نهيان:. هاي وحده يارتنا كانت مربتني وانا صغير.. وقالتلي يوم بيخطبولك انا اول وحده اريد اشوفها… هههههههههههه
مهره: وان شالله عيبتها.. بكل قوه ويه
نهيان: ما قالت شي عنج بس قالت هلها وايد ناس طيبنين!!
مهره: خواتك كانوا يشوفوني من فوق لين تحت.. ما قتلك شو صار.. اول ما كنت نازله صوب الميلس انجلبت وطحت…ههه بس الحمد الله ما حد شافنيه… ههههه سسرت فوق وحطيت لزقه على اليرح…هههههههههههه
نهيان: فديت هاي الضحكه يا ربي… خليني دوم اسمعها…
مهره: وهي قافطه ان شالله….
نهيان: حياتي … شو رايج انخلي الملجه يوم عيد ميلادج!!! ولا تبينها يوم اول يوم شفتج فيه في المانيا…
مهره: مادري على كيفك..
نهيان: نحنا يوم الاحد بني انرمس ابوج انش الله… حبيبي اسمعي بشللج شي..
…يا فرحه الكون يا زهر مغليك يا بسمه الكون يا فرحت اعياني
يا وسعت البال وشجون العين..يا من وبني غلا بي العاني..
يا معذب الوصف بالحسن الي مكسيك.. جرحت شعري وطال بوصفك بالي..
(( تمت مهاري.. اترمس نهيان لين الفجر.. اتسولف معاه عن العيال شو بتسمي اليهال.. طبعا قرروا الاولاد على نهيان والبنات على مهره يعني محد يدخل في ثاني و وكيف نهيان بيرتب الغرفه وفهم مهاري انه هو عنده ملحق خاص في بيتهم.. يعني غرفه نوم وصاله عوده وحمام.. ومطبخ تحضيري.. صغير.. وقرر انه عقب الملجه لازم يظهر معاها يسيروان يدورون اثاث.. وقالتله مهره انه طبعا ما بيخلونها.. اتروح .. فا سوو خطه انها اتقول بتروح السوق تتشرى ومن هناكي اتسير ذا ون اتنقي الاثاث حق الغرفه. وصاله . وهو يختار حق الحمام..و المطبخ التحضيري .. ويختار صبغ الغرفه.. وتفهموا شو الالوان.. وقرر انه يحط كل سامانه في كاراتين وينتقل تحت عشان التعديلات…ورمسوا عن تجهيزات العرس..وختارت مهاري قاعه الملتقي الي في المركز التجاري.. بس هو قال لا احلي جميرا بيج… لان عقب بنسير مينا السلام… وو
قرروا انه بطايق العرس اتكون من ذوقك ام المعرس … والكوشه من ذوق ام العروس… عشان ما يظاربن… وطبعا نهيان سال مهاري عن الفستان.. فقررت انها اتسويه عند حرمه مواطنه.. ونهيان ما بغى يباها اتسويه عند اروشي.. وقالت انه اروشي جديم… ما تبا.. المهم وبعد قرر انهيان انه يودي مهره شهر العسل هاواي لاخ وايد رومانسي… جان اتقوله لا اريد اسير جزر المالديف.. وجنوب افريقيا… ولا يتمون في البلاد ويتحوطون.. وفي الصيف يسافرون كلهم مع الاهل استراليا…))
اليوم الثاني…
ابو مهره: مهره …مهره.. وصمخ … تعالي اريد ارمسج !!
مهره: هلا ابويه… شت بيرمسني عن نهيان يار بي..
(( راحت مهاري عند ابوها ترمسه …))
مهره: نعم ابويه,,,,
ابو مهره: ايلسي يا بنتي… واسمعيني .. نحنا ما عندنا بنات انيوزهن من برع العايله.. انتي عندج ولد عم .. و ولد العم لبنت عمه..
مهره: انزين.. شو اسويبه ولد عمي… والله هذا موب حكم قرقوش…
ابو مهره: وهو معصب… انتي حق ولد عمج ولد عمج خاطبنج!!
مهره: خاطبني !! من متى ان شالله وهو اصلن بعده ما ظهر من البيضه..
ابو مهره: العام قبل لا تخلصين الثنويه …
مهره: والله اسمعني ابويه… انا ولد عمي ما اريده..
ابو مهره: موب عيى كيفج انا اليوم بتصل حق الريال وبرفض…
مهره: والله ثم والله ان رديتوه انه ولد عمي ما باخذه…
ابو مهره: موب على كيفج!! منو الابو انتي ولا انا؟؟
مهره: ومنو الي بيعرس انا ولا انته!!
ابو مهره: انا الحينه بتصل حق ولد عمج!! اذا قال يباج .. ما بتاخذينه هذا الريال.. وبعدين تعالي انتي ليش مستهمه من هذا الريال… وليش مصممه عليه!!
مهره: ولد عمي راعي بنات وسوالف.. وانا .. ما احبه ولا ادانيه.. كيف تبوني اعيش مع واحد اعرف سوالفه كلهن ….
ابو مهره: والله كل الشباب جيه.. وشو يضمنلج ان هذا موب راعي سوالف…
مهره: ما اظمن بس على الاقل ما اعرف اي شي عنه ما عندي خلفيه عنه… ما بتم اشك فيه.. ولد عمي.. على كل شي بشك فيه انته تبا حياتي تتنتهي بالطلاق؟؟
ابو مهره: لا يا بنتي.. بس الحينه بتصل حق ولد عمج…
(( ايو مهره وهو يرمس ولد عم مهاري.. ))
ابو مهره: السلام عليكم…
خالد: هلا عمي… وعليكمالسلام..
ابو مهره: يا ولد اخويه يا الغالي… انا عندي موضوع ابا ارمسك فيه..
خالد: اتفضل عمي…
ابو مهره: دام فضلك… البارحه يو ناس يخطبون بنتي مهره… مني.. وانا ما رديت عليهم كلمه..بعدني…
قلت قبل بطالع ولد عمها جان يباها وانته تعرف.. القريب احسن من الغريب..
خالد: والله يا عمي .. بنتك على عيني وراسي… وانا ولد عمها واباها.. واخذها انا احسن عن لا ياخذها الغريب…
ابو مهره: خلاص عيل انا الحينه بتصل وبرد الناس…
وتصرخ مهره.. ما اباه.. ما اباه.. وتسحب التيلفون من ايد ابوها…
امهره: اسمعني خالد.. انا م ااحبك وما اصلح اكون حرمتك في الف وحده غيري تتمناك.. انا ما اريد اخذ واحد … ما خلا ديسكو ما طب فيه.. ولا خلى وحده ما ياها.. اسمحلي جانك انته تباني انا ما اباك…
(( ابو مهره وهو يصفع مهره طراق.. ويسحب التيلفون من يدها))
ابو مهره: اسمعيني هذ ولد عمج وبتاخذينه قصبن عنج…
مهره: والله ثم والله اني ما اوقع وما باخذه …..
ابو مهره: بيمين ودين انتي لو ما خذتي خالد لغضب عليج لين يوم القيامه!!
((طلعت مهاري وهي اتصيح وسارت الغرفه.. كان نهيان يتتصللها بس ما ردت عليه اترد عليه شو اتقوله .. اتقوله عن ابوها.. ولا عن خالد.. الي يعرف ان مهره ما تباه.. ولا عن شوه…عقب فتره مهره يابت رقم خالد من عند خواته..وحاولات انه تفهم خواته انه ما تباه وان بيوزونها قصب… ))
مهرهوهي ترمس خالد..
مهره: الو… وهي ميته من الخوف وترتجف
خالد: هلا والله هلا بأم احمد هلا بالحس…
مهره: انا موب ام احمد انا ام اسعيد… لو سمحت..
خالد : اتهبين.,,
مهره: وهي اتسجل المكالمه… خالد انته واحد ما تبا تعرس ولا تفكر في العرس الحينه ليش تباني.. يوم بتفكر في العرس.. بتلقى الي احسن مني.. انش الله..
خالد: صح اني ما فكر في العرس…ز بس ما اباج اتعرسين..
مهره: اتصارخ .. ليش.. انته واحد تبا تلعب بعدك ما شبعت…. وانا وحده اريد استقر مع الانسان الي ارتاحله….
خالد: قصدج الي اتحبينه!!
مهره: احبه ولا ما حبه شو يخصك .. الله يخليك ان ما اريدك.. وما ينجبر قلبن على قلب..
خالد: اسمعيني مهره.. انا وصلتني علوم انج انتي تعرفينه من سنتين.. لا وترمسينه.. بعد.. واعرف كل شي عن علاقتج معاه…
مهره: منو قالك… ؟؟
خالد: ما يخصج منو قالي ..
مهره: وهي اتصيح.. خالد انته تعرف اني انا احب هذا الانسان كيف ترضى انك تفرق بين قلبين وبعدين انته كيف ترضاها على عمرك!! تاخذ وحده اتحب شخص ثاني..
خالد: اتخسين منو قال باخذج!!
مهره: عيل… لا انته راضي تاخذني ولا انته راضي اتخليني!!
خالد: انا بس بعلقج!! لين ما توصلين ال26 ولا 30 وبعدين بقووللهم يدورولي وحده غيرج لانج عيزتي.. وكيفي ما تعرفين اني انا افرق القلوب.. يله باي يا جوليت.. بتتلاقين انتي وروميو ما لج في القبر ان شالله..
مهره: عليك اللعنه.. واتسكر في ويه…
(( سمعت مهاري التسجيل حق نهيان.. مهري ضايجه اتقول حق نهيان اقولك محد يدري عني وعنك؟؟ منو الي خبرها.. وكيف عرف.. وشو يبا بالضبط… ليش انزين… وتم نهيان يفكر في مهاري.. وفي ولد عمها الجلب…الي ما يباها ولا يدانيها بس… يبا يعلقها ويفرها.. ويدمر حياتها))..
وللحديث بقيه….. بقلم شوق دبي