الدهن الذوابه الاماراتي الاصيل 2024.

الله يرحم أمهاتنا أحياء و أموات
هذه الوصفه أقدمها لكم أخواتي
والرجاء منكم………..دعوه لروح الوالده اللي علمتني هالسوالف

....……
المقادير:
فنجان قهوه عيش محمص و مطحون(يعني تحطينه في المصخن بدون أي شي وتقلبينه الين يستوي ذهبي)
نص فنجان قهوه سنوت محمص ومطحون(كمون)
نص فنجان قهوه يليلان محمص و مطحون(كزبره يابسه)
نص فنجان قهوه حلبه محمصه و مطحونه
نص فجان قهوه كركم
4قوالب زبده
ملعقه صغيره ملح
الطريقه:
تذاب الزبده علي نار هادئه ثم تضاف باقي المواد
وتترك على النار لمدة خمسة الى عشردقائق مع التحريك حتى تمتزج جيدا وتفور شويه
تترك لتبرد وبعدين تشخلينها في مشخله ضيجه
على فكره:عقب ما تصفونه لا تعقون الرواسب اللي هي "الخلاصه" لانها ألذ من الدهن يوم تاكلينها ويا عيش أبيض ولبن
وبالهنا والعافيه ………………………………………….. ……وادعولي

تسلمين أختي
و الله يرحم والدتج و يجعل مثواها الجنة

يسلموووووووووو ويزاج الله خير انتي والوااااالده

اللة يغفر لها ويرحمها

………..

جزاج الله كل خير
الله يرحم الوالده ويغفر لها وجميع اموات المسلمين
أختي الزبده الوحده كم جرام ؟
والبهارات نحمصها مع بعض ولا كل وحده بروحها ؟