الديسك 2024.

أرجو المساعدة في علاج الديسك في أسفل الظهر

زوجي يعاني من ألم في أسفل الظهر وزار المستشفى عدة مرات والرد واحد أنه يعاني من الديسك ويجب علية أجراء العملية له وأنا خائفة من العملية. وأرجو من عندة معلومات عن أي عيادة أو مستشفى خاص للظهر والديسك, الرجاء أبلاغنا في أسرع وقت ممكن شكرا لكم على تعاونكم معنا

الله يعاافيه ان شالله و ما يشوف شر

ختيه اذا ترومين تخلينه يسيير تايلند احسن تراهم زينين في هالسوالف اما هني فالبلاد ماعرف حد

اللهم اشفي زوج هداوي يا رب

اختي، ريلي كان عنده الدسك، و قالوا له عمليه في الاول، بس الحمدلله، الحين صار له 4 سنين ما يتويع الا اذا اجهد عمره! حتى يوم انه خطبني، الدكاتره قالوا له ليش بتعرس الحين، بعدك! ما تروم ع العرس!
سار مستشفى الخليج التخصصي، كان عندهم دكتور مصري، قال له مب محتاي عمليه ان شاء الله، لازم بالاول اتريح عمرك (كان ريلي كل اسبوع يضرب خط لأنه من اماره ثانيه)، و يبدا علاج طبيعي، مع بعض الادويه الموضعيه،و ينزل وزنه. استمر ع هالمنوال قولي 6 شهور، و الحمدلله! اكووه شحلاته ما شاء الله عليه، لا ديسك ولا شياته! و الله قبل كان ما يروم يتحرك ولا يلف يوم يضرب عليه بدون ابرتين مسكن، و الحين الحمدلله، يلعب و يداوم و يسير و ايي!الحين للأسف الدكتور مش موجود الحين، سافر لبلاده <<<عيل ليش ملوعه جبدنا بقصه حياتج! @_@
المغزى حبيبتي، لا يستعيل ع سالفه العمليه، و يدور دكتور متخصص في العظام (شي مراكز متحصصه في علاج العظام و التقويم الفقري في بوظبي و دبي، ما تحظرني اساميهم الحين)، و بسال كذا دكتور، و اذا الكل خلاص، صمم ع سالفه العمليه الله لا يحوجه، يسير برع يعالج!
و الله يويليه العافيه و السلامه ان شاء الله!