هلا بنات اشحالكن؟
انا اليوم حبيت آخذ رايكن فهالموضوع
شو رايكن فالناس اللي يخطبون البنيه ولا يراوونها صورة المعرس؟ لنه ربيعتي متقدملها واحد وهيه ماشافته وتستحي اتقول لأهلها انها تبى اتشوفه
بصراحه انا احس غلط
يعني الناس لازم يراوون البنت صورته على الاقل والريال بعد من حقه يشوف البنيه (الرؤية الشرعية) لانه سبحان الله من هالنظرة يرتاحون لبعض او لا
لني سمعت عن وايد بنات ملجو بدون مايشوفون ريلهن وعقب ماارتاحوا لرياييلهن ونفس الشي للرياييل في منهن يطلقن حريمهن بسبة انهن ماعيبتهم
يللا اتريا آرائكن وخبرتكن فهالموضوع
وياليت اذا عندكن سوالف الها خص فهالموضوع تكتبنها عشان الكل يستفيد
فديتكن بغيت رايكن
مافيها شي هي لازم تقول لاهلها انها تبي تشوفه من حقها
شجعيها وقوليلها لا تستحين لانه من حقج
من حقها تشوفه وتخبر اهلها باسلوب حلو انها تبا تشوفه
وعسى ربي يوفقكم
هيه انا طبعا نصحتها بهالشي
بس انا بغيت رايكن فالناس الي مايهتمون بالرؤيه الشرعية الي انا اشوفها وايد مهمه
بس انا بغيت رايكن فالناس الي مايهتمون بالرؤيه الشرعية الي انا اشوفها وايد مهمه
من حقها تشوف خطيبها و هو من حقه لانه مب حرام
نحن جي صور وبس
ومب حلو