ترددت واايد قبل لااكتب لكم الموضوع ولكن ما باليد حيله تعبنا ندور حلول ولا فيه اي حل 
هذي مشكلة البيت بكبره ونتمنى تاخذونها بجديه لانه خلاااص …. حتى ما اقدر اوصف لكم الشعوور
نحن في البيت نعاني من الوالد وقسوته ما يخطف يوم الا وصايره مصيبه في البيت والمشكلة انا ما نسوي شي .. صدقوني انه كل اللي في البيت عنده احساس بالمسئولية ولكن والدنا يوم يتظايج من شي يرد غيظه فينااا .. كنا صغار وما نفهم كنا ننضرب على اتفه الاسباب لدرجة انه الواحد منا اذا يعوره شي ما يتكلم لانه لو تكلم بينضرب ليش مرض…
هذا غير الكلام الجارح واللي يستحي الواحد يكتبه هنيه يسبنا نحن والوالده ويتلفظ بكلام لا يحبه الله ولا رسوله..
كبرنا وكل واحد منا اشتغل والمشكلة اكبرت تخيلوا لما تسمعين ابوج يقول والله اطلع منهم كل فلس صرفته عليهم ..قام ياخذ رواتبنا والمشكلة انه دوووم يصيح ما عندي فلوس .. لاتقولون يشرب والا معرس .. لاهذا ولاهذاك .. ما نعرف شو السالفه .. كم مره طرا على بالنا انه حد مسوي له عمل ( سحر) من كثر ما تعبنا ندور الاسباب ونتعوذ من الشيطان ونقول على شو بيسون العمل وليش .. أهله ( يدي ويدتي ) تعبوا منه وعمومتيه قاطعوه من كثر ما فشلهم في كل مكانوعماتي انقطعن عنا وما حد ايي بيتنا خوف من انه تييه كلمه تسمه وكل حد يشوفنا ما يحب يرمسنا او يخاف يرمسنا
يا كثر ما ندعي الله يهديه ولكنه كل يوم يزيد بظلمه .. يدعي علينا ويقول الله يلعنكم والاذان يأذن ونحن ما سوينا اصلا شي .. مجرد انا في البيت وكل من خطف عليه خذ له سبهع او لعنه .. واذا تمينا في غرفنا يتم يسب الوالده .. ونحن نسمع وما نروم نرد
فكرنا في جمعية حقوق الانسان بس بعد فضيحه نحن معروفين
وشو بيسون بيقولون نحن بنات ولازم نتم تحت رعاية والدنا ..
والمسكينه امي ما عندها اهل .. يدتي متزوجه يال ثاني وما تبا امي .. وللعلم امي ما عندها اخوان .. عندها خوات ومثل ما قلت لكم يخافن من الدخول بيتنا لانه البعد عن ابويه غنيمه..
دوووم نقول حسبي الله ونعم الوكيل .. وآمنا بالله بس تعبنا هالريال ما له حل
أرجوكم خذوا موضوعي بجديه ..
أبااا حلول تعبنا والله .. الحمد لله على كل حال^_^
والله لو عندي حل كنت ساعدتج
بس مالكم غير الصبر إن الله مع الصابرين
وبدعيلج إنتي وخواتج وأمج هذا كل إلي أقدر عليه
ربي يفرج كربتكم ويحل مشكلتكم ويهديلكم أبوكم
والله يفرج عليكم
اممممممين
وبصبركم على أبوكم مأجورين إن شاء الله
ما تقدرين تسوين شي يا اختي ..هذا ابوج ما تقدرون توقفون جدامهــ ..
عليج بقيام الليل والاكثار من الدعاء ان الله يهديــهــــ ..
كل الود
خلي حد من اعمامج يتدخل في الموضوع يعني اخوان ابوج خله يرمسونه ويوقفونه عند حده ويفهمونه ان هالتصرفات مش لائقة ابدا . او يمكن عنده ضغوطات نفسية وانتو لا تخلون عماركم ضعيفين جدامه لانه الحق حق
ثااانكس،، كنت ادري انه ماشي حل لهذي المشكلة
تعليقاتكن اسعدتني ،، الله لايبليكن ،،