و أنا واحده من كم هناك من يتبع حميه ورياضه وهناك من يتبع حميه فقط بس لو بتلاحظون نتعب ونرجع مره ثانيه نأكل ونرجع للوزن دبل .
خواتي عندي بعض الأرشادات سمعتها عن تجربة وحده من الأخوات في قناة القرأن جزاها الله ألف خير وصلت إلى الوزن المثالي كانت تزن 100 ووصلت 60 الله يبارك لها و أستنتجت من كلامها :-
1- أبتعدوا عن الحرمان خير شر لأن كل إنسان له طاقه هناك من يتحمل الحرمان ومن لايتحمل .
2- حاولوا قد ما تقدرون أنكم تقللون من الكميات الكبيره في الأكل لتصبح قليله والهدف تصغير حجم المعده عطت مثال يزاه الله ألف خير أن لو كان في خاطرج(لقيمات ) وكنتي تاكلين 10 حبات فقللي تدريجيا يعني 5 حبات وبعدين 3 حبات هني بتعودين ماتحرمين نفسج مره وحده لأن مستحيل مانأكل أكل البيت والكل يأكل في البيت بتحسين بالتعذيب وصدقت الصراحه الواحد لين متى بيتم ع المسلوق و أكل الرجيم فيعني الكميه مهمه لتقليل الوزن وما نحرم نفسنا .
3- من الخطأ النزول السريع لأنج راح تردين سريع ودبل الأخت يزاها الله ألف خير قالت نزلت بشكل بطيء بس حصلت ع وزن مثالي وجسم مشدود بدون ترهلات مع الرياضه و وزنها مازاد وثابت من سنه.
4- الرياضه مهمه جدا ما تقدرين ع الأقل أمشي المشي وايد زين.
5- بين الوجبات حسيتي بالجوع عليج بالفواكه والخظروات بس بكميات معقوله بدال الشوكلاته والحلويات والجبس.
بالنصايح هذي تضمنين طريقه صحيحه في الأكل وترجعين معدج صغيره وتحصلين ع الرشاقه والجمال والصحه.
ودمتم بالصحه والعافيه
ولاتنسون حديث الرسول صلى الله عليه وسلم: (ما ملأ ابن آدم وعاءً شراً من بطنه.بحسب ابن آدم لقيمات يقمن صلبه،فإن كان لا بد فاعلاً فثلث لطعامه وثلث لشرابه وثلث لنفسه) [رواه الترمذي].
لو الكل يمشي على كلامه صلى الله عليه وسلم مابتحصلين الاغلب بخير ومايشتكون من السمنه
والكلام موجه لي انا بعد
المشاركة الأصلية كتبت بواسطة كشيخه بوظبي 
ولاتنسون حديث الرسول صلى الله عليه وسلم: (ما ملأ ابن آدم وعاءً شراً من بطنه.بحسب ابن آدم لقيمات يقمن صلبه،فإن كان لا بد فاعلاً فثلث لطعامه وثلث لشرابه وثلث لنفسه) [رواه الترمذي].
لو الكل يمشي على كلامه صلى الله عليه وسلم مابتحصلين الاغلب بخير ومايشتكون من السمنه
والكلام موجه لي انا بعد
أختي كشيخه بوظبي مشكوره ع المشاركه الجميله والمفيده
كلمة شكر وفوقها حبة على الراس بعد
يزاج الله خير
والله أنا أحب طرح هالمواضيع الي تذكرنا بين فتره والثانيه
أنا مانحرم أنفسنا .. والذكرى تنفع المؤمنين
وقبل شوي كنت أقرى عن (نظام النقاط) هو شكل من أشكال عدم الحرمان
والأكل بحدود وبدون اسراف
عموما كل الشكر لج مره ثانيه يالغاليه وبيض الله ويهج مافصرتي
المشاركة الأصلية كتبت بواسطة $شما أحمد$ كلمة شكر وفوقها حبة على الراس بعد
يزاج الله خير
والله أنا أحب طرح هالمواضيع الي تذكرنا بين فتره والثانيه
أنا مانحرم أنفسنا .. والذكرى تنفع المؤمنين
وقبل شوي كنت أقرى عن (نظام النقاط) هو شكل من أشكال عدم الحرمان
والأكل بحدود وبدون اسراف
عموما كل الشكر لج مره ثانيه يالغاليه وبيض الله ويهج مافصرتي
مرحبا الغاليه شما مشكوره ع الرد الحلو وردج يرفع المعنويات في طرح المواضيع المفيده ويزاج الله ألف خير .