تقبل الله صيامكم 
منا و منكم
بدش بالموضوع ع طول
أنا افكر حاليا أخذ حبوب الركوتان ( للي ما يعرف شو هي هالحبوب ؛ بإختصار هي حبوب تساعد ع التخلص من حب الشباب و آثاره و كورس هالحبوب يكووون أقل شيء من 6 -8 شهوووووووور )
طبعا بعد ما صليت صلاه الاستخاره و سويت بحث شامل عن أثاره و اضراره هالحبوب 
توكلت ع الله و قلت للوالدة اني باخذهم بس أمي مول مب راضيه اخذها>>>>> تقول ما تحتاجين . لانها تعرف عن اضرآرها 
بس الدكتورة تحن و تزن فوق رأسي و بيني و بينكم 
مليت 
من الاثار الي بويهي صح انها شوي | بس فيني حبوب تحت الجلد يعني تظهر لي حبوب بين فتره و فتره
أباكم تفيدون بشيء وايد لاني صج صج صج. محتااااااااااره
أخذ الحبوب ع الشهر الياي 9 
الي بصادف أول ايام الدوامات بالجامعة و أغامر >> يعني ما اعرف شو الاعراض الي بتصير لي و
واااااااا.يد احاتي كيف شكلي بكون و اتخيل الاحراج و نظرات البنات لي و لا أخليها ع شهر 1 بكون عندي أسبوعين دوام و عقب إجازه للفصل الثاني
انا جربت هالكورس لمده 6شهور وكان افضل علاج للحبوب والاثار قلت بعد
عادي اتوكلي وخذيها ترا الاجازة ما بتفيد فالموضوع لان اثارها جفاف فالبشره والشفايف و جفاف ف دموع العين
يعني دام انج بتحطين مرطب شفايف باستمرار ومرطب للبشره طبعا خالي من العطور يكون طبي والدكتور/ه هو اللي واصفنه لج وسيري لدكتور العيون وقوليله عن اسم الكورس اللي بتاخذينه وهو بيوصفلج القطره المناسبه
انا بصراحه كنت دوووم احطي مرطب شفايف وشفايفي ما تشققت ابدا مثل ما كنت اسمع ان الشفايف تتشقف ويطلع منها دم
بس اللي خرب علي اني ما سرت لدكتور العيون من اول ما بدا الكورس لاني كنت معتمده على القطره اللي وصفتها لي دكتوره الجلديه وعيوني ادمرت وجفت وايد وعقب سرت لدكتور العيون
ف خذي بنصيحتي وراجعي دكتور العيون من بداية الكورس
وتوكلي على ﺍﻟﻠﻪ
اذا معرسه خبري دكتوره الجلديه لانها المفروض ف كل الاحوال بتطلب منج تييبين لها نتايج التحاليل اللي بتطلبها منج ومن بينهم تحليل حمل
وربي ﻳﻮﻓﻘﺞ