السلام عليكم ورحمة الله وبركاته
بنات انا بنتي عمرها 4 شهور ومريضه فيها كحه وزكام
ماترقد عدل الزكام مضايقهاا والحليب ماتشرب الا شوي
اللحين ماعرف اوديها المستشفى ولا لأ؟؟؟
انا سويت بحث وطلعت تجارب البنات مع الفكس والزيت زيتون لانه الادويه مب زينه حقهم…
بس انا اخاف فيها التهاب في صدرها ولا فيها حرارة وانا ماعرف لان ماعندي قياس الحرارة!!!
اللحين اوديها الطبيب ولا كيف … هاي البكر فيدوني ماعرف اتصرف
ولكم جزيل الشكر حبيباتي
أكيد وديها
فديتج حرااام هذه صغيرووونه ،، تلاحقي عليها ،، بسم الله عليها قبل لا يصير التهاب ولا شي
ان شاء الله يا الغلا
وتسلمين ع الرد
حتى أنا ولدي من عمره 22 يوم لين اليوم إلي عمره 4 شهور أوديه المستشفى عشان الكحة و الزكام ما يعطونه شئ..بس محلول الملح حق خشمه..وما قريتوا في جريدة الخليج تاريخ 16 مارس إن ممنوع يعطون أدوية الزجام لأطفال أقل من 6 سنين..وأنا إستغربت قبل يعطون بنتي أدوية..والحين لا..بعدين واحد من الدوام طلعلي الجريدة وعرفت شو الموضوع
والله ولدي من الزجام و الكحة..أحس بصوت من ظهره وهو على ريولي..بس ما يعطونه شئ
الغالية وديها أحسن عشان تطمنين لأن إذا طولت الزجمه تنزل في الصدر وتسوي إلتهاب
ودوم حطيلها قطرة ماي وملح في خشمها وايد زين يفتح الخشم.
اللهي يعافيها ويخليها لج إن شاء الله…
ودوم حطيلها قطرة ماي وملح في خشمها وايد زين يفتح الخشم.
اللهي يعافيها ويخليها لج إن شاء الله…
حبوبه سيري العيادة افضل لج وهم بيعطونج كل شي مفيد لها
سوي هالطريقه اختي وان شاء الله اتفيد بنتج
ادهني قاعت ريولها بزيت الزيتون وبعدين حطي عليه مسمار مطحون ولفي ريلها بالكلنكس من تحت ولبسيها زلاغ وان شاء الله بتشفى..
كرر العمليه اكثر من مره واحسن وقت فليل