اشحالكم عساكم بخير و سهاله ..
موضوعي تخص صديقة أعرفها و هي مواطنه و عمرها 28 سنة، حبيت أعرض موضوعها لكم و بالتالي راح تشوف رايكم من غير أي تجريح بارك الله فيكم لأنها وايد محتاره و مب عارفه توافق بهالموضوع ولا ترفضه ..
بدخل الموضوع على طول …
كويتي الجنسية و قريب من سنها حاط عينه على ربيعتي و قالها ابي أتقدم لج لانه هو ارتاح لها وايد و البنت ما عليها كلام و من عايله محترمه .. و الريال من كلامه تقول انه وايد محترم و ما قاصرنه شيء دارس و يشتغل في أبوظبي براتب محترم و عنده الإمكانية إنه يتزوج و يعطيها المهر الي تبيه و شاري بيت لانه لو خذاها بيسكنها في الإمارات و يمكن يسيرون الكويت كزياره لانه عنده أهله و حلاله في الكويت و أمه و ابوه متوفيين الله يرحمهم في الحج و طبعاً عنده اهل في الإمارات مواطنين للعلم.
المهم هي تقول محتاره توافق عليه ولا لأ و فوق هذا الي مخوفنها اهلها يرفضون الفكره مع إنها قاست النبض و حست انه عادي عندهم …
الي مخوفنها أكثر انها كمواطنه هل بتتلعوز بعد الزواج و عيالها بيتلعوزون ، طبعاً العيال بيحصلون جنسيتهم ابوهم بس هل في وحده متزوجة خليجي و عايشه بالإمارات و امورها ماشية تمام و بدون أي مشاكل ، و هل سحبو جوازها ولا لأ يعني من هالأمور، أنا عن نفسي شايله إيدي لاني ما اريد اقولها وافقي ولا أريد اقولها إرفضي لانه ها حياتها و ما أعرف شو السلبيات فالموضوع أو الإيجابيات و ما عندي خبرة ، فحبيت أخلي الموضوع بين إيديكن و إن شاء الله تفيدونها و ما تقصرن ..
و السموحه منكن …
بس لازم تتاكد من حياته
يمكن لاسمح الله يطلع مزوج ؟ او اي شي
هي ماتعرف كل شي عن حياته الخاصه
وهذا اللي قدرت اقوله ..
والسموحه ^^
ودام اهلها ماعندهم مانع ليش ماتزوجه
وبليز يابنات لا تخووفون البنيه عشاان بس انها بتتزوج كويتي يعني من جنسيه ثانيه
لان في كل زواج ايجابيات وسلبيات
والقوانين تتغير
والله يسر لها امورهاا
و أعتقد العياال ما راح يتلعوزون <– لأنهم خليجيين
و حتى دولتهم "الكويت" ما راح اتقص ويااهم <– يعني لهم ظهين الامارات و الكويت
المشاركة الأصلية كتبت بواسطة GuMus 
و أعتقد العياال ما راح يتلعوزون <– لأنهم خليجيين
و حتى دولتهم "الكويت" ما راح اتقص ويااهم <– يعني لهم ظهين الامارات و الكويت
صحيح .. بس عيالها بياخذون جواز كويتي طبعا ..
والاستخاره ثم الاستخاره والله يجدم لها الي فيه الخير
اختي الغالية ,, خبري ربيعتج , ان الزواج قسمة ونصيب
ويوم ديننا العظيم الي ماخلى شي الى وتكلم عنه ,, وسبحان الله للحين ماعمرنا اكتشفنا ان في شي في ديننا غلط ,, وهذي نقطة قوتنا نحن المسلمين ,, وهذا الشي الي كرمنا بيه رب العالمين
"اذا جائكم من ترضون دينه وخلقه فزوجوه او تكن فتنة في الارض وفساد عريض "
اذا الريال متمسك بدينه وبيتقي الله فيها ,, فأكيد هذا هو المطلوب
خلها تركز على التزامه ,, قبل جنسيته وماله وجاهه لإن هذي أهم نقطة
اذا الريال عدل مع ربه تستخير وتتوكل على الله واذا فيه خير حقها بيكون النصيب
وعن عيالها ,, شو مشكلتهم اختي ,, الكويت بلد خليجي وماشاء الله مب ناقصهم خير ,, والريال روحه يداوم ومستقر ,, المهم الوعي الديني ,, لإن هذا الي بيحدد سعادة ربيعتج بعدين
وربي يوفقها ويقدم لها الي فيه الخير 