السفر مع أبنائي . 2024.

حبيباتي, ممكن تعطوني رايكم لاني محتارة وايد
في خاطري اسافر بعد ما اخلص الاربعين اما ماليزيا او تايلاند
يعني في نص شهر 5 , المشكله خايفه على ابني من الامراض بيكون عمره 40 يوم وعندي ولد عمره 5 سنوات وبنت عمرها 4 سنوات وما باخ الشغاله معاي, واحنا اول مره انسافر ما اعرف كيف الجو هناك , خايفه وايد وايد ارجوكم ردو علي.

عادي حبيبتي اخذي عيالج معاج والاجواء حلووه هناك وماليزيا انظف من تايلاند

وان شاء الله تنبسطون ^_^

الصراحه ماليزيا انظف يبالج اتسيرين هناك … وتوكلي الغاليه والحافظ الله

الرحله بتكون طويله عالبيبي الله يحفظه بس ان شاء الله بتستانسون… بس لازم يكون ريلج من النوع المتعاون.. يعني ينتبه عالولد والبنت وانتي معاج البيبي وممكن تبادلون الدور.. اكيد ماليزيا احسن بوايد لانها انظف وتايلند بتكون مزدحمه بشكل رهيب في هالفتره.. تأكدي من موضوع الكرسي للبيبي في الطياره عشان ما تتبهدلين.. الافضل طبعا طيران الامارات.ولا تنسين عربانه خفيفه للياهل. الله ييسر لكم ان شاء الله

ماليزيا بدون تردد

الغالية إذا بغيتي نصيحتي لا تسافرين مع البيبي الصغير وهو بعده ما كمل شهرين ثلاثة لأن اللي أعرفه إن ممنوع تسافرين بعد الولادة مع الصغير إلا لما يكمل ثلاثة أشهر
وأصلا إذا سافرتي فيه المسكين أكيد بتكرهين حياتج لأنه يحتاج رعاية واهتمام خاص وماراح تقدرين تطلعين فيه وايد لأن صعب تتنقلين فيه
وجسمه راح يكون حساس لأنه بعد صغير

انا من رايي انج تتريين لين شر 7 او 8 بيكون البيبي شوي كبر
احسن ان 40 يوم وايد صغير… حرام
ما عليكم شر في تايلند و ماليزيا… البلاد كل شي متوفر فيها