السفر والاطفال+الخـــــــــــــــــــــــــــــــــــدام ة 2024.

خبيرات السفر حبيت استفيد منكم
احنا ان شاء الله ناوييين نسافر بس المشكلة في ريلي مايبا ياخذ الخدامة ويانا وانا ابغي اخذها عسب الصغارية هناك انا عندي طفلين واحد 3سنوات وواحد سنة
فشو راييكم هل اقنع ريلي واخذها ولاما اخذها؟
كم وحده تسافر وتشل الخدامه وياها؟

انا ما اشلها استمتعي مع ريلج

احسن لا تاخذينها بتزيد المصاريف عليكم وما بتاخذين راحتج مع ريلج وعيالج الغالية
ما شاء الله واحد كبير 3سنوات يعني يشل عمرة ما يبا شلول والصغير خذيله عربة وبيريح من الشلول

وفي الطلعات خلي مهمتج الولد الصغير والكبير يهتم فيه أبوه يعني قسموا المسؤولية بينكم وأن شاء الله تستانسون وتاخذون راحتكم الغالية

وسفرة موفقة الغالية

لااااااااااااااااااااااا تاخذينها,, بتقتلين أروع لحظات السفر وحدة بترااااقبكم.. شدي ظهرج وخلي زوجج يحس إن حرمته قد المسؤؤؤؤؤؤلية
شوفي خذي لهم ملابس قد الأيام وزود.. وخلي في شنطتج دووووم كلينكس جونسون.. وحلاوة كندر الكيس اللي فيه دوواير صغار ولعبة.. وفرشاة غسل المرااااضع.. وثومات بعدد أيام السفر عسب يمكن ما تقدرين تغسلين الثومة عدل.. واخذي عربانة بنفرين
بس ترى أقولج ترى السفر مع العيال عذااااااااااااب أنا سافرت بطفلين 4 مرات الكبيرة كانت سنتين والثانية شهرين ليت ماكملت بنتي الصغيرة سنتين
أنا تمنيت أمي كانت حية كنت حطيتهم عندها
لأن الجدول يتغير في السفر
هم ينامون في الدرب ولمن توصلون يصحصحون يوم انتم خلااااااااص منهدين تبون تنامونتحصلينهم في عز النشاط
وإذا واحد رقد والثاني تم واعي بعد تعب
لكن الخدااااااااااااااامة الغيها من قاموسج نهائي ..

اختي كانت تسافر رحلات طويلة ومتعبة وعندها 3 أولاد وبنية
عمرها ما فكرت تودي خدامة

لكن أنا عندي فكرة :
اذا تحسين ما بترومين على اليهال روحج
ودي وياج حد من أهلج يساعدج
يعني مثلا اختج أو بنت أختج أو اخت ريلج

على الأقل ما بتيلسن على أعصابج انها ممكن تشرد أو تسوي لج مصيبة

لا تاخذينها واتهني برحلتج